'ഇനി പറ, വയനാട്ടില്‍ ജയിക്കുമോ?'; രാഹുലിനെ തോല്‍പിക്കാന്‍ വെല്ലുവിളിച്ച് ചെന്നിത്തല

കൊ​ച്ചി: വയനാട്ടില്‍ ഇടതുമുന്നണിയെ വെല്ലുവിളിച്ച് പ്രതിപക്ഷ നേതാവ് രമേശ് ചെന്നിത്തല. ഇരുപതിൽ ഇരുപത് സീറ്റും യുഡിഎഫ് തൂത്തുവാരുമെന്ന് അദ്ദേഹം പറഞ്ഞു. 'കോ​ണ്‍​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ വ​യ​നാ​ട്ടി​ലെ സ്ഥാ​നാ​ർ​ഥി​ത്വം സ്ഥി​രീ​ക​രി​ച്ച​തോ​ടെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ​രി​ഭ്രാ​ന്തി​യി​ലാ​യി​രി​ക്കു​ക​യാ​ണ്. വ​യ​നാ​ട്ടി​ൽ രാ​ഹു​ലി​നെ തോ​ൽ​പ്പി​ക്കാ​ൻ എ​ൽ​ഡി​എ​ഫി​ന് ക​ഴി​യു​മോ​യെ​ന്ന് ചോ​ദി​ച്ച ചെ​ന്നി​ത്ത​ല പി​ണ​റാ​യി​യെ വെ​ല്ലു​വി​ളി​ക്കു​ക​യും ചെ​യ്തു.

Read: ‘അവന്‍ വരുന്നു’; രാഹുല്‍ ഗാന്ധി വയനാട്ടില്‍ നിന്ന് മത്സരിക്കും

'കേ​ര​ള​ത്തി​ലെ ഇ​രു​പ​തി​ൽ ഇ​രു​പ​ത് സീ​റ്റും യു​ഡി​എ​ഫ് നേ​ടും. കേ​ര​ളം, ക​ർ​ണാ​ട​ക, ത​മി​ഴ്നാ​ട് എ​ന്നീ സം​സ്ഥാ​ന​ങ്ങ​ളു​ടെ അ​തി​ർ​ത്തി എ​ന്ന നി​ല​യി​ലാ​ണ് വ​യ​നാ​ട്ടി​ൽ രാ​ഹു​ൽ മ​ത്സ​രി​ക്കാ​ൻ തീ​രു​മാ​നി​ച്ച​ത്. രാ​ഹു​ലി​ന്‍റെ സ്ഥാ​നാ​ർ​ഥി​ത്വ​ത്തോ​ടെ ഈ ​മൂ​ന്നു സം​സ്ഥാ​ന​ത്തെ​യും കോ​ണ്‍​ഗ്ര​സി​ന്‍റെ വി​ജ​യം കൂ​ടു​ത​ൽ തി​ള​ക്ക​മു​ള്ള​താ​കു​മെ​ന്നും ചെ​ന്നി​ത്ത​ല പ​റ​ഞ്ഞു. കേരളത്തിലെ യുഡിഎഫിനും ഘടകക്ഷികൾക്കും വലിയ ആശ്വാസവും സന്തോഷവുമാണ്. വലിയ മാറ്റം കേരള രാഷ്ട്രീയത്തിൽ ഉണ്ടാക്കാൻ രാഹുലിന്‍റെ സ്ഥാനാർഥിത്വത്തിന് കഴിയുമെന്നും അദ്ദേഹം വ്യക്തമാക്കി.

രാഹുല്‍ ഗാന്ധി വയനാട്ടില്‍ മത്സരിക്കുമെന്ന് ഇന്നാണ് ഉറപ്പായത്. കോണ്‍ഗ്രസ് ഔദ്യോഗിക പ്രഖ്യാപനം നടത്തി ഇക്കാര്യം സ്ഥിരീകരിച്ചു. ഉത്തര്‍പ്രദേശിലെ അമേഠിക്ക് പുറമെയാണ് രാഹുല്‍ വയനാട്ടില്‍ കൂടി മത്സരിക്കുക. മുതിര്‍ന്ന നേതാവ് എ.കെ.ആന്റണിയാണ് രാഹുലിന്റെ സ്ഥാനാര്‍ഥിത്വം പ്രഖ്യാപിച്ചത്. കോണ്‍ഗ്രസ് വക്താവായ രൺദീപ് സിങ് സുർജേവാല, എഐസിസി ജനറല്‍ സെക്രട്ടറി കെ.സി.വേണുഗോപാല്‍ ഉൾപ്പെടെയുളള നേതാക്കള്‍ ഡല്‍ഹിയില്‍ വാര്‍ത്തസമ്മേളനത്തില്‍ പങ്കെടുത്തു.