Victers Channel Live Phone-in Programme: പൊതുപരീക്ഷ നടക്കുന്ന പത്ത്, പ്ലസ്‍ടു ക്ലാസുകളിലെ കുട്ടികള്‍ക്കായി കൈറ്റ് വിക്ടേഴ്സില്‍ ലൈവ് ഫോണ്‍-ഇന്‍ പരിപാടി ചൊവ്വാഴ്ച (മാര്‍ച്ച് 16) മുതല്‍ സംപ്രേഷണം ചെയ്യും. ഫോക്കസ് ഏരിയ അടിസ്ഥാനപ്പെടുത്തിയുള്ള റിവിഷനും, മാതൃകാ പരീക്ഷയുടെ ചോദ്യപേപ്പര്‍ വിശകലനവും ഒപ്പം കുട്ടികളുടെ സംശയങ്ങള്‍ക്ക് തത്സമയം മറുപടി നല്‍കുന്ന രൂപത്തിലുമായിരിക്കും ലൈവ് ഫോണ്‍-ഇന്‍ പരിപാടി. മാനസിക സംഘര്‍ഷങ്ങളില്ലാതെയും ആത്മവിശ്വാസത്തോടെയും പരീക്ഷ അഭിമുഖീകരിക്കാന്‍ കുട്ടികളെ പര്യാപ്തമാക്കുന്ന തരത്തിലാണ് പ്രോഗ്രാം വിഭാവനം ചെയ്തിട്ടുള്ളത്.
മാര്‍ച്ച് 16 മുതല്‍ ഉച്ചയ്ക്ക് 2.30 മുതല്‍ 4 മണി വരെയാണ് പത്താം ക്ലാസുകാര്‍ക്കുള്ള ഫോണ്‍-ഇന്‍ പരിപാടി. പുനഃസംപ്രേഷണം വൈകുന്നേരം 6.30-ന്. പ്ലസ്‍ടു കുട്ടികള്‍ക്ക് ആദ്യ ഫോണ്‍-ഇന്‍ വൈകുന്നേരം 5.00 മുതല്‍ 6.30 വരെയും പുനഃസംപ്രേഷണം പിറ്റേന്ന് രാവിലെ 6.30നും ആയിരിക്കും. എല്ലാ പ്രോഗ്രാമുകളും അടുത്ത ദിവസം മുതല്‍ firstbell.kite.kerala.gov.in പോര്‍ട്ടലില്‍ ലഭ്യമാക്കും.
ഒന്നു മുതല്‍ ഒന്‍പതു വരെയുള്ള ക്ലാസുകള്‍ ഏപ്രില്‍ 30-ഓടെയും പൂര്‍ത്തിയാക്കുമെന്ന് കൈറ്റ് സി.ഇ.ഒ കെ. അന്‍വര്‍ സാദത്ത് അറിയിച്ചു. പ്ലസ്‍വണ്‍ ക്ലാസുകള്‍ മെയ് മാസവും തുടരും. മെയ് മാസം എല്ലാ ക്ലാസുകാര്‍ക്കുമായി പ്രത്യേക ബ്രിഡ്ജ് കോഴ്സ് ക്ലാസുകളും കൈറ്റ് വിക്ടേഴ്സിലൂടെ സംപ്രേഷണം ചെയ്യും. ലൈവ്-ഇന്‍ ഫോണ്‍ പ്രോഗ്രാമിലേക്ക് 18004259877 എന്ന ടോള്‍ഫ്രീ നമ്പറിലേക്ക് അതത് സമയങ്ങളിൽ കുട്ടികൾക്ക് വിളിക്കാവുന്നതാണ് . ലൈവ്-ഫോണ്‍ ഇന്‍ ക്ലാസുകളുടെ സമയക്രമവും പ്രസിദ്ധീകരിച്ചു.
ലൈവ്-ഫോണ്‍ ഇന്‍ റിവിഷന്‍ ക്ലാസുകള്‍ സമയക്രമം
മാര്‍ച്ച് 16
പത്താം ക്ലാസ്- രസതന്ത്രം
പന്ത്രണ്ടാം ക്ലാസ്- ഇക്കണോമിക്സ്
മാര്‍ച്ച് 17
പത്താം ക്ലാസ്- ഭൗതികശാസ്ത്രം
പന്ത്രണ്ടാം ക്ലാസ്- മാത്തമാറ്റിക്സ്
മാര്‍ച്ച് 18
പത്താം ക്ലാസ്-ഗണിതം
പന്ത്രണ്ടാം ക്ലാസ്- ബിസിനസ് സ്റ്റഡീസ്
മാര്‍ച്ച് 19
പത്താം ക്ലാസ്- സോഷ്യല്‍ സയന്‍സ്
പന്ത്രണ്ടാം ക്ലാസ്- ഫിസിക്സ്
മാര്‍ച്ച് 22
പത്താം ക്ലാസ്- ബയോളജി
പന്ത്രണ്ടാം ക്ലാസ്- ഹിസ്റ്ററി
മാര്‍ച്ച് 23
പത്താം ക്ലാസ്- അടിസ്ഥാന പാഠാവലി
പന്ത്രണ്ടാം ക്ലാസ്- കെമിസ്ട്രി
മാര്‍ച്ച് 24
പത്താം ക്ലാസ്- ഇംഗ്ലീഷ്
പന്ത്രണ്ടാം ക്ലാസ്- അക്കൗണ്ടന്‍സി
മാര്‍ച്ച് 25
പത്താം ക്ലാസ്- ഹിന്ദി
പന്ത്രണ്ടാം ക്ലാസ്- ബയോളജി
മാര്‍ച്ച് 26
പത്താം ക്ലാസ്- കേരള പാഠാവലി
പന്ത്രണ്ടാം ക്ലാസ്- പൊളിറ്റിക്കല്‍ സയന്‍സ്
മാര്‍ച്ച് 29
പത്താം ക്ലാസ്- അറബിക്
പന്ത്രണ്ടാം ക്ലാസ്- ഇംഗ്ലീഷ്
മാര്‍ച്ച് 30
പത്താം ക്ലാസ്- സംസ്കൃതം
മാര്‍ച്ച് 31
പത്താം ക്ലാസ്- ഉറുദു
Read more: Victers Channel Timetable March 16: വിക്ടേഴ്സ് ചാനൽ; മാർച്ച് 16 ചൊവ്വാഴ്ച ക്ലാസുകളുടെ ടൈംടേബിൾ
