തി​രു​വ​ന​ന്ത​പു​രം: കേ​ര​ള കോ​ൺ​ഗ്ര​സ് വ​ർ​ക്കിങ് ചെ​യ​ർ​മാ​ൻ പി.​ജെ.ജോ​സ​ഫ് ഇടുക്കിയിൽ മത്സരിച്ചേക്കുമെന്ന് റിപ്പോർട്ട്. കേരള കോൺഗ്രസ് സ്ഥാനാർത്ഥി തർക്കം പരിഹരിക്കാനാണ് പിജെ ജോസഫിനെ ഇടുക്കിയിൽ മത്സരിപ്പിക്കുന്നത്.

കേരള കോൺഗ്രസിലെ തർക്കം മധ്യകേരളത്തിൽ മൂന്ന് സീറ്റുകളിൽ യുഡിഎഫിന്റെ വിജയസാധ്യതയെ ബാധിച്ചേക്കുമെന്ന വിലയിരുത്തലിന്റെ അടിസ്ഥാനത്തിലാണ് നീക്കം. ജോസഫ് മത്സരിച്ചാലും കേരള കോൺഗ്രസ് സ്ഥാനാർത്ഥിയായി രണ്ടില ചിഹ്നത്തിലാവില്ല മത്സരിക്കുക. യു​ഡി​എ​ഫിന്റെ പൊ​തു​സ്വ​ത​ന്ത്ര​നാ​യി മത്സരിപ്പിച്ചേക്കുമെന്നാണ് വിവരം.

ഇക്കുറി രണ്ട് സീറ്റിൽ മത്സരിക്കണമെന്ന് കേരള കോൺഗ്രസ് ആവശ്യപ്പെട്ടിരുന്നു. എന്നാൽ മുന്നണിയിലെ സീറ്റ് വിഭജന ചർച്ച കഴിഞ്ഞപ്പോൾ കേരള കോൺഗ്രസിന് കിട്ടിയത് കോട്ടയം സീറ്റ് മാത്രമാണ്. ഇവിടെ മത്സരിക്കാൻ താത്പര്യമുണ്ടെന്ന് ജോസഫ് പറഞ്ഞിരുന്നെങ്കിലും കോട്ടയം ജില്ലയിലെ കേരള കോൺഗ്രസ് പ്രവർത്തകർ തോമസ് ചാഴികാടന്റെ പേരാണ് നിർദ്ദേശിച്ചത്. കോ​ട്ട​യം ലോ​ക്സ​ഭാ മ​ണ്ഡ​ല​ത്തി​ലെ വൈ​ക്കം ഒ​ഴി​കെ​യു​ള്ള ആ​റു നി​യ​മ​സ​ഭാ മ​ണ്ഡ​ല​ങ്ങ​ളി​ലെ പ്ര​സി​ഡ​ന്‍റു​മാ​രും സം​സ്ഥാ​ന ജി​ല്ലാ ഭാ​ര​വാ​ഹി​ക​ളും ജോസഫിന്റെ സ്ഥാനാർത്ഥിത്വത്തിന് എതിരായിരുന്നു.

ഇതേ തുടർന്നാണ് പാർട്ടിക്കകത്ത് തർക്കം പൊട്ടിപ്പുറപ്പെട്ടത്. യുഡിഎഫിൽ പൊതുസ്വതന്ത്രനായാണ് ജോസഫ് മത്സരിക്കുകയെങ്കിലും ഫലത്തിൽ കേരള കോൺഗ്രസിന്, തങ്ങൾ മുൻപ് കണക്കുകൂട്ടിയ പോലെ രണ്ട് സീറ്റ് ലഭിക്കും. കേരള കോൺഗ്രസ് പാ​ർ​ട്ടി ജ​ന​റ​ൽ സെ​ക്ര​ട്ട​റി​യും മു​ൻ ഏ​റ്റു​മാ​നൂ​ർ എം​എ​ൽ​എ​യു​മാ​ണ് കോട്ടയത്ത് മത്സരിക്കുന്ന തോ​മ​സ് ചാ​ഴി​കാ​ടൻ.

Get Malayalam News and latest news update from India and around the world. Stay updated with today's latest Election news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ