ലിജോ ജോസ് പെല്ലിശ്ശേരിയുടെ ‘അങ്കമാലി ഡയറീസ്’ എന്ന ചിത്രത്തിലൂടെ എത്തി മലയാളികളുടെ മനസ്സുകവർന്ന നടൻ ആന്റണി വർഗീസ് എന്ന പെപ്പെ വിവാഹിതനാവുന്നു. താരത്തിന്റെ വിവാഹനിശ്ചയം കഴിഞ്ഞ ദിവസം നടന്നുവെന്നാണ് പുറത്തുവരുന്ന റിപ്പോർട്ട്. അങ്കമാലി സ്വദേശിയാണ് വധു. വിവാഹം ജൂണിലാവും എന്നാണ് റിപ്പോർട്ട്.

പെപ്പെയുടെ സഹോദരി അഞ്ജലിയുടെ വിവാഹവും അടുത്തിടെ നടന്നിരുന്നു. എളവൂര്‍ സ്വദേശി ജിപ്‌സണ്‍ ആണ് അഞ്ജലിയുടെ വരന്‍. എളവൂര്‍ സെന്റ് ആന്റണീസ് പള്ളിയില്‍ വച്ചായിരുന്നു വിവാഹം. സഹോദരിയുടെ വിവാഹവാർത്ത പെപ്പെയും സമൂഹമാധ്യമങ്ങളിൽ പങ്കുവച്ചിരുന്നു.

വിവാഹത്തിന്റെ ചിത്രങ്ങളും വീഡിയോകളും സോഷ്യൽ മീഡിയുടെ ശ്രദ്ധ കവർന്നിരുന്നു.

‘സ്വാതന്ത്ര്യം അര്‍ദ്ധരാത്രിയില്‍’, ‘ജല്ലിക്കട്ട്’ എന്നീ ചിത്രങ്ങളിലും ശ്രദ്ധേയമായ അഭിനയം കാഴ്ചവച്ച ആന്റണിയുടെ പുതിയ ചിത്രം ‘അജഗജാന്തരം’ റിലീസിന് ഒരുങ്ങുകയാണ്.

Read more: ‘അപ്പനാണ്, തൊഴിലാളിയാണ്’ വികാരഭരിതനായി പെപ്പെ

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook