എന്തിനു കുറയ്ക്കണം; മലയാളികൾക്കുമുണ്ട് ലക്ഷണമൊത്ത സൂപ്പർ ഹീറോസ്!

മലയാളികളുടെ പ്രിയപ്പെട്ട താരങ്ങൾ സൂപ്പർ ഹീറോസ് ആയാൽ എങ്ങനെയിരിക്കും? രസകരമായ ആ ചിന്തയെ ആവിഷ്കരിക്കുകയാണ് ആർട്ടിഫിഷ്യൽ ഇന്റലിജൻസ് (എഐ).

പൃഥ്വിരാജിനെയും ഫഹദിനെയും ദുൽഖറിനെയും ടൊവിനോയേയും ജഗതി ശ്രീകുമാറിനെയുമെല്ലാം സൂപ്പർ ഹീറോസാക്കി മാറ്റിയിരിക്കുകയാണ് എഐയിലൂടെ

എഐ ജിഗ്സ് എന്ന പേജാണ് ഈ ചിത്രങ്ങൾക്കു പിറകിൽ

കൂട്ടത്തിൽ പൃഥ്വിരാജും ജഗതി ശ്രീകുമാറുമാണ് കൂടുതൽ പേരുടെയും കയ്യടി നേടിയത്. ജഗതിയ്ക്ക് നൽകിയത് താനോസിന്റെ വേഷപ്പകർച്ചയാണ്.

സൂപ്പർമാൻ അവതാരമാണ് പൃഥ്വിയ്ക്ക് നൽകിയത്.

ഹൾക്ക് അവതാരത്തിലാണ് ടൊവിനോ. എന്നാൽ ടൊവിനോയ്ക്ക് ഹൾക്കിലും ചേരുക തോർ ആണെന്നാണ് ആരാധകരുടെ കമന്റ്. ഹൾക്ക് ആവാൻ ടൊവിനോയേക്കാളും ചേരുക ഉണ്ണി മുകുന്ദനാണ് എന്നും ചിലർ നിർദ്ദേശിക്കുന്നുണ്ട്.

അതേസമയം, ഫഹദാണ് സ്പൈഡർമാൻ. പക്ഷേ സ്പൈഡർമാന് നല്ല ക്ഷീണം ഫീൽ ചെയ്യുന്നു എന്നാണ് സോഷ്യൽ മീഡിയയുടെ കമന്റ്.

അടുത്തിടെ multiversematrix എന്ന ഇൻസ്റ്റഗ്രാം അക്കൗണ്ട് പങ്കുവച്ച ചിത്രങ്ങളിൽ ഇന്ദ്രൻസാണ് സ്പൈഡർ മാനായി എത്തിയത്.

അതേസമയം, ബ്ലാക് പാന്തറായിട്ടാണ് വിനായകനെ ചിത്രീകരിച്ചത്.