കാസര്‍ഗോഡ്: യുഡിഎഫ് സ്ഥാനാര്‍ഥി രാജ്‌മോഹന്‍ ഉണ്ണിത്താന്‍ തിരഞ്ഞെടുപ്പ് പെരുമാറ്റ ചട്ടം ലംഘിച്ചതായി റിപ്പോര്‍ട്ട്. ശബരിമല വിഷയം പ്രചാരണത്തിന് ഉപയോഗിച്ചെന്ന് ചൂണ്ടിക്കാട്ടി എല്‍ഡിഎഫ് ജില്ലാ കളക്ടര്‍ക്ക് പരാതി നല്‍കിയിരുന്നു. രാജ്‌മോഹന്‍ ഉണ്ണിത്താന്‍ ചട്ടലംഘനം നടത്തിയെന്ന് കാണിച്ച് എഡിഎം ജില്ലാ കളക്ടര്‍ ഡി.സജിത് ബാബുവിന് റിപ്പോര്‍ട്ട് നല്‍കി. എല്‍ഡിഎഫിന്റെ പാര്‍ലമെന്റ് മണ്ഡലം സെക്രട്ടറി ടി.വി.രാജേഷ് എംഎല്‍എയാണ് പരാതി നല്‍കിയത്.

Read More: അയ്യപ്പന്റെ പേരില്‍ വോട്ട് ചോദിച്ചു; സുരേഷ് ഗോപിക്ക് ജില്ലാ കളക്ടറുടെ നോട്ടീസ്

കഴിഞ്ഞ തിങ്കളാഴ്ച പയ്യന്നൂര്‍ അരവഞ്ചാലിലെ സ്വീകരണ പരിപാടിയിലാണു രാജ്‌മോഹന്‍ ഉണ്ണിത്താന്‍ ശബരിമല യുവതീ പ്രവേശവുമായി ബന്ധപ്പെട്ട സുപ്രീം കോടതി വിധിയും സര്‍ക്കാര്‍ നിലപാടും പരാമര്‍ശിച്ച് സംസാരിച്ചത്.

സര്‍ക്കാരിന്റെ ഒത്താശയോടെയാണ് യുവതികള്‍ സന്നിധാനത്ത് പ്രവേശിച്ചതെന്നും ഉണ്ണിത്താന്‍ പ്രസംഗത്തില്‍ പറഞ്ഞു. ശബരിമലയില്‍ ആചാരലംഘനം നടന്ന ദിവസം തന്റെ ഭാര്യ പൊട്ടിക്കരഞ്ഞെന്നും വീട് മരണവീട് പോലെയായിരുന്നെന്നും ഉണ്ണിത്താന്‍ പ്രസംഗത്തില്‍ പറഞ്ഞു.

പ്രസംഗത്തിന്റെ വീഡിയോ സഹിതമാണ് എല്‍ഡിഎഫ് പരാതി നല്‍കിയത്.

Get all the Latest Malayalam News and Election 2019 News at Indian Express Malayalam. You can also catch all the Lok Sabha Election 2019 Schedule by following us on Twitter and Facebook

.