പരസ്യങ്ങളില്‍ സ്വന്തം ചിത്രം; ടിക്കാറാം മീണയ്‌ക്കെതിരെ പരാതി

തിരുവനന്തപുരം: പത്ര പരസ്യങ്ങളില്‍ സ്വന്തം ചിത്രം വച്ചതിന് മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണയ്‌ക്കെതിരെ പരാതി. സുപ്രീം കോടതിയുടെ ലംഘിച്ചെന്നാണ് പരാതി. സിവില്‍ സര്‍വ്വീസ് ഉദ്യോഗസ്ഥര്‍ക്കുള്ള പെരുമാറ്റച്ചട്ടം ലംഘിച്ചെന്നാണ് പരാതിയില്‍ പറയുന്നത്.

ടീക്കാറാം മീണയ്ക്ക് തന്നെയാണ് അദ്ദേഹത്തിന് എതിരായ പരാതിയും നല്‍കിയിരിക്കുന്നത്. ഹൈക്കോടതിയിലെ അഭിഭാഷകനായ കൃഷ്ണദാസാണ് പരാതിക്കാരന്‍. തിരഞ്ഞെടുപ്പ് സംബന്ധിച്ച പരാതികളെല്ലാം മുഖ്യ തിരഞ്ഞെടുപ്പ് ഓഫീസര്‍ക്ക് നല്‍കണമെന്നാണ് ചട്ടം. അതിനാലാണ് മീണയ്‌ക്കെതിരായ പരാതിയും അദ്ദേഹത്തിന് തന്നെ നല്‍കിയിരിക്കുന്നത്.

ഏപ്രില്‍ 21 ല്‍ കേരളത്തില്‍ പുറത്തിറങ്ങിയ പത്രങ്ങളിലെ പരസ്യത്തിലാണ് ടിക്കാറാം മീണയുടെ ചിത്രമുണ്ടായിരുന്നതായി പറയുന്നത്.