എന്തൊരു ഗ്ലാമറാ; സ്റ്റൈലിഷ് ലുക്കിൽ ശോഭനയും സുമലതയും ഉർവശിയും, കയ്യടിച്ച് ആരാധകർ

മലയാള സിനിമയുടെ സുവർണ്ണ കാലഘട്ടമായി കണക്കാക്കുന്ന 80-കളിലെയും 90-കളിലെയും പ്രിയപ്പെട്ട നടിമാരെ ഇന്നത്തെ മോഡേൺ ഫാഷൻ ട്രെൻഡുകളിൽ കാണാൻ കഴിഞ്ഞാലോ? അത്തരമൊരു സങ്കൽപ്പത്തിന് ദൃശ്യാവിഷ്കാരം നൽകുകയാണ് സോഷ്യൽ മീഡിയയിൽ തരംഗമായിക്കൊണ്ടിരിക്കുന്ന ഒരു കിടിലൻ എഐ വീഡിയോ. മലയാളികളുടെ ഇഷ്ട നായികമാരുടെ യുവത്വകാലത്തെ ചിത്രങ്ങൾ ഉപയോഗിച്ച്, അത്യാധുനിക ആർട്ടിഫിഷ്യൽ ഇന്റലിജൻസ് സാങ്കേതികവിദ്യയുടെ സഹായത്തോടെയാണ് ഈ വീഡിയോ നിർമ്മിച്ചിരിക്കുന്നത്.

Also Read: എനിക്ക് മെസ്സിയെക്കാളും വലുത് നവ്യയാ, അതാ ഞാനിങ്ങു പോന്നത്; സദസ്സിനെ ചിരിപ്പിച്ച് ധ്യാൻ

ശോഭന, ഉർവശി, പാർവതി, കാർത്തിക, സുമലത, ലിസ്സി, രേവതി തുടങ്ങിയ ഒരു കാലത്തെ വെള്ളിത്തിരയിലെ വിസ്മയങ്ങളാണ് ഈ എഐ  റീക്രിയേഷനിൽ തിളങ്ങി നിൽക്കുന്നത്. കാലാതീതമായ സൗന്ദര്യമുള്ള ഈ നടിമാരെ ഇന്നത്തെ യൂത്ത് ഫാഷനായ ക്രോപ്പ് ടോപ്പുകൾ, സ്റ്റൈലിഷ് ഡെനിമുകൾ, ട്രെൻഡി ഔട്ട്ഫിറ്റുകൾ, ബോൾഡ് ആക്‌സസറികൾ എന്നിവയണിഞ്ഞ് കാണുന്നത് നൊസ്റ്റാൾജിയ ഉണർത്തുന്നതിനൊപ്പം പുതിയ കാഴ്ചാനുഭവവും നൽകുന്നു.

Also Read: ഹിറ്റ്ലർ മാധവൻകുട്ടിയും പെങ്ങൾമാരും ഇതാ ഇവിടെയുണ്ട്; വൈറലായി ചിത്രം

View this post on Instagram

A post shared by DIGITRELL (@digitrell_media)

ഈ പുതിയ എഐ അവതാറുകളിൽ ഇന്നത്തെ യുവനടിമാരെ പോലും വെല്ലുന്ന ലുക്കിലാണ് ഈ ക്ലാസിക് അഭിനേത്രികൾ എത്തുന്നത്. 

Also Read: ഡീയെസ് ഈറെയിലെ ആ അമ്മയ്ക്ക് ഒടുവിൽ എന്ത് സംഭവിച്ചു? പിക്ചർ അഭി ബാക്കി ഹെ എന്ന് ട്രോളന്മാർ

കമ്പ്യൂട്ടർ ഗ്രാഫിക്സിന്റെയും AIയുടെയും സഹായത്തോടെ 'ഡീപ്ഫേക്ക്' സാങ്കേതികവിദ്യയുടെ പുതിയ സാധ്യതകൾ ഉപയോഗിച്ചാണ് ഇത്തരം വീഡിയോകൾ നിർമ്മിക്കുന്നത്. പഴയ ചിത്രങ്ങളിലെ മുഖഭാവങ്ങളെയും രൂപഘടനയെയും കൃത്യമായി വിശകലനം ചെയ്ത്, അത് പുതിയ വേഷങ്ങളോടും പശ്ചാത്തലങ്ങളോടും സമന്വയിപ്പിക്കാൻ എഐക്ക് കഴിയുന്നു. ഇത് ഒരു വ്യക്തിയുടെ മുഖത്തിന് യാതൊരു മാറ്റവും വരുത്താതെ, വേഷവിധാനം മാത്രം മാറുന്ന പ്രതീതി നൽകുന്നു. 

ഈ വീഡിയോ സോഷ്യൽ മീഡിയയുടെ ശ്രദ്ധ നേടുകയാണ്. ഒരുവശത്ത്, 80-90 കാലഘട്ടത്തിലെ പ്രേക്ഷകർക്ക് തങ്ങളുടെ പ്രിയപ്പെട്ട നടിമാരെ പുതിയ രൂപത്തിൽ കാണാനുള്ള അവസരം ലഭിക്കുമ്പോൾ, മറുവശത്ത്, പുതിയ തലമുറയ്ക്ക് മലയാള സിനിമയുടെ ക്ലാസ്സിക് നായികമാരെ പരിചയപ്പെടാനും അവരുടെ സൗന്ദര്യത്തെ പ്രശംസിക്കാനുമുള്ള അവസരമാണ് ലഭിക്കുന്നത്. 

Also Read: കളങ്കാവലിൽ മമ്മൂട്ടിയ്ക്ക് പകരം ഫഹദ് ആയിരുന്നെങ്കിലോ? വൈറലായി റീൽ