Kerala Congress List: Congress Candidate List- നേമത്ത് കെ.മുരളീധരൻ; കോൺഗ്രസ് സ്ഥാനാർഥി പട്ടിക ഇന്ന്

Kerala Congress List: കോൺഗ്രസ് സ്ഥാനാർഥി പട്ടിക പ്രഖ്യാപിച്ചു

കൽപറ്റ,നിലമ്പൂർ, വട്ടിയൂർക്കാവ്, കുണ്ടറ, തവനൂർ, പട്ടാമ്പി മണ്ഡലങ്ങളിലേക്കുള്ള സ്ഥാനാർത്ഥി നിർണയമാണ് പൂർത്തിയാവാത്തത്

Written by WebDesk

Updated: March 15, 2021 19:07 IST

Kerala Congress List: കോൺഗ്രസ് സ്ഥാനാർഥി പട്ടിക പ്രഖ്യാപിച്ചു

Kerala Congress List: ന്യൂഡൽഹി: സംസ്ഥാന നിയമസഭാ തിരഞ്ഞെടുപ്പിലേക്കുള്ള കോൺഗ്രസ് സ്ഥാനാർത്ഥികളെ പ്രഖ്യാപിച്ചു. 86 സീറ്റുകളിലെ സ്ഥാനാർത്ഥികളെയാണ് പ്രഖ്യാപിച്ചത്. 92 സീറ്റുകളിലേക്കാണ് കോൺഗ്രസ് മത്സരിക്കുന്നത്. ആറ് സീറ്റുകളിൽ തീരുമാനമായിട്ടില്ല. ആറ് സീറ്റുകളിൽ തർക്കമുള്ള സാഹചര്യവും നമിലനിൽക്കുന്നുണ്ട്.

കൽപറ്റ,നിലമ്പൂർ, വട്ടിയൂർക്കാവ്, കുണ്ടറ, തവനൂർ, പട്ടാമ്പി മണ്ഡലങ്ങളിലേക്കുള്ള സ്ഥാനാർത്ഥി നിർണയമാണ് പൂർത്തിയാവാത്തത്. ഈ മണ്ഡലങ്ങളിലെ സ്ഥാനാർത്ഥി നിർണയവുമായി ബന്ധപ്പെട്ട് കൂടുതൽ ചർച്ചകൾ ആവശ്യമുണ്ടെന്ന് ഹൈക്കമാൻഡ് കണ്ടെത്തിയെന്നും നാളെത്തന്നെ ഈ മണ്ഡലങ്ങളിലേക്കുള്ള സ്ഥാനാർത്ഥികളെ പ്രഖ്യാപിക്കാനാവുമെന്നും കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ പറഞ്ഞു.

86 സീറ്റുകളിലേക്കുള്ള പട്ടികയിൽ 55 ശതമാനത്തിലേറെ പുതുമുഖങ്ങളാണെന്ന് മുല്ലപ്പള്ളി പറഞ്ഞു. 25 വയസ് മുതൽ 50 വയസ് വരെയുള്ള 46 പേരെയാണ് പട്ടികയിൽ ഉൾപ്പെടുത്തിയത്. 51 മുതൽ 60 വയസ് വരെ 22 പേർ, 60 മുതൽ 70 വരെയുള്ള 15 പേരും 70 ന് മുകളിൽ പ്രായമുള്ള മൂന്ന് പേരും പട്ടികയിലുണ്ട്.

കെ മുരളീധരൻ നേമത്ത് സ്ഥാനാർത്ഥിയാവും. ഉമ്മൻ ചാണ്ടി പുതുപ്പള്ളിയിൽ തുടരും. ചെന്നിത്തല ഹരിപ്പാട് മത്സരിക്കും.

അതേസമയം, സ്ഥാനാർത്ഥി നിർണയത്തിനെതിരെ സംസ്ഥാനത്ത് പ്രതിഷേധവും ഉയർന്നു വരുന്നുണ്ട്. പട്ടികയിൽ വനിതാ പ്രാതിനിധ്യം കുറഞ്ഞതിൽ മഹിളാ കോൺഗ്രസ് അദ്ധ്യക്ഷയായിരുന്ന ലതിക സുഭാഷ് പ്രതിഷേധമറിയിച്ചു. സ്ഥാനാർത്ഥി നിർണയത്തിൽ തന്നെ അവഗണിച്ചതിലും പ്രതിഷേധമറിയിച്ച അവർ മഹിളാ കോൺഗ്രസ് അദ്ധ്യക്ഷ സ്ഥാനം രാജിവയ്ക്കുകയും ഇന്ദിരാ ഭവന് മുന്നിൽ തല മുണ്ഡനം ചെയ്ത് പ്രതിഷേധിക്കുകയും ചെയ്തു.