'മധുര 16'; വിവാഹ വാർഷിക ദിനത്തിൽ താരങ്ങൾ

ബോളിവുഡ് താരങ്ങളായ ഐശ്വര്യ റായ് അഭിഷേക് ബച്ചൻ താരദമ്പതികളുടെ പതിനാറാം വിവാഹ വാർഷികമായിരുന്നു വ്യാഴാഴ്ച്ച. ഇരുവരും ഒന്നിച്ചുള്ള സെൽഫി ചിത്രമാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. 2007 ലാണ് ഐശ്വര്യയും അഭിഷേകും വിവാഹിതരായത്. അടുത്ത ബന്ധുക്കൾ മാത്രമാണ് ചടങ്ങിൽ പങ്കെടുത്തത്.

ഇരുവരും ഒന്നിച്ചുള്ള ചിത്രം ഐശ്വര്യയാണ് സോഷ്യൽ മീഡിയയിൽ ഷെയർ ചെയ്തത്. വെള്ള നിറത്തിലുള്ള​ വസ്ത്രമാണ് താരങ്ങൾ അണിഞ്ഞിരിക്കുന്നത്. 'മധുര 16' എന്നാണ് ചിത്രത്തിനു അടികുറിപ്പായി ഐശ്വര്യ കുറിച്ചത്. ചിത്രത്തിനു താഴെ ആരാധകരും ആശംസകൾ അറിയിച്ചിട്ടുണ്ട്.

പമേല ചോപ്രയ്ക്ക് ആദരാഞ്ജലികൾ അർപ്പിക്കാനായി ഇരുവരും വ്യാഴാഴ്ച്ച മകൻ ആദിത്യ ചോപ്രയുടെ വസതിയിലെത്തിയിരുന്നു. വ്യാഴാഴ്ച്ചയാണ് ഹിന്ദി ചലച്ചിത്ര ലോകത്തെ ഏറ്റവും പ്രിയപ്പെട്ട പമേല മരണപ്പെട്ടത്. അനവധി ബോളിവുഡ് താരങ്ങൾ അവർക്ക് ആദരാഞ്ജലി അർപ്പിക്കാൻ വസതിയിലെത്തി.

ഐശ്വര്യയുടെയും അഭിഷേകിന്റെയും വിവാഹവും മകൾ ആരാധ്യയുടെ ജനനവുമെല്ലാം വലിയ വാർത്തയായിരുന്നു. കുച്ച് നാ കഹോ, ഉമറാവോ ജാൻ, ധൂം 2, ഗുരു, രാവൺ എന്നീ ചിത്രങ്ങിൽ ഇരുവരും ഒന്നിച്ചഭിനയിച്ചിട്ടുണ്ട്. ഏപ്രിൽ 28ന് ഐശ്വര്യ പ്രധാന വേഷത്തിലെത്തുന്ന പൊന്നിയിൻ സെൽവന്റെ രണ്ടാം ഭാഗവും തിയേറ്ററുകളിലെത്തും.