'സമയം അതിക്രമിച്ചിരിക്കുന്നു'; അരവിന്ദ് കെജ്‌രിവാളിനോട് രാഹുല്‍ ഗാന്ധി

ന്യൂഡല്‍ഹി: ഡല്‍ഹിയിലെ കോണ്‍ഗ്രസ് - ആം ആദ്മി സഖ്യത്തില്‍ ഉടന്‍ തീരുമാനം വേണമെന്ന് കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി. സഖ്യത്തില്‍ കാര്യത്തില്‍ തീരുമാനം വൈകുന്നതിന്റെ ഉത്തരവാദിത്തം അരവിന്ദ് കെജ്‌രിവാളിനാണെന്നും രാഹുല്‍ ഗാന്ധി ട്വിറ്ററില്‍ ആരോപിച്ചു.

"കോണ്‍ഗ്രസ് - ആം ആദ്മി സഖ്യം ഡല്‍ഹിയില്‍ ബിജെപിയുടെ അടിവേരറക്കും. ആം ആദ്മിക്ക് ഡല്‍ഹിയില്‍ നാല് സീറ്റ് നല്‍കാന്‍ കോണ്‍ഗ്രസ് തയ്യാറാണ്. പക്ഷേ, അരവിന്ദ് കെജ്‌രിവാള്‍ മലക്കം മറിഞ്ഞിരിക്കുകയാണ്. സഖ്യത്തിനായുള്ള വാതിലുകള്‍ ഇപ്പോഴും തുറന്നുകിടക്കുകയാണ്. പക്ഷേ, സമയം അതിക്രമിച്ചിരിക്കുന്നു" - രാഹുല്‍ ഗാന്ധി ട്വിറ്ററില്‍ കുറിച്ചു.

An alliance between the Congress & AAP in Delhi would mean the rout of the BJP. The Congress is willing to give up 4 Delhi seats to the AAP to ensure this.

But, Mr Kejriwal has done yet another U turn!

Our doors are still open, but the clock is running out. #AbAAPkiBaari

— Rahul Gandhi (@RahulGandhi) April 15, 2019

ഇതിനു പിന്നാലെ കോൺഗ്രസിനെ കുറ്റപ്പെടുത്തി അരവിന്ദ് കെജ്‌രിവാൾ രംഗത്തുവന്നു. ബിജെപി വിരുദ്ധ വോട്ടുകൾ ഭിന്നിപ്പിച്ചുകൊണ്ട് നരേന്ദ്ര മോദിയെ സഹായിക്കാനാണ് കോൺഗ്രസ് ശ്രമിക്കുന്നതെന്ന് രാഹുലിന്റെ ട്വീറ്റിന് മറുപടിയായി കെജ്രിവാള്‍ പറഞ്ഞു.

कौन सा U-टर्न?अभी तो बातचीत चल रही थी

आपका ट्वीट दिखाता है कि गठबंधन आपकी इच्छा नहीं मात्र दिखावा है।मुझे दुःख है आप बयान बाज़ी कर रहे हैं

आज देश को मोदी-शाह के ख़तरे से बचाना अहं है।दुर्भाग्य कि आप UP और अन्य राज्यों में भी मोदी विरोधी वोट बाँट कर मोदी जी की मदद कर रहे हैं https://t.co/9jnYXJFA0S

— Arvind Kejriwal (@ArvindKejriwal) April 15, 2019

നേരത്തെ ആഴ്ചകള്‍ നീണ്ട അനിശ്ചിതത്വം അവസാനിപ്പിച്ച് ഡൽഹിയില്‍ കോണ്‍ഗ്രസുമായി സഖ്യമില്ലെന്ന് ആം ആദ്മി പാര്‍ട്ടി ഔദ്യോഗികമായി പ്രഖ്യാപിച്ചിരുന്നു.  സഖ്യത്തിന് താല്‍പ്പര്യമില്ലെന്ന് രാഹുല്‍ ഗാന്ധി അറിയിച്ചതായാണ് ഡൽഹി മുഖ്യമന്ത്രി അരവിന്ദ് കെജ്‍‍രിവാള്‍ നേരത്തെ വ്യക്തമാക്കിയത്.