Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ
സാഹിത്യകാരന്‍ തോമസ് ജോസഫ് അന്തരിച്ചു

‘സമയം അതിക്രമിച്ചിരിക്കുന്നു’; അരവിന്ദ് കെജ്‌രിവാളിനോട് രാഹുല്‍ ഗാന്ധി

ബിജെപി വിരുദ്ധ വോട്ടുകൾ ഭിന്നിപ്പിച്ചുകൊണ്ട് നരേന്ദ്ര മോദിയെ സഹായിക്കാനാണ് കോൺഗ്രസ് ശ്രമിക്കുന്നതെന്ന് കെജ്‍‍രിവാള്‍ തിരിച്ചടിച്ചു

ന്യൂഡല്‍ഹി: ഡല്‍ഹിയിലെ കോണ്‍ഗ്രസ് – ആം ആദ്മി സഖ്യത്തില്‍ ഉടന്‍ തീരുമാനം വേണമെന്ന് കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി. സഖ്യത്തില്‍ കാര്യത്തില്‍ തീരുമാനം വൈകുന്നതിന്റെ ഉത്തരവാദിത്തം അരവിന്ദ് കെജ്‌രിവാളിനാണെന്നും രാഹുല്‍ ഗാന്ധി ട്വിറ്ററില്‍ ആരോപിച്ചു.

“കോണ്‍ഗ്രസ് – ആം ആദ്മി സഖ്യം ഡല്‍ഹിയില്‍ ബിജെപിയുടെ അടിവേരറക്കും. ആം ആദ്മിക്ക് ഡല്‍ഹിയില്‍ നാല് സീറ്റ് നല്‍കാന്‍ കോണ്‍ഗ്രസ് തയ്യാറാണ്. പക്ഷേ, അരവിന്ദ് കെജ്‌രിവാള്‍ മലക്കം മറിഞ്ഞിരിക്കുകയാണ്. സഖ്യത്തിനായുള്ള വാതിലുകള്‍ ഇപ്പോഴും തുറന്നുകിടക്കുകയാണ്. പക്ഷേ, സമയം അതിക്രമിച്ചിരിക്കുന്നു” – രാഹുല്‍ ഗാന്ധി ട്വിറ്ററില്‍ കുറിച്ചു.

ഇതിനു പിന്നാലെ കോൺഗ്രസിനെ കുറ്റപ്പെടുത്തി അരവിന്ദ് കെജ്‌രിവാൾ രംഗത്തുവന്നു. ബിജെപി വിരുദ്ധ വോട്ടുകൾ ഭിന്നിപ്പിച്ചുകൊണ്ട് നരേന്ദ്ര മോദിയെ സഹായിക്കാനാണ് കോൺഗ്രസ് ശ്രമിക്കുന്നതെന്ന് രാഹുലിന്റെ ട്വീറ്റിന് മറുപടിയായി കെജ്രിവാള്‍ പറഞ്ഞു.

നേരത്തെ ആഴ്ചകള്‍ നീണ്ട അനിശ്ചിതത്വം അവസാനിപ്പിച്ച് ഡൽഹിയില്‍ കോണ്‍ഗ്രസുമായി സഖ്യമില്ലെന്ന് ആം ആദ്മി പാര്‍ട്ടി ഔദ്യോഗികമായി പ്രഖ്യാപിച്ചിരുന്നു.  സഖ്യത്തിന് താല്‍പ്പര്യമില്ലെന്ന് രാഹുല്‍ ഗാന്ധി അറിയിച്ചതായാണ് ഡൽഹി മുഖ്യമന്ത്രി അരവിന്ദ് കെജ്‍‍രിവാള്‍ നേരത്തെ വ്യക്തമാക്കിയത്.

Get the latest Malayalam news and Election news here. You can also read all the Election news by following us on Twitter, Facebook and Telegram.

Web Title: Lok sabha election aap congress alliance delhi rahul gandhi against kejriwal lok sabha election

Next Story
കേരളത്തിലെത്തുന്ന രാഹുൽ ഗാന്ധി നാളെ കെ.എം.മാണിയുടെ വീട് സന്ദർശിക്കും; മാരത്തൺ പ്രചാരണത്തിനൊരുങ്ങി കോൺഗ്രസ്
The moderation of comments is automated and not cleared manually by malayalam.indianexpress.com