scorecardresearch
Latest News

ആഗ്രഹിച്ചതെല്ലാം സാധിച്ചാൽ പിന്നെ ദൈവത്തിനെന്തു വില; ജയസൂര്യയോട് ആരാധിക

ജയസൂര്യയെ ക്ഷേത്രത്തിൽ വച്ച് കണ്ടപ്പോൾ ഒരു ആരാധിക പറഞ്ഞ വാക്കുകളാണ് വൈറലാകുന്നത്

ആഗ്രഹിച്ചതെല്ലാം സാധിച്ചാൽ പിന്നെ ദൈവത്തിനെന്തു വില; ജയസൂര്യയോട് ആരാധിക

ഒട്ടനവധി കഥാപാത്രങ്ങളിലൂടെ മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത നടനാണ് ജയസൂര്യ. ടെലിവിഷനിലൂടെ കലാ ജീവിതത്തിനു തുടക്കം കുറിച്ച ജയസൂര്യ ‘ഊമപെണ്ണിനു ഉരിയാടാപയ്യന്‍’ എന്ന ചിത്രത്തിലൂടെയാണ് സിനിമയിലെത്തുന്നത്.സോഷ്യൽ മീഡിയയിൽ വളരെയധികം സജീവമായ ജയസൂര്യ ഭാര്യയ്ക്കൊപ്പമുള്ള ചിത്രം കഴിഞ്ഞദിവസം പങ്കുവച്ചിരുന്നു. ഭാര്യയ്ക്കൊപ്പം ക്ഷേത്രം സന്ദർശിച്ചതിന്റെ ചിത്രമാണെന്നാണ് വ്യക്തമാകുന്നത്.

ജയസൂര്യയെ ക്ഷേത്രത്തിൽ വച്ച് കണ്ടപ്പോൾ ഒരു ആരാധിക പറഞ്ഞ വാക്കുകളാണ് ഇപ്പോൾ വൈറലാകുന്നത്. “ആഗ്രഹിച്ചതെല്ലാം സാധിച്ചാൽ പിന്നെ ദൈവത്തിനെന്തു വില” എന്നതാണ് ആ വാക്കുകൾ. ഒരു അമ്മൂമ്മയാണ് ഇതു ജയസൂര്യയോട് പറയുന്നത്. വാക്കുകൾ കേട്ട് തലയാട്ടുന്ന ജയസൂര്യയെ വീഡിയോയിൽ കാണാം. ഭാര്യ സരിതയുമുണ്ട് ജയസൂര്യയ്ക്കൊപ്പം. അമ്മൂമ്മയും അവരുടെ വാക്കുകളും സോഷ്യൽ മീഡിയ ഏറ്റെടുത്തിരിക്കുകയാണ്.

അപോത്തിക്കിരി എന്ന ചിത്രത്തൊടെയാണ് ജയസൂര്യ എന്ന നടന്‍ കൂടുതല്‍ ഫ്‌ളറിഷായതെന്നു പറയാം. പിന്നീട് അങ്ങോടു ചെയ്ത കഥാപാത്രങ്ങളായാലും തിരഞ്ഞെടുത്ത ചിത്രങ്ങളായാലും ജയസൂര്യ എന്ന നടനെ മലയാള സിനിമയില്‍ കൂടുതല്‍ ശക്തനാക്കി. അതിനുളള ഏറ്റവും ഒടുവിലത്തെ ഉദാഹരണമാണ് വെളളം എന്ന ചിത്രത്തിലെ മുരളി. നാദിര്‍ഷയുടെ സംവിധാനത്തില്‍ ഒരുങ്ങിയ ‘ ഈശോ’ ആണ് ജയസൂര്യയുടെ അവസാനമായി പുറത്തിറങ്ങിയ ചിത്രം.

Stay updated with the latest news headlines and all the latest Entertainment news download Indian Express Malayalam App.

Web Title: Actor jayasurya latest video old woman talks to him about wishes and beliefs