മലയാള ചലച്ചിത്രലോകത്തെ സിനിമാകുടുംബത്തിലെ ഇളംതലമുറക്കാരനായ കുഞ്ചാക്കോ ബോബൻ എന്ന ചാക്കോച്ചന്റെ പിറന്നാളാണ് ഇന്ന്. കുടുംബസദസ്സുകളുടെ പ്രിയപ്പെട്ട ചാക്കോച്ചൻ ഇന്ന് 42-ാം പിറന്നാൾ ആശംസിക്കുമ്പോൾ ആഘോഷപരിപാടികൾക്ക് അൽപ്പം വ്യത്യസ്തത കൊണ്ടുവരാനുള്ള ശ്രമവുമായി ചാക്കോച്ചൻ ഫാൻസ് അസോസിയേഷനുകാരും മുൻപന്തിയിൽ തന്നെയുണ്ട്.

ചാക്കോച്ചന്റെ പിറന്നാൾ ദിനമായ നവംബർ രണ്ടിന് കേരളത്തിലെ സര്‍ക്കാർ ആശുപത്രികളില്‍ ജനിക്കുന്ന കുഞ്ഞുങ്ങള്‍ക്ക് സ്വര്‍ണമോതിരമാണ് ചാക്കോച്ചന്‍ ലവേഴ്‌സ് സമ്മാനമായി നൽകുന്നത്. ചാക്കോച്ചന്‍ ഫ്രണ്ട്‌സ് യു.എ.ഇ, ചാക്കോച്ചന്‍ ലവ്വേഴ്‌സ് എന്നിവരാണ് വ്യത്യസ്തമായ ഈ ആഘോഷപരിപാടികൾക്ക് പിന്നിൽ.

ആരാധകർക്കൊപ്പം തന്നെ സിനിമയിലെ സഹപ്രവർത്തകരും താരത്തിനുള്ള പിറന്നാൾ ആശംസകളുമായി സോഷ്യൽ മീഡിയയിൽ സജീവമാണ്.

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook