ആലിയയെ സുന്ദരിയായി അണിയിച്ചൊരുക്കിയത് അനിൽ കപൂറിന്റെ മകൾ: ദീപാവലി ചിത്രങ്ങൾ വൈറൽ

ബോളിവുഡിലെ സൂപ്പർതാര പരിവേഷമുള്ള നായികമാരിൽ ഒരാളാണ് ആലിയ ഭട്ട്.

കുടുംബത്തോടൊപ്പമുള്ള ദീപാവലി ആഘോഷചിത്രങ്ങൾ പങ്കിട്ടിരിക്കുകയാണ് ആലിയ.

ബോളിവുഡ് താരം അനിൽ കപൂറിന്റെ ഇളയ മകളും ഫാഷൻ ഡിസൈനറുമായ റിയ കപൂർ ആണ് ആലിയയെ സ്റ്റൈൽ ചെയ്തിരിക്കുന്നത്.

വെളുത്ത എംബ്രോയ്ഡറിയുടെ ഇളം പിങ്ക് നിറത്തിലുള്ള ഷിയർ സ്ലീവ്ഡ് പെപ്ലം ടോപ്പും, ഇളം പച്ച നിറത്തിലുള്ള പലാസ പാന്റുമായിരുന്നു ആലിയയുടെ വേഷം

ഷാഡോ വർക്ക് എംബ്രോയ്ഡറി ചെയ്ത ടോപ്പാണിത്. സന്ദീപ് ഖോസ്ലെ ആണ് ഈ ഡ്രസ്സ് ഡിസൈൻ ചെയ്തത്. റിയ കപൂറിനൊപ്പം സന്യ കപൂറിനൊപ്പം ചേർന്നാണ് ആലിയയെ സ്റ്റൈൽ ചെയ്തത്.

അധികം ആഭരണങ്ങളോ മേക്കപ്പോ ഇല്ലാത്ത സിംപിൾ ലുക്കിലും ആലിയ എലഗൻ്റാണെന്ന് ആരാധകർ പറയുന്നു.

ഈ വർഷത്തെ ദീപാവലി തനിക്ക് എന്തുകൊണ്ട് ഏറെ പ്രത്യേകതകൾ ഉള്ളതാണെന്ന് ആലിയ വെളിപ്പെടുത്തിയിരുന്നു. മുംബൈയിലെ അവരുടെ വീടായ വാസ്തുവിൽ, താൻ വിവാഹം കഴിച്ചതും രാഹ ജനിച്ചതുമായ വീട്ടിലെ, അവസാന ദീപാവലിയായിരിക്കുമെന്ന് ആലിയ വെളിപ്പെടുത്തിയിരുന്നു.

"രാഹ ജനിച്ച വീട്ടിൽ ഇത് ഞങ്ങളുടെ അവസാന ദീപാവലിയാണ്. അതിനാൽ, ഇത് ശരിക്കും ഒരു വൈകാരിക നിമിഷമാണ്. എന്നിരുന്നാലും, ഇത് വളരെ ആവേശകരമാണ്, കാരണം ഈ പ്രത്യേക ദീപാവലി അവൾക്ക് ഓർമ്മയുണ്ടാകില്ലായിരിക്കാം"