സഹോദരിയുടെ വിവാഹത്തിന് അതീവസുന്ദരിയായി നിമിഷ

മലയാളത്തിനു പുറമേ ഹിന്ദിയിലും ശ്രദ്ധേയമായ വേഷങ്ങളിലേയ്ക്കു ചുവടുവച്ചിരിക്കുന്ന നടി നിമിഷ സജൻ്റെ സഹോദരി നീതു വിവാഹിതയായി.

നിമിഷയാണ് ഈ സന്തോഷ വാർത്ത തൻ്റെ സോഷ്യൽ മീഡിയ പേജിലൂടെ പങ്കുവച്ചത്. ''എൻ്റെ കണ്ണുകൾ നിറയുന്നുണ്ടെങ്കിലും മനസ്സ് സന്തോഷത്താൽ പുഞ്ചിരിക്കുകയാണ്'' എന്ന കുറിപ്പോടെ വിവാഹ ചിത്രങ്ങൾ താരം പോസ്റ്റ് ചെയ്തിരിക്കുന്നു.

വിവാഹ ചിത്രങ്ങൾക്കൊപ്പം നിമിഷയുടെ ഫോട്ടോഷൂട്ടും ഇതോടെ ആരാധകരുടെ ശ്രദ്ധപിടിച്ചു പറ്റിയിരിക്കുകയാണ്.

ചുവപ്പ് സാരിയിൽ ട്രെഡീഷ്ണൽ ലുക്കിലാണ് താരം വിവാഹ ചടങ്ങുകളിൽ പങ്കെടുത്തത്.

അനു സിത്താര, അപർണ ബാലമുരളി തുടങ്ങി ഒട്ടേറെ താരങ്ങൾ ചിത്രം ലൈക്ക് ചെയ്തിട്ടുണ്ട്.