Latest News

മാസ്കും സാനിറ്റൈസറുമെല്ലാം ഉണ്ടായിരുന്നു, പക്ഷെ ഇടയ്‌ക്കെപ്പോഴോ കയ്യീന്നു പോയി; കോവിഡ് ബാധയെക്കുറിച്ച് ഐശ്വര്യ ലക്ഷ്മി

കോവിഡ് പോസിറ്റീവായതിനെ തുടർന്ന് ഹോം ക്വാറന്റൈനില്‍ കഴിയുകയാണ് ഐശ്വര്യ ഇപ്പോൾ

നടി ഐശ്വര്യ ലക്ഷ്മിയ്ക്ക് കോവിഡ്. ഹോം ക്വാറന്റൈനിലാണ് ഐശ്വര്യ ഇപ്പോൾ. പ്രകടമായ ലക്ഷണങ്ങളൊന്നുമുണ്ടായിരുന്നില്ലെന്നും കോവിഡ് പോസിറ്റീവാണെന്ന് അറിഞ്ഞതിന് ശേഷം ഹോം ക്വാറന്റൈനിലേക്ക് മാറുകയായിരുന്നുവെന്നും ഐശ്വര്യ പറയുന്നു.

“ഞാൻ മാസ്ക് ധരിച്ചു, സാനിറ്റർ ഉപയോഗിച്ചു, സാമൂഹിക അകലം പാലിച്ചു, ശുപാർശ ചെയ്തതെല്ലാം ചെയ്തു. പക്ഷേ ഏതോ ഒരു നിമിഷത്തിൽ ഇതെല്ലാം എന്റെ സാധാരണ ജീവിതത്തെ ബാധിക്കുന്നതോർത്തു മടുപ്പു തോന്നി… കാര്യങ്ങളെ ലഘുവായെടുത്തു. കുറച്ചു ദിവസങ്ങൾക്ക് ശേഷം ഇതാ ഞാൻ, ഐസൊലേഷനിൽ നിന്നുള്ള ചിത്രങ്ങൾ പങ്കുവയ്ക്കുന്നു. ശ്വാസകോശത്തിന്റെ ശേഷി വർധിപ്പിക്കാനായി യോഗ ചെയ്യുന്നു, ആന്റി വൈറൽ മരുന്നുകളും മൾട്ടി വിറ്റാമിൻ ഗുളികളും എടുക്കുന്നു, ബാൽക്കണിയിൽ നിന്നും മാതാപിതാക്കളുമായി ആശയവിനിമയം നടത്തുന്നു… മാസ്ക് ധരിക്കുക, നിങ്ങൾക്ക് ആവശ്യമുള്ളതെല്ലാം ചെയ്യുക. ഒരിക്കലും നിസ്സാരമായി എടുക്കരുത്…” ഐശ്വര്യ കുറിക്കുന്നു.

View this post on Instagram

A post shared by Aishwarya Lekshmi (@aishu__)

മലയാളത്തിലും തമിഴിലുമായി ഒരുപിടി ചിത്രങ്ങളുമായി തിരക്കിലായിരുന്നു ഐശ്വര്യ. മണിരത്‌നത്തിന്റെ ബ്രഹ്‌മാണ്ഡ ചിത്രമായ പൊന്നിയിന്‍ സെല്‍വൻ, ധനുഷിനൊപ്പമുള്ള ആക്ഷന്‍ ത്രില്ലർ, മലയാളത്തിൽ അർച്ചന 31 നോട്ട് ഔട്ട്, ബിസ്മി സ്പെഷ്യൽ, കാണെക്കാണെ, കുമാരി എന്നിങ്ങനെ നിരവധി ചിത്രങ്ങളാണ് അണിയറയിൽ ഐശ്വര്യയുടേതായി ഒരുങ്ങുന്നത്.

Read more: എന്തൊരു നോട്ടമാണ് ഇത്; നിഖിലയെ ട്രോളി ഐശ്വര്യ ലക്ഷ്മി

Web Title: Aishwarya lekshmi tests positive for coronavirus covid 19

Next Story
എളുപ്പമല്ല ആ മാറ്റം: ജാന്മണി ദാസ്Jaanmani das, jaanmoni das, jaanmoni, jaanmanii makeup artist, makeup artist, make up
The moderation of comments is automated and not cleared manually by malayalam.indianexpress.com