Latest News
ശിവന്‍കുട്ടിക്ക് വിദ്യാഭ്യാസ മന്ത്രിയായി തുടരാന്‍ അര്‍ഹതയില്ല; രാജി ആവശ്യവുമായി പ്രതിപക്ഷം
കര്‍ണാടക: ബസവരാജ് ബൊമ്മെ മുഖ്യമന്ത്രിയായി സത്യപ്രതിജ്ഞ ചെയ്തു

പ്രണവ് പതിനേഴാം വയസ്സില്‍ എഴുതിയതാണത്

സംഗീതത്തില്‍ അതീവ തൽപരനായ പ്രണവ് പതിനേഴാം വയസ്സില്‍ എഴുതിയ ഗാനമാണ് ‘ആദി’യിലെ ‘ജിപ്സി വുമണ്‍’

pranav with lal

സൂപ്പര്‍ സ്റ്റാര്‍ മോഹന്‍ലാലിന്‍റെ മകന്‍ പ്രണവ് മോഹന്‍ലാല്‍ നായകനായി അഭിനയിച്ച ‘ആദി’ തിയേറ്ററുകളില്‍ പ്രദര്‍ശനം തുടര്‍ന്ന് വരികയാണ്. അഭിനയ രംഗത്തേക്കുള്ള പ്രണവിന്‍റെ ചുവടു വയ്പ്പിനു വലിയ സ്വീകരണമാണ് ലഭിച്ചിരിക്കുന്നത്. ചിത്രത്തിലെ ആക്ഷന്‍ രംഗങ്ങളും ഗാന രംഗങ്ങളും അവയിലെ പ്രണവിന്‍റെ പ്രകടനവുമാണ് ഏറ്റവും കൈയ്യടി നേടുന്നത്. പ്രണവ് തന്നെ എഴുതി, ഗിത്താര്‍ മീട്ടി പാടിയ ‘ജിപ്സി വുമണ്‍’ എന്ന ഗാനം കഴിഞ്ഞ ദിവസം പുറത്തു വിട്ടിരുന്നു. സംഗീതത്തില്‍ അതീവ തൽപരനായ പ്രണവ് പതിനേഴാം വയസ്സില്‍ എഴുതിയ ഗാനമാണ് ‘ആദി’യില്‍ ഉപയോഗിക്കപ്പെട്ടത്. പ്രണവിന്‍റെ കസിനും വൈഡ് ആംഗിള്‍ ക്രിയേഷന്‍സിന്‍റെ ലൈന്‍ പ്രൊഡ്യൂസറുമായ സിതാര സുരേഷ് പങ്കുവച്ചതാണ് ഈ വിവരം.

പ്രണവ് കസിന്‍സിനൊപ്പം

പ്രണവിന്‍റെ അമ്മ സുചിത്രയുടെ സഹോദരന്‍ സുരേഷ് ബാലാജിയുടെ മകളാണ് സിതാര. ദൃശ്യത്തിന്‍റെ തമിഴ് പതിപ്പായ ‘പാപനാശം’, തൂങ്കാവനം തുടങ്ങിയ ചിത്രങ്ങളുടെ ലൈന്‍ പ്രൊഡ്യൂസറായിരുന്നു സിതാര.

ഈ ഗാനത്തിന് സംഗീതം പകർന്നിരിക്കുന്നത് അനിൽ ജോൺസൺ ആണ്. ഗാനത്തിൽ നിറഞ്ഞുനിൽക്കുന്ന ഗിത്താർ വായിച്ചത് പ്രണവും സന്ദീപ് മോഹനനും ചേർന്നാണ്. സിനിമയിൽ ഒരു ഇംഗ്ലീഷ് ഗാനം എഴുതാനും പാടാനും താൽപര്യമുണ്ടെന്ന് പ്രണവ് തന്നെയാണ് സംവിധായകൻ ജീത്തു ജോസഫിനോട് പറഞ്ഞത്. പ്രണവിന്‍റെ ആഗ്രഹത്തിന് ജീത്തു സമ്മതം മൂളുകയായിരുന്നു.

ആദി എന്ന കഥാപാത്രത്തെയാണ് പ്രണവ് ചിത്രത്തിൽ അവതരിപ്പിക്കുന്നത്. പ്രണവിന്‍റെ അച്ഛൻ വേഷത്തിൽ സിദ്ദിഖും അമ്മയായി ലെനയും അഭിനയിക്കുന്നു. പുലിമുരുകനിലൂടെ മോഹന്‍ലാലിന്‍റെ വില്ലനായെത്തിയ ജഗപതി ബാബുവാണ് ആദിയിലെ വില്ലൻ. അനുശ്രീ, അദിതി എന്നിവരും സിനിമയിലുണ്ട്. ആശീര്‍വാദ് സിനിമാസിന്‍റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്.

ചിത്രങ്ങള്‍ക്ക് കടപ്പാട്: ഫേസ്ബുക്ക്‌/ഇന്‍സ്റ്റാഗ്രാം

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Aadhi gypsy woman song lyric pranav mohanlal trivia

Next Story
ഉലകനായകനൊപ്പം ഇന്ത്യന്‍ 2ല്‍ നയന്‍താര?Nayanthara, Kamal Haasan
The moderation of comments is automated and not cleared manually by malayalam.indianexpress.com