Lok Sabha Elections 2019 LIVE updates: ഞാനൊരു ഭീരുവല്ല, പകയുടെയും വെറുപ്പിന്റെയും പിന്നിൽ ഒളിച്ചിരിക്കില്ല: രാഹുൽ ഗാന്ധി

ശത്രുത ഭീരുത്വമാണ്. ലോകം മുഴുവൻ ശത്രുത കൊണ്ട് നിറഞ്ഞാലും ഞാനത് കാര്യമാക്കുന്നില്ല. താൻ ഒരു ഭീരുവല്ലെന്നും പകയുടേയും വെറുപ്പിന്‍റേയും പിന്നിൽ താൻ ഒളിച്ചിരിക്കില്ലെന്നും എല്ലാ ജീവികളേയും താൻ സ്നേഹിക്കുമെന്നും രാഹുൽ ഗാന്ധി.

Hatred is cowardice.

I don’t care if the entire world is full of hatred. I am not a coward.

I will not hide behind hate and anger.

I love all living beings, including those temporarily blinded by hatred.

— Rahul Gandhi (@RahulGandhi) April 5, 2019

ആലത്തൂരിലെ എല്ലാവരുടെയും വോട്ടുകള്‍ തനിക്ക് ലഭിക്കുമെന്നാണ് പ്രതീക്ഷിക്കുന്നതെന്ന് ആലത്തൂരിലെ യുഡിഎഫ് സ്ഥാനാര്‍ഥി രമ്യ ഹരിദാസ്. തൃശൂര്‍ പ്രസ് ക്ലബില്‍ മാധ്യമപ്രവര്‍ത്തകരോട് സംവദിക്കുമ്പോഴാണ് ആലത്തൂരില്‍ വിജയപ്രതീക്ഷയുണ്ടെന്ന് സ്ഥാനാര്‍ഥി പങ്കുവച്ചത്

വയനാട് മണ്ഡലത്തിൽ രാഹുൽ ഗാന്ധി അടക്കം 21 പേരുടെ നാമനിർദേശ പത്രിക അംഗീകരിച്ചു. രാഹുൽ ഗാന്ധിയുടെ മൂന്നു അപരന്മാരുടെ പത്രികയും അംഗീകരിച്ചു. കാസർകോട് മണ്ഡലത്തിലെ 11 സ്ഥാനാർഥികളുടെ പത്രിക അംഗീകരിച്ചു.

ലോക്‌സഭാ തിരഞ്ഞെടുപ്പില്‍ സ്ഥാനാര്‍ഥിയാകാനില്ലെന്ന് വ്യക്തമാക്കി ലോക്‌സഭാ സ്പീക്കര്‍ സുമിത്ര മഹാജന്‍. സിറ്റിംഗ് സീറ്റായ ഇന്‍ഡോറിലെ സ്ഥാനാര്‍ഥി പ്രഖ്യാപനം വൈകുന്നതില്‍ അതൃപ്തി പരസ്യമാക്കി സുമിത്ര മഹാജന്‍ ബിജെപിക്ക് കത്തയച്ചു

യുഡിഎഫ് സ്ഥാനാര്‍ഥി എം.കെ.രാഘവനെതിരായ കോഴ ആരോപണത്തില്‍ പാര്‍ട്ടിക്ക് പങ്കില്ലെന്ന് ആവര്‍ത്തിച്ച് സിപിഎം. ആരോപണം ഉന്നയിക്കുന്നവർ തെളിവ് സഹിതം അത് വ്യക്തമാക്കണമെന്ന് സിപിഎം കോഴിക്കോട് ജില്ലാ സെക്രട്ടറി പി.മോഹനന്‍ ആവശ്യപ്പെട്ടു

ഹൃദയാഘാതത്തെ തുടര്‍ന്ന് ആശുപത്രിയില്‍ പ്രവേശിപ്പിച്ച ചാലക്കുടിയിലെ യുഡിഎഫ് സ്ഥാനാര്‍ഥി ബെന്നി ബെഹനാനെ ഇടത് സ്ഥാനാര്‍ഥി ഇന്നസെന്റ് എംപി സന്ദര്‍ശിച്ചു. എതിര്‍ സ്ഥാനാര്‍ഥി എന്നതല്ല, മനുഷ്യനാണ് വലുതെന്ന് ഇന്നസെന്റ് അദ്ദേഹത്തെ സന്ദര്‍ശിച്ചതിന് ശേഷം മാധ്യമങ്ങളോട് പറഞ്ഞു.

ബിജെപിയുടെ തിരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്ര മോദി കേരളത്തിലെത്തും. 12 ന് കോഴിക്കോടും 18 ന് തിരുവനന്തപുരത്തും നടക്കുന്ന പ്രചാരണ യോഗങ്ങളിൽ പ്രധാനമന്ത്രി സംസാരിക്കും. വയനാട് സന്ദര്‍ശിക്കണമെന്ന ആവശ്യം സംസ്ഥാന ഘടകം മുന്നോട്ടുവച്ചിട്ടുണ്ടെന്ന് ബിജെപി നേതാവ് എം.ടി.രമേശ് വാര്‍ത്താ സമ്മേളനത്തില്‍ പറഞ്ഞു.

ബിജെപി എംപിയും മഥുരയിലെ സ്ഥാനാർഥിയുമായ ഹേമമാലിനി തിരഞ്ഞെടുപ്പ് പ്രചാരണത്തിനിടയിൽ ട്രാക്ടർ ഓടിക്കുന്നു

BJP MP and Mathura candidate Hema Malini drives a tractor in Govardhan pic.twitter.com/ZPmiRLB1qA

— ANI UP (@ANINewsUP) April 5, 2019

'കഴിഞ്ഞ അഞ്ച് വര്‍ഷമായി രാജ്യത്ത് സമാധാനം പുലരുന്നുണ്ട്. കാരണം എന്തെങ്കിലും ചെയ്താല്‍ അവരെ മോദി ഒരു പാഠം പഠിപ്പിക്കുമെന്ന് ഭീകരര്‍ക്ക് നന്നായി അറിയാം. ഭീകരാക്രമണം നടത്തിയാല്‍ ഞാന്‍ മിണ്ടാതിരിക്കണോ? ഭീകരരുടെ മണ്ണില്‍ ഇന്ത്യ കടന്നാക്രമണം നടത്തിയപ്പോള്‍ ചിലര്‍ കരയുകയാണ്,' മോദി പറഞ്ഞു.

സരിത എസ്.നായരുടെ നാമനിർദേശ പത്രികയിൽ കേസുകളുടെ വിശദാംശങ്ങളിൽ അവ്യക്തത. പത്രിക സ്വീകരിക്കുന്നത് സംബന്ധിച്ച് തീരുമാനം എടുക്കുന്നത് നാളത്തേക്ക് മാറ്റി. നാളെ രാവിലെ 10.30 നു മുൻപ് അവ്യക്തത നീക്കാൻ സരിതയ്ക്ക് വരണാധികാരി നിർദേശം നൽകിയിട്ടുണ്ട്. എറണാകുളം മണ്ഡലത്തിൽ സരിത നൽകിയ നാമനിർദേശ പത്രികയുടെ സൂക്ഷ്മ പരിശോധനയാണ് നടന്നത്

ലോക്സഭാ തിരഞ്ഞെടുപ്പിനുളള തൃശൂർ മണ്ഡലത്തിലെ നാമനിർദേശ പത്രികകളുടെ സൂക്ഷ്മ പരിശോധനയിൽ രണ്ട് സ്വതന്ത്ര സ്ഥാനാർഥികളുടെയും രണ്ടു ഡമ്മി സ്ഥാനാർഥികളുടെയും പത്രികകൾ തളളി. നാമനിർദേശകരുടെ വിവരം കൃത്യമല്ലാത്തതിനാലും വോട്ടർ പട്ടികയുടെ സാക്ഷ്യപ്പെടുത്തിയ പകർപ്പ് ഹാജരാക്കാത്തതിനാലുമാണ് രണ്ട് സ്വതന്ത്രരുടെ പത്രിക തളളിയത്. യഥാർത്ഥ സ്ഥാനാർഥികളുടെ പത്രികകൾ സ്വീകരിച്ചതിനാലാണ് സിപിഐയുടെയും ബിജെപിയുടെയും ഡമ്മി സ്ഥാനാർഥികളുടെ പത്രികകൾ തളളിയത്.

ചാലക്കുടിയിലെ യുഡിഎഫ് സ്ഥാനാർഥി ബെന്നി ബെഹ്‌നാന്റെ ആരോഗ്യനില തൃപ്തികരമെന്ന് ഡോക്ടമാർ. ദേഹാസ്വാസ്ഥ്യത്തെ തുടര്‍ന്ന് ആശുപത്രിയില്‍ എത്തിച്ച് 90 മിനിറ്റുള്ളില്‍ ആന്‍ജിയോ പ്ലാസ്റ്റി നടത്തിയതിനാല്‍ ആരോഗ്യനില പൂര്‍വസ്ഥിതിയില്‍ ആക്കാന്‍ സാധിച്ചുവെന്ന് ആശുപത്രി അധികൃതര്‍ പുറത്തിറക്കിയ പത്രക്കുറിപ്പില്‍ പറയുന്നു.

ബാലാകോട്ട് വ്യോമാക്രമണത്തിന്റെ ക്രെഡിറ്റ് ഇന്ത്യൻ വ്യോമസേനയ്ക്കെന്ന് രാഹുൽ ഗാന്ധി. പുണെയിൽ വിദ്യാർഥികളുമായി സംവാദിക്കവേ, ഒരു വിദ്യാർഥിയുടെ ചോദ്യത്തിനാണ് രാഹുൽ ഗാന്ധി ഇങ്ങനെ മറുപടി പറഞ്ഞത്.

WATCH: CP @RahulGandhi in conversation with our changemakers in Pune. #RahulGandhiStudentsInteractionhttps://t.co/WpDME1pANO

— Congress (@INCIndia) April 5, 2019

മുസ്‌ലിം ലീഗ് വൈറസാണെന്ന യുപി മുഖ്യമന്ത്രി യോഗി ആദിത്യനാഥിന്റെ പരാമർശത്തിൽ മറുപടിയുമായി പി.കെ.കുഞ്ഞാലിക്കുട്ടി.  മുസ്‌ലിം ലീഗ് മതേതര പാർട്ടിയെന്ന് കുഞ്ഞാലിക്കുട്ടി. എൻഡിഎയിലും പച്ചക്കൊടി പിടിക്കുന്ന പാർട്ടികളുണ്ട്. ലീഗിനെതിരായ യോഗിയുടെ വിമർശനം യോഗിയെ തിരിഞ്ഞ് കുത്തും. യോഗിക്ക് അറിവില്ലായ്മയെന്നും കുഞ്ഞാലിക്കുട്ടി പറഞ്ഞു.

കോൺഗ്രസ് പുറത്തിറക്കിയ പ്രകടന പത്രിക ജനങ്ങളുടേതാണെന്ന് കോൺഗ്രസ് അധ്യക്ഷൻ രാഹുൽ ഗാന്ധി. ജനങ്ങൾക്കുവേണ്ടിയുളളതാണിത്, ഞങ്ങൾ ജനങ്ങൾക്കുവേണ്ടിയാണ് പ്രവർത്തിക്കുകയെന്ന് രാഹുൽ പറഞ്ഞു.

കോൺഗ്രസ് ദേശീയ അധ്യക്ഷൻ രാഹുൽ ഗാന്ധി വയനാട്ടിൽ നാമനിർദേശ പത്രിക സമർപ്പിച്ചതിന് പിന്നാലെ രാഹുലിനെതിരെ ആഞ്ഞടിച്ച് ബിജെപി നേതൃത്വം. രാഹുലിന്റെ വയനാട് സ്ഥാനാർഥിത്വം തന്നെയാണ് പ്രചാരണായുധമായി ഉപയോഗിക്കുന്നത്. അമേഠിയിൽ കാണാതായ എംപി കേരളത്തിലെ ജനങ്ങളെ വഞ്ചിക്കാൻ പോയിരിക്കുകയാണെന്ന് ബിജെപി നേതാവും അമേഠിയിലെ സ്ഥാനാർഥിയുമായ സ്‌മൃതി ഇറാനി പറഞ്ഞു.

മുസ്‌ലിം ലീഗ് ഒരു വൈറസാണെന്നും കോണ്‍ഗ്രസ് പാര്‍ട്ടിയെ ബാധിച്ച ഈ വൈറസ് രാജ്യമാകെ വ്യാപിക്കുമെന്നും ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. വയനാട്ടിലെ രാഹുല്‍ ഗാന്ധിയുടെ സ്ഥാനാര്‍ഥിത്വത്തിന്റെ പശ്ചാത്തലത്തിലാണ് കോണ്‍ഗ്രസിനും മുസ്‌ലിം ലീഗിനുമെതിരെ യോഗി അധിക്ഷേപ പരാമർശം നടത്തിയത്

मुस्लिम लीग एक वायरस है। एक ऐसा वायरस जिससे कोई संक्रमित हो गया तो वो बच नहीं सकता और आज तो मुख्य विपक्षी दल कांग्रेस ही इससे संक्रमित हो चुका है।

सोचिये अगर ये जीत गए तो क्या होगा ? ये वायरस पूरे देश मे फैल जाएगा।

— Chowkidar Yogi Adityanath (@myogiadityanath) April 5, 2019

രാഹുലിനെതിരെ മര്യാദ ലംഘിച്ചുളള വിമർശനമാണ് ഇടതുപക്ഷം നടത്തുന്നതെന്ന് ഉമ്മൻ ചാണ്ടി. രാഹുലിന്റെ മറുപടി ജനഹൃദയത്തെ സ്പർശിച്ചുവെന്നും ഉമ്മൻ താണ്ടി പറഞ്ഞു

കോഴ ആരോപണം നേരിടുന്ന കോഴിക്കോട് യുഡിഎഫ് സ്ഥാനാർഥി എം.കെ.രാഘവനെ പിന്തുണച്ച് പ്രതിപക്ഷ നേതാവ് രമേശ് ചെന്നിത്തല. രാഘവനെ ജനങ്ങള്‍ക്ക് അറിയാമെന്നും സിപിഎമ്മിന്‍റെ ഗൂഢാലോചന വിലപ്പോകില്ലെന്നും ചെന്നിത്തല പറഞ്ഞു.

ഇടതുമുന്നണിക്കെതിരെ രാഹുൽ ഗാന്ധി ഒരു വാക്ക് പറയില്ലെങ്കിലും മുഖ്യമന്ത്രി പിണറായി വിജയന് കോൺഗ്രസ് നേതൃത്വം മറുപടി നൽകുമെന്ന് പ്രതിപക്ഷ നേതാവ് രമേശ് ചെന്നിത്തല. കേരളത്തിൽ കോണ്‍ഗ്രസിന്‍റെ ശത്രുക്കള്‍ ഇടത് പക്ഷമാണ്. ഈ തിരഞ്ഞെടുപ്പിൽ ഇടത് പക്ഷത്തെ ജനങ്ങൾ നിലംപരിശാക്കുമെന്നും ചെന്നിത്തല പറഞ്ഞു.