Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

വോട്ടെടുപ്പിനും വോട്ടെണ്ണലിനും മുൻപ്; 20 ലേറെ സ്ഥലങ്ങളിൽ എൽഡിഎഫിന് എതിരില്ല

കണ്ണൂർ ജില്ലയിൽ ആകെ 15 വാർഡുകളിലാണ് എൽഡിഎഫിന് എതിരാളികളില്ലാത്തത്

cpm election, cpm,

കണ്ണൂർ: തദ്ദേശ തിരഞ്ഞെടുപ്പ് നടക്കുന്നതിനു മുൻപേ കണ്ണൂർ ജില്ലയിലെ ആന്തൂർ നഗരസഭയിൽ ആറ് സീറ്റിൽ വിജയമുറപ്പിച്ച് എൽഡിഎഫ്. നാമനിർദേശ പത്രിക സമർപ്പിക്കാനുള്ള സമയപരിധി പൂർത്തിയായപ്പോൾ ആന്തൂർ നഗരസഭയിൽ ആറ് സീറ്റിൽ എൽഡിഎഫിന് എതിരാളികളില്ല.

നഗരസഭയിലെ രണ്ടാം വാർഡിൽ സി.പി.മുഹാസ്, മൂന്നാം വാർഡിൽ എം.പ്രീത, പത്താം വാർഡിൽ എം.പി.നളിനി, 11-ാം വാർഡിൽ എം.ശ്രീഷ, വാർഡ് 16 ൽ ഇ.അഞ്ജന, 24-ാം വാർഡിൽ വി.സതിദേവി എന്നിവരാണ് എതിർ സ്ഥാനാർഥികളില്ലാതെ തിരഞ്ഞെടുക്കപ്പെട്ടത്.

മൊറാഴ, കാനൂൽ, കോൾമൊട്ട , നണിച്ചേരി, ആന്തൂർ, ഒഴക്രോം വാർഡുകളിൽ എൽഡിഎഫ് സ്ഥാനാർഥികൾ മാത്രമാണ് നാമനിർദേശപത്രിക സമർപ്പിച്ചത്.

Read Also: അഴിമതി ആരോപണം: ബിഹാറിൽ സത്യപ്രതിജ്ഞ ചെയ്‌ത് മൂന്നാം നാൾ മന്ത്രി രാജിവച്ചു

അതേസമയം, ആന്തൂരില്‍ കഴിഞ്ഞ തവണ 28 മണ്ഡലത്തില്‍ 14 എണ്ണത്തില്‍ എല്‍ഡിഎഫ് എതിരില്ലാതെ വിജയിച്ചിരുന്നു. കഴിഞ്ഞ തവണ ബാക്കി വന്ന 14 സീറ്റും എല്‍ഡിഎഫ് തന്നെയാണ് വിജയിച്ചത്.

കണ്ണൂരിൽ മലപ്പട്ടം പഞ്ചായത്തിലെ അഞ്ച് വാർഡുകളിലും എൽഡിഎഫിന് എതിരാളികളില്ല. കണ്ണൂർ ജില്ലയിൽ ആകെ 15 വാർഡുകളിലാണ് എൽഡിഎഫിന് എതിരാളികളില്ലാത്തത്.

ഇതുകൂടാതെ, കാങ്കോൽ ആലപ്പടമ്പ് പഞ്ചായത്ത് (രണ്ട് വാർഡുകൾ), കാസർഗോഡ് ജില്ലയിലെ മടിക്കൈ പഞ്ചായത്ത് ( മൂന്ന് വാർഡുകൾ) കയ്യൂർ ചീമേനി പഞ്ചായത്ത് (ഒരു വാർഡ്) എന്നിവിടങ്ങളിലാണ് ഇടതു മുന്നണി സ്ഥാനാർഥികൾക്ക് എതിരില്ലാത്തത്. ഇവിടങ്ങളിൽ മറ്റ് സ്ഥാനാർഥികളാരും പത്രിക നൽകിയിട്ടില്ല.

Get the latest Malayalam news and Election news here. You can also read all the Election news by following us on Twitter, Facebook and Telegram.

Web Title: Anthoor corporation ldf won six seats without competition

Next Story
ജയിച്ചാലും തോറ്റാലും ജനങ്ങൾക്കൊപ്പമുണ്ട്, പ്രായം ഒരു പ്രശ്‌നമല്ല; നയം വ്യക്തമാക്കി രേഷ്‌മ
The moderation of comments is automated and not cleared manually by malayalam.indianexpress.com