തിരുവനന്തപുരം: സംസ്ഥാനത്ത് നാമനിര്‍ദേശ പത്രിക സമര്‍പ്പിക്കാനുള്ള കാലപരിധി ഇന്ന് അവസാനിക്കുന്നു. ബിജെപി സ്ഥാനാര്‍ഥികളായ കെ.സുരേന്ദ്രന്‍, ശോഭാ സുരേന്ദ്രന്‍ എന്നിവര്‍ രണ്ടാമത് നാമനിര്‍ദേശ പത്രിക സമര്‍പ്പിച്ചു.

Read More: ഇന്നത്തെ പ്രധാന തിരഞ്ഞെടുപ്പ് വാർത്തകൾ ഒറ്റനോട്ടത്തിൽ

കേസുകളുടെ എണ്ണം കൃത്യമായി സൂചിപ്പിക്കാതിരുന്നതിനാല്‍ ഇരുവരുടെയും ആദ്യ നാമനിര്‍ദേശ പത്രികകള്‍ പിന്‍വലിച്ചിരുന്നു. പുതിയ കേസുകള്‍ ഉള്‍പ്പെടുത്തിയാണ് ഇത്തവണ ഇരുവരും നാമനിര്‍ദേശ പത്രിക സമര്‍പ്പിച്ചിരിക്കുന്നത്. കെ.സുരേന്ദ്രന്റെ പേരില്‍ ശബരിമല കേസുകള്‍ അടക്കം ആകെ 240 കേസുകളാണ് ഉള്ളത്. ശോഭാ സുരേന്ദ്രനെതിരെ 40 കേസുകളുണ്ട്.

തൃശൂരിലെ ബിജെപി സ്ഥാനാര്‍ഥി സുരേഷ് ഗോപി ഇന്ന് നാമനിര്‍ദേശ പത്രിക സമര്‍പ്പിച്ചു. ബിജെപി സംസ്ഥാന അധ്യക്ഷന്‍ പി.എസ്.ശ്രീധരന്‍പിള്ളയ്‌ക്കൊപ്പമാണ് സുരേഷ് ഗോപി നാമനിര്‍ദേശ പത്രിക സമര്‍പ്പിക്കാന്‍ എത്തിയത്. തൃശൂരില്‍ നിരവധി പ്രവര്‍ത്തകരാണ് സുരേഷ് ഗോപിയുടെ നാമനിര്‍ദേശ പത്രിക സമര്‍പ്പണത്തിന് എത്തിയത്.

Get all the Latest Malayalam News and Election 2019 News at Indian Express Malayalam. You can also catch all the Lok Sabha Election 2019 Schedule by following us on Twitter and Facebook

.