Latest News
‘ഉണ്ടായത് പരാതിപ്പെടാത്തതിലുള്ള ആത്മരോഷം’; ഖേദം പ്രകടിപ്പിച്ച് ജോസഫൈന്‍
സ്വര്‍ണക്കടത്ത് കേസ്: ജുഡീഷ്യല്‍ കമ്മിഷനെതിരെ ഇഡി ഹൈക്കോടതിയില്‍
നിർബന്ധിച്ചുള്ള വാക്സിനേഷൻ മൗലികാവകാശങ്ങളുടെ ലംഘനം: മേഘാലയ ഹൈക്കോടതി
ജോസഫൈനെതിരെ ഇടത് ഇടങ്ങളിലും പ്രതിഷേധം ശക്തം; കണ്ടില്ലെന്നു നടിക്കാനാവാതെ സിപിഎം
ജമ്മു കശ്മീർ: തിരഞ്ഞെടുപ്പ് നടക്കാൻ മണ്ഡല പുനർനിർണയം വേഗത്തിലാകണമെന്ന് പ്രധാനമന്ത്രി
ഇസ്രായേല്‍ എംബസിക്കു സമീപത്തെ സ്‌ഫോടനം: ലഡാക്കില്‍നിന്നുള്ള നാല് വിദ്യാര്‍ഥികള്‍ അറസ്റ്റില്‍
യൂറോയിൽ കോവിഡ് ഡെൽറ്റ വകഭേദം റിപ്പോർട്ട് ചെയ്തു; കാണികളോട് പരിശോധന നടത്താൻ സർക്കാർ
ഗൂഗിളുമായി സഹകരിച്ചു ജിയോഫോൺ നെക്സ്റ്റ് വരുന്നു; പ്രഖ്യാപനവുമായി അംബാനി
സംസ്ഥാനത്ത് ഇന്ന് മുതല്‍ ലോക്ക്ഡൗണില്‍ കൂടുതല്‍ ഇളവുകള്‍
ഇന്ധനനിരക്ക് വര്‍ധിച്ചു; കേരളത്തില്‍ സെഞ്ച്വറി കടന്ന് പെട്രോള്‍ വില

Lok Sabha Election 2019 Live Updates: ആചാരാനുഷ്ഠാനങ്ങളെ തകർക്കാന്‍ ബിജെപി അനുവദിക്കില്ലെന്ന് മോദി

ആഭ്യന്തരമന്ത്രി രാജ്നാഥ് സിംഗ് നാളെ കേരളത്തിലെത്തും

ന്യൂഡല്‍ഹി: ഒന്നാം ഘട്ട തിരഞ്ഞെടുപ്പ് പൂര്‍ത്തിയായതിനു പിന്നാലെ തിരഞ്ഞെടുപ്പ് പ്രചാരണം ശക്തമാക്കി രാഷ്ട്രീയ പാര്‍ട്ടികള്‍. പ്രചാരണത്തിന്റെ ഭാഗമായി പ്രധാനമന്ത്രി നരേന്ദ്ര മോദി കോഴിക്കോട് എത്തി. കോഴിക്കോട് ബിച്ചീൽ നടക്കുന്ന ‘വിജയ് സങ്കൽപ് റാലി’യിൽ മോദി പങ്കെടുക്കും. കരിപ്പൂരിൽ വിമാനമിറങ്ങിയ മോദി റോഡ് മാർഗമാണ് കോഴിക്കോട് എത്തിയത്.

മോദിയെ കാണാൻ ബിജെപി പ്രവർത്തകർ കോഴിക്കോട് എത്തിയിട്ടുണ്ട്. കേരളത്തിലെ എൻഡിഎ സ്ഥാനാർഥികളും പങ്കെടുക്കും. മഹാരാഷ്ട്രയിലും കർണാകടകയിലും ആയിരുന്നു മോദിയുടെ മറ്റ് പരിപാടികൾ. രാവിലെ മഹാരാഷ്ട്രയിലും ഉച്ചയ്ക്ക് കർണാകയിലും മോദി ജനങ്ങളെ അഭിസംബോധന ചെയ്ത് സംസാരിച്ചു.

കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി ഇന്ന് പ്രചാരണം നടത്തിയത് തമിഴ്‌നാട്ടിലാണ്. കോഴിക്കോട് എത്തുന്ന മോദിക്ക് വേണ്ടി വന്‍ സ്വീകരണമാണ് ബിജെപി ഒരുക്കിയിരിക്കുന്നത്. കേന്ദ്ര ആഭ്യന്തര മന്ത്രി രാജ്‌നാഥ് സിംഗും നാളെ കേരളത്തിലെത്തും. കൊല്ലം, കോട്ടയം, പാലക്കാട് എന്നിവിടങ്ങളിലെ തിരഞ്ഞെടുപ്പ് പ്രചാരണ പരിപാടികളില്‍ രാജ്‌നാഥ് സിംഗ് പ്രസംഗിക്കും.

Live Blog














20:11 (IST)12 Apr 2019





















മോദിയുടെ പ്രസംഗം അവാസാനിച്ചു.

പ്രധാനമന്ത്രി നരേന്ദ്രമോദിയുടെ പ്രസംഗം അവസാനിച്ചു 

20:10 (IST)12 Apr 2019





















അഞ്ച് വർഷത്തിനിടെ ഇന്ത്യയ്ക്ക് വന്‍ പുരോഗതി

കഴിഞ്ഞ അഞ്ച് വർഷത്തിനിടെ ഇന്ത്യ വലിയ പുരോഗതി കെെവരിച്ചു. പക്ഷെ ഇനിയും മുന്നോട്ട് പോകാനുണ്ട്. ഇന്ത്യയുടെ വികസനത്തിന്റെ കാഴ്ചപ്പാട് വ്യക്തമാക്കുന്നതാണ് ബിജെപിയുടെ പ്രകടന പത്രികയെന്ന് മോദി

20:03 (IST)12 Apr 2019





















വിനോദ സഞ്ചാരം ജനങ്ങളെ ഒന്നിപ്പിക്കുന്നു

ഭീകരവാദം ജനങ്ങളെ ഭിന്നിപ്പിക്കുന്നു. എന്നാല്‍ വിനോദ സഞ്ചാരം ജനങ്ങളെ ഒരുമിപ്പിക്കുന്നു. നിങ്ങളുടെ സന്തോഷമാണ് എന്റെ സന്തോഷം. നിങ്ങളുടെ വേദനകള്‍ പരിഹരിക്കാന്‍ എന്നും ശ്രമിച്ചിട്ടുണ്ട്. 

20:00 (IST)12 Apr 2019





















സെെന്യത്തെ സംശയിക്കുന്നു

രാജ്യത്തിലെ സെെനിക സേനയെ യുഡിഎഫും എല്‍ഡിഎഫും സംശയിക്കുകയാണ്. ആകെ ചെയ്യേണ്ടത് അവരെ പിന്തുണക്കുക മാത്രമാണ്. നമ്മുടെ പ്രതിപക്ഷ നേതാക്കന്മാരുടെ പ്രസ്താവനകളാണ് പാക്കിസ്ഥാനില്‍ ആഘോഷിക്കപ്പെടുന്നത്. അവരാമ് പാക്കിസ്ഥാനിലെ ഹീറോസ്. കേരളത്തില്‍ വിദ്വേഷവും തീവ്രവാദവും വളർത്തുന്ന ഭീകര ശ്കതികള്‍ക്ക് ഇരുമുന്നണികളും പാസ് നല്‍കിയിരിക്കുകയാണ്. അവരെ ഒരുപാഠം പഠിപ്പിക്കേണ്ടതുണ്ടെന്നും മോദി

19:56 (IST)12 Apr 2019





















സ്ത്രീ ശാക്തീകരണത്തില്‍ രണ്ട് മുന്നണികള്‍ക്കും ഇരട്ടത്താപ്പ്

സ്ത്രീ ശാക്തീകരണത്തിന്റെ കാര്യത്തില്‍ കേരളത്തിലെ ഇരുമുന്നണികള്‍ക്കും ഇരട്ടത്താപ്പ്. അവരുടേത് വോട്ട് ബാങ്ക് രാഷ്ട്രീയം. ബിജെപിയുടെ ആശയം എല്ലാവരുടേയും വികസനം എന്നതാണ്. കേരളത്തില്‍ ത്രിപുര ആവർത്തിക്കുമെന്നും മോദി

19:49 (IST)12 Apr 2019





















കേരളത്തിലെ ജനങ്ങളുടെ വിശ്വാസങ്ങളെ തർക്കാന്‍ യുഡിഎഫിനും എല്‍ഡിഎഫിനും സാധിക്കില്ല. അവരുടെ നുണകള്‍ക്കും ലാത്തികള്‍ക്കും കേരളത്തിന്റെ സംസ്കാരത്തെ തർക്കാനാകില്ലെന്ന് മോദി. ബിജെപിയുള്ളിടത്തോളം കേരളത്തിന്റെ സംസ്കാരത്തെ തകർക്കാനാവില്ല. ബിജെപി കേരളത്തോടൊപ്പം, ബിജെപി വിശ്വാസത്തോടൊപ്പമാണെന്ന് വ്യക്തമാക്കുകയാണ്. 

19:46 (IST)12 Apr 2019





















സർക്കാരിന് വിമർശനം

കേരളം ഭരിക്കുന്നത് കാഴ്ചപ്പാടില്ലാത്ത മുന്നണിയെന്ന് മോദി. ഇരുമുന്നണിയുടേയും സംസ്കാരം അക്രമ രാഷ്ട്രീയമണെന്നും മോദി.  സംസ്ഥാനത്ത് നടക്കുന്നത് പിന്നോട്ടുള്ള വികസനം. 

19:35 (IST)12 Apr 2019





















യുഡിഎഫും എല്‍ഡിഎഫും ഒന്നുതന്നെ

യുഡിഎഫും എല്‍ഡിഎഫും തമ്മില്‍ പേരില്‍ മാത്രമാണ് വ്യത്യാസമെന്നും രണ്ടും ഒന്നാണെന്നും ബിജെപി അവക്കുള്ള ബദലാണെന്നും മോദി. 

19:33 (IST)12 Apr 2019





















യുഡിഎഫും എല്‍ഡിഎഫും കേരളത്തെ നിരാശപ്പെടുത്തിയ മുന്നണികളെന്ന് മോദി. 

19:31 (IST)12 Apr 2019





















മോദി പ്രസംഗം ആരംഭിച്ചു

കോഴിക്കോടിന്റെ മണ്ണില്‍ വീണ്ടുമെത്താന്‍ സാധിച്ചതില്‍ സന്തോഷമെന്ന് മോദി 

19:30 (IST)12 Apr 2019





















ശബരിമല തിരഞ്ഞെടുപ്പ് വിഷയമാകും

ശബരിമല തിരഞ്ഞെടുപ്പില്‍ ചർച്ചാവിഷയമാകുമെന്ന് ബിജെപി അധ്യക്ഷന്‍ പിഎസ് ശ്രീധരന്‍പിള്ള

19:21 (IST)12 Apr 2019





















മോദി വേദിയില്‍

ബിജെപിയുടെ തിരഞ്ഞെടുപ്പ് പ്രചരണ വേദിയില്‍ പ്രധാനമന്ത്രി നരേന്ദ്രമോദിയെത്തി. 

18:59 (IST)12 Apr 2019





















അധികാരം ജനങ്ങളുടെ കെെയ്യിലാണെന്ന് രാഹുല്‍

കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി തമിഴ്നാട്ടിലെ മധുരയില്‍ സംസാരിക്കുന്നു

18:55 (IST)12 Apr 2019





















എന്‍ഡിഎ നേതാക്കള്‍ സംസാരിക്കുന്നു

കോഴിക്കോട് ബീച്ചിലെ ബിജെപി സമ്മേളനത്തില്‍ എന്‍ഡിഎ നേതാക്കള്‍ സംസാരിക്കുന്നു

18:54 (IST)12 Apr 2019





















തിരഞ്ഞെടുപ്പ് പ്രചാരണ പരിപാടിയിൽ വി.എസ്.അച്യുതാനന്ദൻ സംസാരിക്കുന്നു

18:53 (IST)12 Apr 2019





















മോദി എത്തി

ബിജെപിയുടെ തിരഞ്ഞെടുപ്പ് പ്രചരണത്തിനായി നരേന്ദ്രമോദി കേരളത്തിലെത്തി. ഉടനെ തന്നെ കോഴിക്കോട് ബീച്ചിലെ വേദിയിലേക്ക് എത്തും 

18:48 (IST)12 Apr 2019





















സിപിഎമ്മിനെതിരെ കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ

സംഘപരിവാര്‍ ഭാഷയില്‍ തന്നെയാണ് സിപിഎം സംസാരിക്കുന്നതെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞു. മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും രാഹുൽ ഗാന്ധി വയനാട്ടിൽ പരാജയപ്പെടണമെന്ന് ആഗ്രഹിക്കുന്നവരാണെന്നും മുല്ലപ്പള്ളി പറഞ്ഞു. 

18:29 (IST)12 Apr 2019





















വ്യാജ ബിരുദ വിവാദത്തിൽ കോൺഗ്രസിന് മറുപടി നൽകി സ്മൃതി ഇറാനി. എത്രത്തോളം പരിഹസിച്ചാലും അത്ര തന്നെ അമേഠിക്ക് വേണ്ടി താൻ പ്രവർത്തിക്കുമെന്ന് സ്മൃതി ഇറാനി പറഞ്ഞു. Read More

18:25 (IST)12 Apr 2019





















നവീൻ പട്നായിക് സർക്കാരിനെതിരെ രൂക്ഷ വിമർശനവുമായി ബിജെപി അധ്യക്ഷൻ അമിത് ഷാ. കഴിഞ്ഞ 19 വർഷമായി നവീൻ പട്നായിക് ഒഡിഷയിൽ മുഖ്യമന്ത്രിയായിരുന്നു. എന്നിട്ടും, സംസ്ഥാനത്ത് മികച്ച അവസരങ്ങളുണ്ടാക്കാൻ പട്നായിക്കിന് കഴിഞ്ഞില്ലെന്ന് അമിത് ഷാ. വിദ്യാഭ്യാസ രംഗത്തും തൊഴിൽ രംഗത്തും മികച്ച അവസരങ്ങളുണ്ടാക്കാൻ പട്നായിക് സർക്കാരിന് സാധിച്ചില്ലെന്ന് അമിത് ഷാ കുറ്റപ്പെടുത്തി. 

18:21 (IST)12 Apr 2019





















രാജ്യത്തെ കര്‍ഷകര്‍ക്കായി മോദി ഒന്നും ചെയ്തില്ലെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. കര്‍ഷകര്‍ക്കായി കോണ്‍ഗ്രസ് പ്രത്യേക പദ്ധതികള്‍ കൊണ്ടുവരും. കര്‍ഷകര്‍ക്കായുള്ള പദ്ധതികള്‍ ബജറ്റില്‍ ഉള്‍പ്പെടുത്തുമെന്നും രാഹുല്‍ ഗാന്ധി തേനിയില്‍ പറഞ്ഞു.

18:09 (IST)12 Apr 2019





















നരേന്ദ്ര മോദിയെ കാത്ത് കോഴിക്കോട് ബീച്ചിൽ വൻ തിരക്ക്. മലബാർ മേഖലയിൽ നിന്നുള്ള പ്രവർത്തകരാണ് കോഴിക്കോട് ബീച്ചിൽ നടക്കുന്ന സങ്കൽപ് റാലിയിൽ പങ്കെടുക്കുന്നവരിൽ ഭൂരിഭാഗവും. 

17:41 (IST)12 Apr 2019





















വിമര്‍ശനങ്ങള്‍ക്ക് മറുപടിയുമായി കേന്ദ്ര മന്ത്രി സ്മൃതി ഇറാനി. എത്രത്തോളം കോണ്‍ഗ്രസ് തന്നെ അവഹേളിക്കും അത്രത്തോളം ഞാന്‍ അമേഠിക്ക് വേണ്ടി പ്രവര്‍ത്തിക്കുമെന്ന് സ്മൃതി ഇറാനി പറഞ്ഞു.

17:29 (IST)12 Apr 2019





















17:27 (IST)12 Apr 2019





















തനിക്ക് വോട്ട് ചെയ്തില്ലെങ്കിൽ ജനങ്ങളെ ശപിക്കുമെന്ന് ബിജെപി നേതാവും ഉന്നാവോ എംപിയുമായ സാക്ഷി മഹാരാജ് Read More: 

17:26 (IST)12 Apr 2019





















തിരഞ്ഞെടുപ്പ് കമ്മീഷനെ സമീപിക്കാനൊരുങ്ങി ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു. വോട്ടിംഗ് യന്ത്രങ്ങളിലെ പിഴവുകളെ കുറിച്ച് തിരഞ്ഞെടുപ്പ് കമ്മീഷനെ ധരിപ്പിക്കുമെന്ന് നായിഡു പറഞ്ഞു. ഇന്നലെയായിരുന്നു ആന്ധ്രാപ്രദേശിൽ വോട്ടെടുപ്പ് നടന്നത്. പല പോളിംഗ് ബൂത്തുകളിലും വോട്ടിംഗ് യന്ത്രങ്ങൾ തകരാറിലായത് വിവാദമായിരുന്നു. 

16:48 (IST)12 Apr 2019





















ഹരിയാനയില്‍ എഎപി – ജെപിപി സീറ്റ് ധാരണയായി
ജനതായക് ജനത പാര്‍ട്ടി (ജെപിപി) ഏഴ് സീറ്റുകളിലും എഎപി മൂന്ന് സീറ്റുകളിലും മത്സരിക്കും.

16:47 (IST)12 Apr 2019





















കർണാടകയിലെ സംസ്ഥാന സർക്കാർ കർഷകർക്ക് വേണ്ടി യാതൊന്നും ചെയ്തില്ലെന്ന് മോദി കുറ്റപ്പെടുത്തി. ബിജെപിയും സഖ്യ കക്ഷികളും ചേർന്ന് പ്രതിപക്ഷത്തെ പൂർണ്ണമായി പരാജയപ്പെടുത്തുമെന്നും അദ്ദേഹം അവകാശപ്പെട്ടു. 

16:45 (IST)12 Apr 2019





















മോദി സർക്കാർ വീണ്ടും അധികാരത്തിലെത്തിയാൽ കർഷകർക്ക് സാമ്പത്തിക സഹായം ലഭിക്കുമെന്ന് പ്രധാനമന്ത്രി നരേന്ദ്ര മോദി. കർണാടകയിൽ തിരഞ്ഞെടുപ്പ് പ്രചാരണ പരിപാടിയിൽ പ്രസംഗിക്കുകയായിരുന്നു അദ്ദേഹം. 

15:57 (IST)12 Apr 2019





















കോൺഗ്രസ് നേതാക്കൾ നടത്തിയ വാർത്താസമ്മേളനം (Express photos by Prem Nath Pandey)

15:47 (IST)12 Apr 2019





















ഡല്‍ഹിയില്‍ കോണ്‍ഗ്രസ് – എഎപി സഖ്യ സാധ്യതകള്‍ പൂര്‍ണ്ണമായും മങ്ങുന്നു. നാളെയോ മറ്റന്നാളോ ഡല്‍ഹിയിലെ സ്ഥാനാര്‍ഥികളെ കോണ്‍ഗ്രസ് പ്രഖ്യാപിക്കും. എ.എ.പിയുമായി സഖ്യത്തിനുള്ള എല്ലാ സാധ്യതകളും അവസാനിച്ചതായി മുതിര്‍ന്ന കോണ്‍ഗ്രസ് നേതാക്കളായ അഭിഷേക് സിങ്‌വി, പി.സി.ചാക്കോ എന്നിവര്‍ ഡല്‍ഹിയില്‍ പറഞ്ഞു. എഐസിസി ആസ്ഥാനത്ത് വിളിച്ചു ചേര്‍ത്ത വാര്‍ത്താസമ്മേളനത്തിലാണ് നേതാക്കള്‍ ഇക്കാര്യം അറിയിച്ചത്. സീറ്റുമായി ബന്ധപ്പെട്ട കാര്യങ്ങള്‍ തനിച്ച് തീരുമാനിക്കാന്‍ തങ്ങള്‍ നിര്‍ബന്ധിതരാകുകയാണെന്ന് കോണ്‍ഗ്രസ് നേതാക്കള്‍ വ്യക്തമാക്കി. അതേസമയം, സഖ്യത്തിനായി എഎപി ആഗ്രഹിക്കുകയാണെങ്കില്‍ ഇൗ നിമിഷത്തിലും കോണ്‍ഗ്രസ് തയ്യാറാണെന്ന് നേതാക്കള്‍ കൂട്ടിച്ചേര്‍ത്തു.

15:37 (IST)12 Apr 2019





















ഡല്‍ഹിയില്‍ എഎപിയുമായി സഖ്യമുണ്ടാകില്ലെന്ന് കോണ്‍ഗ്രസ്. ഡൽഹിയിൽ പാർട്ടി ആസ്ഥാനത്ത് ചേർന്ന വാർത്താസമ്മേളനത്തിലാണ് മുതിർന്ന കോൺഗ്രസ് നേതാക്കൾ ഇക്കാര്യം അറിയിച്ചത്. 

14:54 (IST)12 Apr 2019





















കോൺഗ്രസ് അധികാരത്തിലെത്തിയാൽ ലോൺ തിരിച്ചടക്കാത്തിന്റെ പേരിൽ രാജ്യത്തെ ഒരു കർഷകനും ജയിലിൽ പോകേണ്ട അവസ്ഥ വരില്ലെന്ന് രാഹുൽ ഗാന്ധി തമിഴ്നാട്ടിൽ പറഞ്ഞു 

14:48 (IST)12 Apr 2019





















തമിഴ്‌നാട്ടിലെ ജനങ്ങളെ നാഗ്പൂരിലെ ആര്‍എസ്എസ് ആസ്ഥാനത്തുനിന്ന് ഭരിക്കാനും നിയന്ത്രിക്കാനും അനുവദിക്കില്ലെന്ന് കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി. തമിഴ്‌നാട്ടിലെ കൃഷ്ണഗിരിയില്‍ തിരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം. ഡിഎംകെ അധ്യക്ഷന്‍ എം.കെ.സ്റ്റാലില്‍ തമിഴ്‌നാട് മുഖ്യമന്ത്രിയാകുമെന്നും രാഹുല്‍ പറഞ്ഞു.

14:23 (IST)12 Apr 2019





















14:22 (IST)12 Apr 2019





















സെെന്യത്തെ രാഷ്ട്രീയ നേട്ടത്തിനായി ഉപയോഗിക്കുന്നതിൽ അതൃപ്തി രേഖപ്പെടുത്തി വിരമിച്ച സെെനികർ. സെെന്യത്തെ രാഷ്ട്രീയമായി ഉപയോഗിക്കുന്നില്ലെന്ന് ഉറപ്പ് വരുത്തണമെന്ന് ആവശ്യപ്പെട്ട് വിരമിച്ച സെെനികർ രാഷ്ട്രപതിക്ക് കത്തയച്ചു. Read More

14:07 (IST)12 Apr 2019





















പ്രധാനമന്ത്രി നരേന്ദ്ര മോദിയുടെ ജീവിതം പറയുന്ന ‘പിഎം നരേന്ദ്ര മോദി’ എന്ന ബോളിവുഡ് സിനിമയുടെ റിലീസ് തടഞ്ഞ തിരഞ്ഞടുപ്പ് കമ്മീഷന്റെ നടപടിക്കെതിരായ ഹർജിയിൽ സുപ്രീം കോടതി വാദം കേൾക്കും. പിഎം നരേന്ദ്ര മോദി സിനിമയുടെ നിർമ്മാതാവ് സന്ദീപ് സിങ് സമർപ്പിച്ച ഹർജിയാണ് ഏപ്രിൽ 15 ന് കോടതി വാദം കേൾക്കുക. തിരഞ്ഞെടുപ്പ് കഴിയുന്നതുവരെ സിനിമ റിലീസ് ചെയ്യരുതെന്നായിരുന്നു തിരഞ്ഞെടുപ്പ് കമ്മീഷൻ വ്യക്തമാക്കിയത്.

13:49 (IST)12 Apr 2019





















മെഹുൽ ചോക്സി, നീരവ് മോദി, അനിൽ അംബാനി എന്നിവർക്ക് വേണ്ടി അഞ്ച് വർഷം ഒരു സർക്കാർ മുന്നോട്ട് കൊണ്ടുപോയ വ്യക്തിയാണ് പ്രധാനമന്ത്രി നരേന്ദ്ര മോദിയെന്ന് കോൺഗ്രസ് ദേശീയ അധ്യക്ഷൻ രാഹുൽ ഗാന്ധി. തമിഴ്നാട്ടിൽ തിരഞ്ഞെടുപ്പ് പ്രചാരണത്തിൽ പ്രസംഗിക്കുകയായിരുന്നു അദ്ദേഹം. 

13:29 (IST)12 Apr 2019





















നരേന്ദ്ര മോദി ഇന്ന് കേരളത്തിലെത്തും. കോഴിക്കോടാണ് മോദിയുടെ തിരഞ്ഞെടുപ്പ് പരിപാടി നടക്കുക. വലിയ ഒരുക്കങ്ങളാണ് സംസ്ഥാനത്തെ ബിജെപി പ്രവർത്തകർ മോദിയെ സ്വീകരിക്കാൻ നടത്തിയിരിക്കുന്നത്. അതേസമയം, ശബരിമല അക്രമ സംഭവങ്ങളുടെ പേരിൽ ജയിലിലായിരുന്ന കോഴിക്കോട് മണ്ഡലത്തിലെ എൻഡിഎ സ്ഥാനാർഥി പ്രകാശ് ബാബു ജാമ്യത്തിലിറങ്ങി. ഇന്ന് മുതൽ കോഴിക്കോട് പ്രചാരണം ശക്തമാക്കുമെന്ന് പ്രകാശ് ബാബു പ്രതികരിച്ചു. 

13:27 (IST)12 Apr 2019





















അഴിമതിയിൽ മുങ്ങി കുളിച്ച സർക്കാരായിരുന്നു കോൺഗ്രസിന്റേതെന്ന് പ്രധാനമന്ത്രി നരേന്ദ്ര മോദി. മഹാരാഷ്ട്രയിലെ അഹമ്മദ് നഗറിൽ തിരഞ്ഞെടുപ്പ് പ്രചാരണ റാലിയിൽ പ്രസംഗിക്കുകയായിരുന്നു അദ്ദേഹം. തിരഞ്ഞെടുപ്പിൽ സത്യസന്ധനായ നേതാവിന് വോട്ട് ചെയ്യണമെന്ന് പ്രധാനമന്ത്രി നരേന്ദ്ര മോദി ജനങ്ങളോട് ആവശ്യപ്പെടുകയും ചെയ്തു. 

Get the latest Malayalam news and Election news here. You can also read all the Election news by following us on Twitter, Facebook and Telegram.

Web Title: Lok sabha election live updates narendra modi urged the people to vote for honest leaders

Next Story
കോടതിയുടെ വിലപ്പെട്ട സമയം പാഴാക്കി; സരിത എസ് നായര്‍ സമര്‍പ്പിച്ച അപ്പീലും തള്ളിsaritha s nair, solar commission
The moderation of comments is automated and not cleared manually by malayalam.indianexpress.com