scorecardresearch

മിയയുടെ ലൂക്കയ്ക്ക് ജിപിയുടെ സമ്മാനം; വീഡിയോ

ജിപി ഒരുക്കിയ മ്യൂസിക് വീഡിയോയ്ക്ക് വേണ്ടി പാട്ടുപാടിയിരിക്കുന്നത് മിയയാണ്

miya, miya son, Luka Birthday, Govind Padmasoorya

മലയാളികളുടെ പ്രിയനായികമാരിൽ ഒരാളാണ് മിയ ജോർജ്. ഒരുപിടി നല്ല ചിത്രങ്ങളുമായി പ്രേക്ഷകരുടെ ഹൃദയത്തിൽ ഇടം നേടിയ മിയ വിവാഹ ശേഷം സിനിമയിൽ നിന്നും ഇടവേള എടുത്തിരിക്കുകയാണ്. ഇടയ്ക്ക് സോഷ്യൽ മീഡിയയിലൂടെ തന്റെ കൊച്ചു കൊച്ചു വിശേഷങ്ങൾ മിയ ആരാധകരെ അറിയിക്കാറുണ്ട്.

മിയയുടെയും അശ്വിന്റെയും മകൻ ലൂക്കയുടെ ഒന്നാം പിറന്നാളാണ് ഇന്ന്. ലൂക്കയ്ക്ക് പിറന്നാൾ സമ്മാനമായി മിയയുടെ സുഹൃത്തും നടനും അവതാരകനുമായ ഗോവിന്ദ് പത്മസൂര്യ ഒരു മ്യൂസിക് വീഡിയോ ഒരുക്കിയിരിക്കുകയാണ്. മിയ തന്നെയാണ് വീഡിയോയ്ക്ക് വേണ്ടി താരാട്ട് പാട് ആലപിച്ചിരിക്കുന്നത്.

2020 സെപ്റ്റംബർ 12നായിരുന്നു മിയയും ബിസിനസ്സുകാരനായ അശ്വിനും തമ്മിലുള്ള വിവാഹം. കണ്‍സ്ട്രക്ഷന്‍ കമ്പനി ഉടമയാണ് അശ്വിന്‍. വിവാഹശേഷം അഭിനയജീവിതത്തിൽ നിന്നും താൽക്കാലികമായി ഒരു ബ്രേക്ക് എടുത്തിരിക്കുകയായിരുന്നു മിയ. തുടർന്നും അഭിനയിക്കുന്നതിൽ അശ്വിന് പ്രശ്നങ്ങളില്ലെന്നും താൻ സിനിമ വിടുന്നില്ലെന്നും വിവാഹസമയത്ത് തന്നെ മിയ വ്യക്തമാക്കിയിരുന്നു. ലോക്ക്ഡൗൺ സമയത്തായിരുന്നു മിയയുടെ വിവാഹം.

Stay updated with the latest news headlines and all the latest Entertainment news download Indian Express Malayalam App.

Web Title: A gift for luca by govind padmasoorya miya singing video

Best of Express