തിരുവനന്തപുരം: തലസ്ഥാന നഗരിയിൽ ബിജെപിക്ക് നേരിയ ലീഡ്. എൻഡിഎ സ്ഥാനാർഥി കുമ്മനം രാജശേഖരൻ പോസ്റ്റൽ വോട്ടുകൾ എണ്ണി കഴിഞ്ഞപ്പോൾ മുന്നിലെത്തിയിട്ടുണ്ട്. സിറ്റിങ് എംപിയും യുഡിഎഫ് സ്ഥാനാർഥിയുമായ ശശി തരൂർ രണ്ടാം സ്ഥാനത്തേക്ക് പിന്തള്ളപ്പെട്ടിരിക്കുകയാണ്. പോസ്റ്റൽ വോട്ടുകളിൽ 200 ൽ താഴെ വോട്ടിനാണ് കുമ്മനം രാജശേഖരൻ ലീഡ് ചെയ്യുന്നത്. സിപിഐ സ്ഥാനാർഥി മൂന്നാം സ്ഥാനത്താണ്.

Read More: കേരളത്തിൽ ഇടതും വലതും ഇഞ്ചോടിഞ്ച്

കേരളത്തിൽ ഇതുവരെയുള്ള റിപ്പോർട്ടുകളനുസരിച്ച് ഇടത് – വലത് മുന്നണികൾ ഇഞ്ചോടിഞ്ച് പോരാട്ടത്തിലാണ്. എട്ട് ഇടത്ത് എൽഡിഎഫ് ലീഡ് ചെയ്യുമ്പോൾ ഏഴ് സീറ്റുകളിൽ യുഡിഎഫിനാണ് ലീഡ്. തിരുവനന്തപുരത്ത് മാത്രമാണ് എൻഡിഎ ലീഡ് ചെയ്യുന്നത്.

Read More: ആദ്യ ഫലസൂചനകളിൽ എൻഡിഎ മുന്നിൽ

ബിജെപിക്ക് ഏറെ പ്രതീക്ഷയുള്ള പത്തനംതിട്ട മണ്ഡലത്തിൽ എൻഡിഎ സ്ഥാനാർഥി കെ.സുരേന്ദ്രൻ മൂന്നാം സ്ഥാനത്താണ്.യുഡിഎഫ് സ്ഥാനാർഥി ആന്റോ ആന്റണിയാണ് പത്തനംതിട്ടയിൽ ലീഡ് ചെയ്യുന്നത്. എൽഡിഎഫ് സ്ഥാനാർഥി വീണാ ജോർജ് രണ്ടാം സ്ഥാനത്താണ്. കണ്ണൂരിലും വടകരയിലും എൽഡിഎഫാണ് ലീഡ് ചെയ്യുന്നത്.

കോട്ടയത്ത് യുഡിഎഫിനാണ് ലീഡ്. കാസർകോട് എൽഡിഎഫ് ലീഡ് ചെയ്യുന്നു. തൃശൂരിൽ എൻഡിഎ സ്ഥാനാർഥി സുരേഷ് ഗോപി മൂന്നാം സ്ഥാനത്താണ്.

Get all the Latest Malayalam News and Election 2019 News at Indian Express Malayalam. You can also catch all the Lok Sabha Election 2019 Schedule by following us on Twitter and Facebook

.