scorecardresearch
Latest News

‘പ്രസംഗത്തിലുടനീളം കുഞ്ഞ് എന്നെ കിക്ക് ചെയ്യുകയായിരുന്നു’, ആരാധകരുടെ കണ്ണുനനയിച്ച്‌ ആലിയയുടെ വാക്കുകള്‍

ടൈം ഇംപാക്ട് പുരസ്‌കാരം ഏറ്റുവാങ്ങിയ ശേഷം സംസാരിക്കുകയായിരുന്നു ആലിയ

‘പ്രസംഗത്തിലുടനീളം കുഞ്ഞ് എന്നെ കിക്ക് ചെയ്യുകയായിരുന്നു’, ആരാധകരുടെ കണ്ണുനനയിച്ച്‌ ആലിയയുടെ വാക്കുകള്‍

2022 ലെ ടൈം ഇംപാക്ട് പുരസ്‌കാരം സ്വന്തമാക്കിയ ആലിയ അവാര്‍ഡ് ഏറ്റുവാങ്ങിയ ശേഷം പ്രസംഗം പറയുകയുണ്ടായി. തിളങ്ങുന്ന ബ്രോണ്‍സ് നിറത്തിലുളള വസ്ത്രമണിഞ്ഞ് ആലിയ പറഞ്ഞ കാര്യങ്ങള്‍ വളരെ വ്യക്തവും ലളിതവുമായിരുന്നു.

‘ എന്റെ രാജ്യത്തെ പ്രതിനിധീകരിച്ചു കൊണ്ട് ഇവിടെ നില്‍ക്കാന്‍ സാധിച്ചതില്‍ സന്തോഷമുണ്ട്. എന്നെയും എന്റെ കരിയറിനെയും വിജയത്തിലേയ്ക്കു എത്തിച്ചത് ഈ രാജ്യമാണ്. വൈവിധ്യങ്ങളുടെ രാജ്യമാണ് ഇന്ത്യ. എനിക്കു കഴിയും വിധത്തിലുളള മാറ്റങ്ങള്‍ എന്റെ പ്രവര്‍ത്തികളിലൂടെ ചെയ്യുവാന്‍ ഞാന്‍ ആഗ്രഹിക്കുന്നു. ഇന്നു ഈ പുരസ്‌കാരം എന്നിലും, പ്രസംഗത്തിലുടനീളം എന്നെ കിക്ക് ചെയ്തു കൊണ്ടിരിക്കുന്ന എന്റെ കുഞ്ഞിലും മാറ്റം ഉണ്ടാക്കിയിട്ടുണ്ട്’ ആലിയ പറഞ്ഞു.

ആലിയയുടെ പ്രസംഗം കേട്ടു കണ്ണു നിറഞ്ഞെന്നു ആരാധകര്‍ കമന്റുകളിലൂടെ പറയുന്നുണ്ട്. ‘ കുഞ്ഞിന്റെ കാര്യം പറഞ്ഞപ്പോള്‍ വളരെ സന്തോഷം തോന്നി. ആലിയ ഒരു നല്ല അമ്മയായിരിക്കും’ അവര്‍ കുറിച്ചു.

പ്രസംഗത്തില്‍ തന്റെ ഈ വര്‍ഷത്തെ ഹിറ്റ് ചിത്രങ്ങളെക്കുറിച്ചു പറയാനും ആലിയ മറന്നില്ല. ‘ ഓരോ കഥാപാത്രങ്ങള്‍ ചെയ്തു കഴിയുമ്പോള്‍ എന്നിലുണ്ടാകുന്ന മാറ്റങ്ങള്‍ ഞാന്‍ അറിയുന്നുണ്ട്’. ഗംഗുബായ് കത്യവാഡിയിലെ പ്രകടനത്തിനു ആലിയ നിറയെ പ്രശംസകള്‍ നേടിയിരുന്നു.

പുരസ്‌കാരം ഏറ്റുവാങ്ങിയതിനു ശേഷമുളള ചിത്രങ്ങള്‍ ആലിയ തന്റെ സോഷ്യല്‍ മീഡിയ പ്രെഫൈലില്‍ പങ്കുവച്ചിട്ടുണ്ട്. റണ്‍ബീറിനൊപ്പം അഭിനയിച്ച ‘ ബ്രഹ്‌മാസ്ത്ര’ യാണ് ആലിയയുടെ അവസാനമായി പുറത്തിറങ്ങിയ ചിത്രം.

Stay updated with the latest news headlines and all the latest Entertainment news download Indian Express Malayalam App.

Web Title: Alia bhatt says baby kicks made fans in tears