താരങ്ങളുടെ വാർഷിക ഒത്തുകൂടൽ ഇത്തവണയില്ല, കാരണം ഇതാണ്

80s reunion എന്ന പേരിൽ എൺപതുകളിലെ താരങ്ങൾ ഒത്തു കൂടുന്ന വാർഷിക ഇവന്റ് ഈ വർഷമില്ലെ.  പരിപാടി ക്യാൻസൽ ചെയ്തതായി നടി ശോഭന തന്റെ ഇൻസ്റ്റാഗ്രാമിൽ പറഞ്ഞു.  ചെന്നൈ നഗരം കടന്നു പോയ മഴക്കെടുതിയും നഷ്ടവും കണക്കിലെടുത്താണ് ഈ വർഷത്തെ ഒത്തുകൂടൽ ക്യാൻസൽ ചെയ്തിരിക്കുന്നത്.

ഒത്തുകൂടൽ ക്യാൻസൽ ചെയ്തു എങ്കിലും തനിക്ക് ഷോപ്പിംഗ് ക്യാൻസൽ ചെയ്യാൻ പറ്റില്ല എന്ന് കുറിച്ചാണ് ശോഭനയുടെ പോസ്റ്റ്.  ഒപ്പം ലിപ്സ്റ്റിക് ഷോപ്പിംഗ് നടത്തുന്നതിന്റെ വിഡിയോയും താരം പോസ്റ്റ് ചെയ്തിട്ടുണ്ട്.

View this post on Instagram

A post shared by Shobana Chandrakumar (@shobana_danseuse)

എയ്റ്റീസ് ക്ലബ്ബ്

എൺപതുകളിൽ തെന്നിന്ത്യൻ സിനിമയിൽ തിളങ്ങി നിന്ന ഒരു കൂട്ടം നായികമാരും നായകന്മാരും. ദക്ഷിണേന്ത്യൻ സിനിമയിൽ തങ്ങളുടെ കയ്യൊപ്പു പതിപ്പിച്ച പ്രതിഭകൾ. കരിയറിലെ മത്സരങ്ങളേക്കാൾ ജീവിതത്തിൽ സൗഹൃദത്തിന് പ്രാധാന്യം നൽകി കൊണ്ട് അവർ ആരംഭിച്ച കൂട്ടായ്മയാണ് എയ്റ്റീസ് ക്ലബ്ബ് അഥവാ എവർഗ്രീൻ ക്ലബ്ബ് '80'.

സുഹാസിനി, ലിസി, ഖുശ്ബു, ശോഭന, രേവതി, രജനീകാന്ത്, കമൽഹാസൻ, മോഹൻലാൽ, വെങ്കിടേഷ്, സത്യരാജ്, പ്രഭു, പൂനം ധില്ലൻ, രാധ, സുമലത, അബരീഷ്, സ്വപ്ന, മേനക, പാർവ്വതി, ജയറാം, കാർത്തിക്, മുകേഷ്, പ്രതാപ് പോത്തൻ, മോഹൻ, സുരേഷ്, ശങ്കർ, അംബിക, രമേശ് അരവിന്ദ്, നരേഷ്, ഭാഗ്യരാജ്, പൂർണിമ ഭാഗ്യരാജ്, ചിരഞ്ജീവി, സുമൻ, നദിയാ മൊയ്തു, റഹ്മാൻ, രാജ്കുമാർ, സരിത, ജയസുധ, ജാക്കി ഷെറോഫ്, രാധിക ശരത്കുമാർ, രമ്യ കൃഷ്ണൻ എന്നു തുടങ്ങി തമിഴ്, തെലുങ്ക്, കന്നട, മലയാളം സിനിമകളിലെ പ്രമുഖ താരനിര തന്നെ എയ്റ്റീസ് ക്ലബ്ബിലുണ്ട്.

2009 ലാണ് സുഹാസിനി മണിരത്നവും ലിസിയും ചേർന്ന് ഇത്തരമൊരു റീയൂണിയൻ ആരംഭിക്കുന്നത്. 'ചെന്നൈ ഇന്റർനാഷണൽ ഫിലിം ഫെസ്റ്റിവൽ കാര്യങ്ങൾ ചർച്ച ചെയ്യാനായി തെന്നിന്ത്യൻ താരങ്ങൾ ഒന്നിച്ച് സുഹാസിനിയുടെ വീട്ടിൽ ഒത്തു കൂടിയ യോഗത്തിൽ നിന്നാണ് ഇത്തരമൊരു കൂട്ടായ്മയുടെ പിറവി'യെന്ന് 'ദ ഹിന്ദു'വിന് നൽകിയ അഭിമുഖത്തിൽ മുൻപ് സുഹാസിനി തന്നെ വ്യക്തമാക്കിയിരുന്നു. കൂട്ടായ്മ സംഘടിപ്പിക്കാൻ സുഹാസിനിയും ലിസിയും മുൻകൈ എടുത്തു. ആദ്യം, 80 കളിലെ താരറാണിമാർ മാത്രമുണ്ടായിരുന്ന കൂട്ടായ്മ പതിയെ വളർന്നു, താരങ്ങളും കൂട്ടായ്മയുടെ ഭാഗമായി മാറി.

Read Here

• വെന്റിലേറ്ററിലിട്ടാൽ പ്ലഗ് ഞാൻ ഊരിക്കളയുമെന്ന് അംബിക, ആശുപത്രിയിൽ കൈപിടിച്ചിരിക്കാമെന്ന് മോഹൻ; എന്റെ സുഹൃത്തുക്കൾ കിടിലമാണെന്ന് സുഹാസിനി
• ആള് ചെറുപ്പക്കാരിയാണ്; പക്ഷേ മോഹൻലാലിന്റെയും ദുൽഖറിന്റെയും അമ്മ വേഷം വരെ ചെയ്യും, ഈ നടിയെ മനസ്സിലായോ?