ക​ണ്ണൂ​ർ: ക​ണ്ണൂ​ർ ലോ​ക്സ​ഭാ മ​ണ്ഡ​ല​ത്തി​ൽ 199 പേ​ർ ക​ള്ള​വോ​ട്ട് ചെ​യ്തെ​ന്ന കോണ്‍ഗ്രസിന്റെ പരാതിയില്‍ നടപടി സ്വീകരിക്കുമെന്ന് ജില്ലാ കലക്ടര്‍. ക​ള്ള​വോ​ട്ടി​ന്‍റെ വീ​ഡി​യോ ദൃശ്യങ്ങള്‍ സ​ഹി​തം ജി​ല്ലാ ക​ള​ക്ട​ർ മി​ർ മു​ഹ​മ്മ​ദ​ലി​ക്ക് പ​രാ​തി ന​ൽ​കി. ക​ള്ള​വോ​ട്ട് ചെ​യ്ത​വ​രി​ൽ 40 പേ​ർ സ്ത്രീ​ക​ളാ​ണെ​ന്നും പ​രാ​തി​യി​ൽ ചൂ​ണ്ടി​ക്കാ​ട്ടു​ന്നു. കെ.​സു​ധാ​ക​ര​ന്‍റെ ചീ​ഫ് ഇ​ല​ക്ഷ​ൻ ഏ​ജ​ന്‍റ് ക​ള​ക്ട​റെ നേ​രി​ൽ ക​ണ്ടാ​ണു പ​രാ​തി ന​ൽ​കി​യ​ത്.

പേ​രാ​വൂ​ർ, മ​ട്ട​ന്നൂ​ർ, ധ​ർ​മ​ടം, ത​ളി​പ്പ​റ​മ്പ് നി​യ​മ​സ​ഭാ മ​ണ്ഡ​ല​ങ്ങ​ളി​ലാ​ണ് ക​ള്ള​വോ​ട്ട് ന​ട​ന്ന​ത്. മു​ഖ്യ​മ​ന്ത്രി​യു​ടെ മ​ണ്ഡ​ല​മാ​യ ധ​ർ​മ​ട​ത്ത് അ​ച്ഛ​ന്‍റെ വോ​ട്ട് മ​ക​ൻ ചെ​യ്തെ​ന്നും കോ​ൺ​ഗ്ര​സ് ആ​രോ​പി​ക്കു​ന്നു. സി​പി​എം പ്ര​വ​ർ​ത്ത​ക​രാ​യ സ​ഹോ​ദ​ര​നും സ​ഹോ​ദ​രി​യും ചേ​ർ​ന്ന് ഒ​മ്പ​തു ക​ള്ള​വോ​ട്ട് ചെ​യ്ത​താ​യി പ​രാ​തി​യി​ൽ പ​റ​യു​ന്നു.

പേരാവൂര്‍ മണ്ഡലത്തില്‍ അടക്കം പ്രായപൂര്‍ത്തിയാവാത്തവര്‍ അടക്കം വോട്ട് ചെയ്തെന്നും പരാതിയില്‍ പറയുന്നു. ഉദ്യോഗസ്ഥര്‍ക്കെതിരെ ശക്തമായ നടപടി എടുക്കണമെന്ന് കോണ്‍ഗ്രസ് പരാതിയില്‍ ആവശ്യപ്പെട്ടു. കോണ്‍ഗ്രസിന്റെ പരാതി പരിശോധിച്ച് നടപടി സ്വീകരിക്കുമെന്ന് ജില്ലാ കലക്ടര്‍ അറിയിച്ചു

Get all the Latest Malayalam News and Election 2019 News at Indian Express Malayalam. You can also catch all the Lok Sabha Election 2019 Schedule by following us on Twitter and Facebook

.