കമന്റ്‌ ബോക്സ്‌ പൂക്കൾ കൊണ്ട് നിറയ്ക്കൂ; ഞായറാഴ്ച ടാസ്‌ക്കുമായി അഹാന

നടി, യൂട്യൂബർ എന്നീ നിലകളിലെല്ലാം സുപരിചിതയായ താരമാണ് അഹാന കൃഷ്ണ. പ്രിയപ്പെട്ടവർക്കായി സർപ്രൈസ് ഒരുക്കാനും എന്നെന്നും ഓർക്കാവുന്ന മനോഹരമായ നിമിഷങ്ങൾ സമ്മാനിക്കാനുമൊക്കെ എപ്പോഴും അഹാന സമയം കണ്ടെത്താറുണ്ട്.സോഷ്യൽ മീഡിയയിൽ വളരെയധികം സജീവമായ അഹാന ഇടയ്ക്ക് ഫോളോവേഴ്സിനായി ചെറിയ ടാസ്‌ക്കുകളൊക്കെ നൽകുന്ന പതിവുണ്ട്. ഇത്തവണയും രസകരമായ ഒരു ടാസ്ക്കുമായാണ് അഹാന എത്തിയത്.

പിങ്ക് പൂക്കൾ നിറഞ്ഞു നിൽക്കുന്ന മഞ്ഞ സാരി അണിഞ്ഞ ചിത്രങ്ങൾ അഹാന പങ്കുവച്ചിരുന്നു. ഇൻസ്റ്റഗ്രാം ഇൻഫ്ലുവൻസർ കൂടിയായ അഹാന പരസ്യത്തിന്റെ ഭാഗമായി ഇത്തരം ചിത്രങ്ങൾ നേരത്തെയും പങ്കുവച്ചിട്ടുണ്ട്. എന്നാൽ ഈ പ്രാവിശ്യം വ്യത്യസ്തമായൊരു അടികുറിപ്പാണ് നൽകിയിരിക്കുന്നത്. "കമന്റ് ബോക്സ് പൂക്കൾ കൊണ്ട് നിറയ്ക്കൂ. നിങ്ങൾ ഇന്ന് സന്തോഷവാനാണെങ്കിൽ ഒരു പൂവ്, വളരെ സന്തോഷത്തിലാണെങ്കിൽ രണ്ട്, വളരെ വളരെ വളരെ വളരെ സന്തോഷത്തിലാണെങ്കിൽ എട്ട് പൂവ് ഇനിയിപ്പോൾ നിങ്ങൾക്ക് എന്തെങ്കിലും പ്രശ്നമുണ്ടെങ്കിൽ കുഴപ്പമില്ല ഓക്കെയാകുമ്പോൾ വന്ന് ഒരു പൂവ് കമന്റ് ബോക്സിലിട്ടാൽ മതി" എന്നാണ് അഹാന കുറിച്ചത്. ഞായറാഴ്ച രാവിലെയുള്ള ആക്റ്റിവിറ്റി എന്നാണ് ഇതിന് അഹാന നൽകിയ പേര്. അനവധി ആരാധകർ കമന്റ് ബോക്സ് പൂക്കൾ കൊണ്ട് നിറയ്ക്കുകയും ചെയ്തിട്ടുണ്ട്.

'അടി', 'നാന്‍സി റാണി' എന്നിവയാണ് അഹാനയുടെ പുതിയ ചിത്രങ്ങള്‍. ദുല്‍ഖര്‍ സല്‍മാന്റെ നിര്‍മ്മാണ കമ്പനിയായ വേഫെയ്‌റര്‍ ഫിലിംസിന്റെ ചിത്രമായ അടിയില്‍ ആണ് അഹാന അവസാനമായി അഭിനയിച്ചത്. ഷൈന്‍ ടോം ചാക്കോ, ധ്രുവ്, അഹാന കൃഷ്ണ എന്നിവരാണ് ചിത്രത്തില്‍ പ്രധാന വേഷങ്ങള്‍ അവതരിപ്പിച്ചിരിക്കുന്നത്.ചിത്ത്രിന്റെ പോസ്റ്റര്‍ അഹാനയുടെ പിറന്നാള്‍ ദിനത്തില്‍ അണിയറപ്രവര്‍ത്തകര്‍ പുറത്തുവിട്ടിരുന്നു.'മീ, മൈസെല്‍ഫ് ആന്‍ഡ് ഐ' എന്ന ഒരു വെബ് സീരീസിലും അഹാന അഭിനയിച്ചിരുന്നു. യൂട്യുബിലൂടെ പുറത്തിറങ്ങിയ സീരീസ് നല്ല പ്രതികരണങ്ങളാണ് നേടിയത്.