ആ കുഞ്ഞു കൈകൾ എത്ര വലുതായിരിക്കുന്നു; ശ്രദ്ധേയമായി ആലിയ പങ്കുവച്ച ചിത്രങ്ങൾ

ബോളിവുഡ് താരദമ്പതികളായ ആലിയ ഭട്ടും രൺബീർ കപൂറും പാരന്റിംഗ് അനുഭവങ്ങൾ ആസ്വദിക്കുകയാണ്. കുഞ്ഞു റാഹ വന്നതിൽ പിന്നെ മകളെ ചുറ്റിപ്പറ്റിയാണ് ആലിയയുടെയും രൺബീറിന്റെയും ലോകം.

മകളുടെ വിശേഷങ്ങളും കുസൃതികളുമെല്ലാം ഇരുവരും അഭിമുഖങ്ങളിലൂടെയും മറ്റും ആരാധകരുമായി പങ്കുവയ്ക്കാറുണ്ട്.

ഏറെനാൾ മീഡിയയുടെയും പാപ്പരാസികളുടെയും കൺമുന്നിൽ നിന്ന് റാഹയുടെ മുഖം മറച്ചുപിടിച്ചിരുന്നു ആലിയയും രൺബീറും.

പാപ്പരാസികൾക്ക് ഫ്ലൈയിംഗ് കിസ് നൽകിയും, ക്യൂട്ട് ചിരിയോടെയും പിന്നീട് ക്യാമറക്കണ്ണുകളിൽ റാഹ പ്രത്യക്ഷപ്പെട്ടു തുടങ്ങി.

ഇപ്പോഴിതാ നവംബറിലെ ഏതാനും ചിത്രങ്ങൾ ആലിയ തന്റെ സോഷ്യൽ മീഡിയയിൽ പോസ്റ്റ് ചെയ്തതാണ് ശ്രദ്ധേയമാകുന്നത്. കുടുംബത്തോടൊപ്പമുള്ള ചിത്രങ്ങളിൽ റാഹയുടെ കുഞ്ഞിക്കൈകളുള്ള ഫൊട്ടോയും കാണാം.