ഓർമയുണ്ടോ 'നമ്മൾ' നായികയെ? കുടുംബചിത്രങ്ങളുമായി രേണുക മേനോൻ

സിനിമയിൽ തിളങ്ങിനിന്നിരുന്ന സമയത്താണ് നടി രേണുക മേനോൻ വിവാഹിതയാകുന്നത്. തുടർന്ന് സിനിമാ ജീവിതം അവസാനിപ്പിക്കുകയായിരുന്നു.

രേണുകയുടെയും കുടുംബത്തിന്റെയും ഏറ്റവും പുതിയ ചിത്രങ്ങളാണ് ഇപ്പോൾ ശ്രദ്ധ നേടുന്നത്.

കുടുംബത്തോടൊപ്പമുള്ള യാത്രാചിത്രങ്ങളാണ് രേണുക ഷെയർ ചെയ്തിരിക്കുന്നത്.

ഭർത്താവ് സൂരജ് കുമാറിനും രണ്ട് പെൺമക്കൾക്കുമൊപ്പം അമേരിക്കയിലെ കാലിഫോർണിയയിൽ ആണ് രേണുക താമസമാക്കിയിരിക്കുന്നത്.

മക്കളെല്ലാം വലുതായെങ്കിലും ഇന്നും കാഴ്ചയിൽ വലിയ മാറ്റമൊന്നുമില്ല രേണുകയ്ക്ക്. മക്കളിൽ ഒരാൾക്ക് പതിനാറും മറ്റേയാൾക്ക് പത്തുമാണ് പ്രായം.

അമേരിക്കയിൽ ഒരു നൃത്തവിദ്യാലയം നടത്തുന്നുമുണ്ട് രേണുക.

കമൽ സംവിധാനം ചെയ്ത 'നമ്മൾ' എന്ന സൂപ്പർഹിറ്റ് സിനിമയിലൂടെ മലയാളികളുടെ പ്രിയങ്കരിയായി മാറിയ താരമാണ് രേണുക മേനോൻ. ചിത്രത്തിലെ 'എൻ കരളിൽ താമസിച്ചാൽ' എന്ന ഗാനം ഇന്നും രേണുകയുടെ മുഖത്തോടൊപ്പം മലയാളി മനസ്സുകളിൽ പച്ചപിടിച്ചു നിൽക്കുന്നു.

മലയാളത്തിന് പുറമെ തമിഴ്, തെലുങ്ക് ഭാഷകളിലും തിളങ്ങിയ താരം വിവാഹത്തോടെയാണ് അഭിനയ ജീവിതത്തോട് വിട പറഞ്ഞത്.