ട്വിങ്കിളുമായുള്ള വിവാഹത്തിന് മുൻപ് 3 ബ്രേക്ക്അപ്പ്, നേരിട്ടതിങ്ങനെ: അക്ഷയ് കുമാർ

ബോളിവുഡ് താരം അക്ഷയ് കുമാർ, ഭാര്യ ട്വിങ്കിൾ ഖന്നയോടുള്ള സ്നേഹം പ്രകടിപ്പിക്കാൻ ലഭിക്കുന്ന അവസരങ്ങൾ ഒരിക്കലും പാഴാക്കാറില്ല. വിവാഹ വാർഷികം, ജന്മദിനവും തുടങ്ങിയ അവസരങ്ങളിലെല്ലം അദ്ദേഹം സോഷ്യൽ മീഡിയയിലൂടെ തന്റെ സ്നേഹം പങ്കുവയ്ക്കാറുണ്ട്. രണ്ടു പതിറ്റാണ്ടിലേറെയായി വിവാഹ ജീവിതം നയിക്കുകയാണ് ബോളിവുഡിലെ ഈ സ്റ്റാർ കപ്പിൾ. ട്വിങ്കിളിനെ കണ്ടെത്തുന്നതിനു മുൻപ് തനിക്ക് രണ്ട്-മൂന്ന് ബ്രേക്ക്അപ്പുകൾ സംഭവിച്ചിരുന്നെന്നും​ അതിനെ ഏങ്ങനെ നേരിട്ടെന്നും അക്ഷയ് അടുത്തിടെ വെളിപ്പെടുത്തി.

രൺവീർ ഷോ പോഡ്‌കാസ്റ്റിലൂടെ ആയിരുന്നു, തിനക്ക് സംഭവിച്ച ബ്രേക്ക്അപ്പുകളെ എങ്ങനെ നേരിട്ടെന്ന് അക്ഷയ് കുമാർ തുറന്നു പറഞ്ഞത്. തനിക്ക് ആ സമയം നന്നായി ദേഷ്യം ഉണ്ടായിരുന്നെന്നും, വ്യായാമം ചെയ്താണ് അതിനെ നേരിട്ടതെന്നും അക്ഷയ് പറഞ്ഞു. “ഞാൻ കൂടുതൽ വർക്കൗട്ട് ചെയ്യാൻ തുടങ്ങി. ധാരാളം ഭക്ഷണം കഴിക്കാൻ തുടങ്ങി. ഒരു 'മാർഷ്യൽ ആർട്ടിസ്റ്റ്' തന്റെ ബ്രേക്ക്അപ്പ് ഈ രീതിയിലാണ് നേരിടേണ്ടതെന്നാണ് ഞാൻ കരുതുന്നത്."

രവീണ ടണ്ടൻ, ശിൽപ ഷെട്ടി, പൂജ ബത്ര തുടങ്ങിയ താരങ്ങളുമായി അക്ഷയ് കുമാർ മുൻമ്പ് പ്രണയത്തിലായിരുന്നു. രവീണയുമായുള്ള ബന്ധം വിവാഹനിശ്ചയത്തിലേക്ക് പോലും എത്തിയെങ്കിലും പിന്നീട് ഇരുവരും പിന്മാറുകയായിരുന്നു.

വർക്ക് ഫ്രണ്ടിൽ, അക്ഷയ് കുമാർ ബഡേ മിയാൻ ചോട്ടെ മിയാൻ റിലീസിനായി കാത്തിരിക്കുകയാണ്. ചിത്രത്തിൽ ടൈഗർ ഷ്റോഫും, മലയാളി താരം പൃഥ്വിരാജും പ്രധാന വേഷങ്ങൾ കൈകാര്യം ചെയ്യുന്നു. വെൽക്കം ടു ദി ജംഗിൾ, സിങ്കം എഗയിൻ, ഹേരാ ഫെരി 3 എന്നിവയാണ് വരാനിരിക്കുന്ന അടുത്ത ചിത്രങ്ങൾ.

Read More Entertainment Stories Here

• ഇതാണ് ആ രണ്ടുവരി പാട്ട്; അമ്മയ്ക്കൊപ്പം ഗംഭീര പ്രകടനവുമായി ഇന്ദ്രജിത്ത്
• പ്രചോദനമായത് ക്രിസ്റ്റ്യൻ ബെയിൽ; ഞെട്ടിക്കുന്ന ട്രാൻസ്ഫർമേഷൻ ചിത്രങ്ങൾ പങ്കുവച്ച് ഗോകുൽ
• ഞങ്ങൾ പ്രണയത്തിലാകാൻ കാരണം ആ തമിഴ് നടൻ; വെളിപ്പെടുത്തി നയൻതാരയും വിഘ്നേഷും
• വാടക കൊടുക്കാൻ ആളില്ല; കുടുംബത്തിൻ്റെ ഏക ആശ്രയം ഞാനാണ്: നോറ ഫത്തേഹി
• നിന്നെ കാവിലെ പാട്ട് മത്സരത്തിന് കണ്ടോളാം; ധ്യാനിനോട് ബേസിൽ, ഇടയിൽ കുത്തിത്തിരിപ്പുമായി അജു
• ഐസ്ക്രീം നുണഞ്ഞ്, കൊച്ചിയിൽ കറങ്ങി നയൻതാര; വീഡിയോ
• സുപ്രിയ അല്ലേ ആ സ്കൂട്ടറിൽ പോയത്?; വൈറലായി വീഡിയോ
• അന്നൊരു മലയാളി പെൺകുട്ടി തന്നെ ഞെട്ടിച്ചെന്ന് അക്ഷയ് കുമാർ, അതു ഞാനെന്ന് സുരഭി