നടി പാർവതി നായർ വിവാഹിതയാകുന്നു; വിവാഹ നിശ്ചയ ചിത്രങ്ങൾ

നടി പാർവതി നായർ വിവാഹിതയാകുന്നു. ഹൈദരാബാദ് സ്വദേശിയും ബിസിനസ്സുകാരനുമായ ആശ്രിതാണ് വരൻ.

ഇരുവരുടെയും വിവാഹനിശ്ചയം കഴിഞ്ഞു. വിവാഹനിശ്ചയ ചടങ്ങിൽ നിന്നുള്ള ചിത്രങ്ങൾ പങ്കിട്ടിരിക്കുകയാണ് പാർവതി ഇപ്പോൾ.

"ഞാനെന്റെ forever realനെ കണ്ടെത്തിയിരിക്കുന്നു. എല്ലാ ഉയർച്ചകളിലും താഴ്ചകളിലും നിങ്ങൾ എന്നോടൊപ്പം നിന്നു, ഇന്ന് സ്നേഹത്തിൻ്റെയും വിശ്വാസത്തിൻ്റെയും അചഞ്ചലമായ പിന്തുണയുടെയും ജീവിതത്തോട് ഞാൻ യെസ് പറഞ്ഞിരിക്കുകയാണ്," ചിത്രങ്ങൾ പങ്കിട്ട് പാർവതി കുറിച്ചു.

ഒരു പാർട്ടിയിൽ വച്ചാണ് താൻ ആശ്രിതിനെ ആദ്യം കണ്ടതെന്നാണ് പാർവതി പറയുന്നത്.

ഫെബ്രുവരി 6ന് ചെന്നൈയിൽ വച്ചാവും ഇരുവരുടെയും വിവാഹം നടക്കുക.

വി.കെ. പ്രകാശ് സംവിധാനം ചെയ്ത ‘പോപ്പിന്‍സ്’ എന്ന ചിത്രത്തിലൂടെയാണ് പാർവതി അരങ്ങേറ്റം കുറിച്ചത്.

യക്ഷി, ഫെയ്ത്ഫുള്ളി യുവേഴ്‌സ്, നീ കൊ ഞാ ചാ, ഡോള്‍സ് എന്നിവയാണ് പാർവതി വേഷമിട്ട മലയാള ചിത്രങ്ങൾ.

അജിത്ത് നായകനായെത്തിയ തമിഴ് ചിത്രം യെന്നൈ അറിന്താൽ എന്ന ചിത്രത്തിലും പാർവതി അഭിനയിച്ചു.

ഉത്തമ വില്ലന്‍, ജെയിംസ് ആന്‍ഡ് ആലീസ്, നിമിര്‍, നീരാളി, സീതാക്കത്തി എന്നിവയാണ് മറ്റു ചിത്രങ്ങൾ.

വിജയ് നായകനായെത്തിയ ‘ഗോട്ട്' ആണ് ഒടുവിൽ തിയേറ്ററുകളിലെത്തിയ ചിത്രം.

മലയാളത്തിനും തമിഴിനും പുറമെ കന്നഡ ചിത്രങ്ങളിലും പാർവതി അഭിനയിച്ചിട്ടുണ്ട്.