വിവാഹശേഷം സിനിമയിൽ നിന്നും മാറി നിൽക്കുന്ന നിരവധിയേറെ അഭിനേത്രികൾ നമുക്കുണ്ട്. കുടുംബത്തോടൊപ്പം വിദേശത്ത് സ്വസ്ഥജീവിതം നയിക്കുന്നവർ. ‘ജോക്കർ’ എന്ന ചിത്രത്തിലൂടെ ദിലീപിന്റെ നായികയായെത്തിയ മന്യ എന്ന മന്യ നായിഡുവും അക്കൂട്ടത്തിൽ പെടും. കുടുംബത്തോടൊപ്പം അമേരിക്കയിലാണ് മന്യ ഇപ്പോൾ. സിനിമയിൽ നിന്നും ഇടവേളയെടുത്ത മന്യ ഇപ്പോൾ അമേരിക്കയിൽ ഫിനാൻഷ്യൽ അനലിസ്റ്റായി ജോലി ചെയ്യുകയാണ്. അഭിനയത്തിൽ സജീവമല്ലെങ്കിലും സമൂഹമാധ്യമങ്ങളിൽ സജീവമാണ് ഈ തെന്നിന്ത്യൻ താരം. മന്യയുടെയും മകളുടെയും ചിത്രങ്ങളാണ് ഇപ്പോൾ സമൂഹമാധ്യമങ്ങളിൽ ശ്രദ്ധ നേടുന്നത്.
ആന്ധ്രയില്‍ നായിഡു കുടുംബത്തിൽ ജനിച്ചു വളർന്ന മന്യ മോഡലിംഗിലൂടെയാണ് വെള്ളിത്തിരയിലെത്തിയത്. ‘സ്വന്തം എന്ന് കരുതൂ’ എന്ന മലയാള ചിത്രത്തിലൂടെ ബാലതാരമായി അഭിനയരംഗത്തെത്തിയ മന്യ പിന്നീട് ‘ജോക്കറി’ലെ നായിക വേഷത്തിലൂടെയാണ് ശ്രദ്ധ നേടിയത്. മലയാളത്തിന് പുറമെ തെലുങ്കിലും കന്നടയിലും തമിഴിലുമെല്ലാം സജീവമായിരുന്ന മന്യ, ‘കുഞ്ഞിക്കൂനന്‍,’ ‘സ്വപ്‌നക്കൂട്,’ ‘അപരിചിതന്‍,’ ‘വണ്‍ മാന്‍ ഷോ,’ ‘രാക്ഷസ രാജാവ്,’ ‘വക്കാലത്തു നാരായണന്‍ കുട്ടി,’ ‘പറഞ്ഞുതീരാത്ത വിശേഷങ്ങള്‍’ തുടങ്ങി നിരവധിയേറെ ചിത്രങ്ങളിൽ ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്.
Read more: ഹണിമൂണ്‍ ചിത്രങ്ങള്‍ പങ്കുവച്ച് നടി മാതു
Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook
