Akhanda 2 OTT: അഖണ്ഡ 2 ഒടിടിയിലേക്ക്; ബാലയ്യയുടെ പാൻ-ഇന്ത്യൻ ചിത്രം എവിടെ കാണാം?

Akhanda 2 OTT Release Date, Platform: തെലുങ്ക് നടന്‍ നന്ദമൂരി ബാലകൃഷ്ണ നായകനായി 2021 ല്‍ പുറത്തിറങ്ങിയ സൂപ്പര്‍ഹിറ്റ് ചിത്രമായ 'അഖണ്ഡ' യുടെ രണ്ടാം ഭാഗമാണ് അടുത്തിടെ തിയേറ്ററുകളിലെത്തിയ 'അഖണ്ഡ 2: താണ്ഡവം'. ആക്ഷന് പ്രാധാന്യം നൽകി ഒരുക്കിയ ചിത്രം ഒടിടിയിൽ റിലീസിനു തയ്യാറെടുക്കുകയാണ്. ചിത്രത്തിന്റെ ഒടിടി റിലീസ് തീയതി പുറത്തുവിട്ടു.

ബോയപതി ശ്രീനു സംവിധാനം ചെയ്ത ചിത്രത്തിൽ മലയാളി താരം സംയുക്ത മേനോനും ബോളിവുഡ് താരം ഹർഷാലി മൽഹോത്രയും പ്രധാന വേഷത്തിൽ എത്തുന്നുണ്ട്. ചിത്രത്തിലെ വില്ലൻ വേഷം അവതരിപ്പിക്കുന്നത് ആദി പിന്നിസെട്ടിയാണ്. പാൻ ഇന്ത്യൻ ചിത്രമായി വൻ ബഡ്ജറ്റിൽ ഒരുക്കിയ ചിത്രമാണ് അഖണ്ഡ 2.

Also Read: അന്ന് കൽപ്പനയെ രക്ഷിച്ചിരുന്നെങ്കിൽ കഥ തന്നെ മാറിയേനെ; ഗജിനിയിക്ക് പുതിയ ക്ലൈമാക്സ്, വീഡിയോ

14 റീൽസ് പ്ലസിന്റെ ബാനറിൽ രാം അചന്തയും ഗോപി അചന്തയും ചേർന്നാണ് നിർമിച്ച ചിത്രം എം. തേജസ്വിനി നന്ദമൂരിയാണ് അവതരിപ്പിക്കുന്നത്. ബോയപതി ശ്രീനുവും നന്ദമൂരി ബാലകൃഷ്ണയും ഒന്നിക്കുന്ന നാലാമത്തെ ചിത്രമാണ് പ്രത്യേകതയും അഖണ്ഡ 2 നുണ്ട്. ഛായാഗ്രഹണം സി. രാംപ്രസാദ് , സന്തോഷ് ഡി, സംഗീതം തമൻ എസ് എന്നിവർ നിർവഹിക്കുന്നു. ഡിസംബർ അഞ്ചിന് ചിത്രം ആഗോള റിലീസായി തിയറ്ററുകളിലെത്തും.

Also Read: "ചതിക്ക് ചതി, അതാണ് മ്ലാത്തി ചേട്ടത്തിയുടെ നിലപാട്"; വൈറലായി 'എക്കോ'യുടെ പുതിയ ക്ലൈമാക്സ്; വീഡിയോ

Akhanda 2 OTT: അഖണ്ഡ 2 ഒടിടി

നെറ്റ്ഫ്ലിക്സിലൂടെയാണ് അഖണ്ഡ 2 ഒടിടിയിലെത്തുന്നത്. ജനുവരി 9 ന് ചിത്രത്തിന്റെ സ്ട്രീമിങ് തുടങ്ങും. മലയാളം അടക്കമുള്ള ഭാഷകളിൽ ചിത്രം കാണാം.

Read More: തകർക്കപ്പെട്ട ധനുഷ്കോടിയും തളരാത്ത മഞ്ജുവും: എല്ലാം നഷ്ടപ്പെട്ടയിടത്തു നിന്നും ജീവിതം തിരിച്ചുപിടിച്ച പെൺകരുത്ത്