University Announcements 25 February 2023: കേരളത്തിലെ വിവിധ യൂണിവേഴ്‌സിറ്റികളുടെ അറിയിപ്പുകളും പ്രധാന വിദ്യാഭ്യാസ വാർത്തകളും അറിയാം.
Kerala University Announcements: കേരള സര്‍വകലാശാല
ഫെബ്രുവരി 28 ലെ തെരഞ്ഞെടുപ്പ് മാര്‍ച്ച് 1 ലേക്ക് മാറ്റി
കേരളസര്‍വകലാശാല 2023 ഫെബ്രുവരി 28 ന് നടത്താന്‍ നിശ്ചയിച്ചിരുന്ന ഡിപ്പാര്‍ട്ട്മെന്‍റ്സ് യൂണിയന്‍ തെരഞ്ഞെടുപ്പ് 2023 മാര്‍ച്ച് 1 ലേക്ക് മാറ്റിവച്ചിരിക്കുന്നു. സമയക്രമത്തില്‍ മാറ്റമുണ്ടായിരിക്കുന്നതല്ല.
പരീക്ഷ മാറ്റി
കേരളസര്‍വകലാശാല ഫെബ്രുവരി 27 ന് നടത്താന്‍ നിശ്ചയിച്ചിരുന്ന മൂന്നാം സെമസ്റ്റര്‍ സി.ബി.സി.എസ്.എസ്. (ബി.എ., ഇംഗ്ലീഷ് ലാംഗ്വേജ് &മാു; ലിറ്ററേച്ചര്‍), കരിയര്‍ റിലേറ്റഡ് സി.ബി.സി.എസ്.എസ്. (ബി.എ. ഇംഗ്ലീഷ് & കമ്മ്യൂണിക്കേറ്റീവ് ഇംഗ്ലീഷ്) ന്‍റെ കോംപ്ലിമെന്‍ററി പേപ്പറുകളുടെ പരീക്ഷകള്‍ മാറ്റിവച്ചിരിക്കുന്നു. പുതുക്കിയ തീയതി പിന്നീട് അറിയിക്കുന്നതാണ്. മറ്റു പരീക്ഷകള്‍ക്ക് മാറ്റമില്ല.
പരീക്ഷാഫീസ്
കേരളസര്‍വകലാശാലയുടെ മൂന്നാം സെമസ്റ്റര്‍ റെഗുലര്‍ ബി.ടെക്. 2008 സ്കീം കോഴ്സ് കോഡില്‍ വരുന്ന പാര്‍ട്ട് ടൈം ബി.ടെക്. റീസ്ട്രക്ച്ചേര്‍ഡ് കോഴ്സിന്‍റെ മൂന്നാം സെമസ്റ്റര്‍, ജനുവരി 2023 പരീക്ഷയുടെ രജിസ്ട്രേഷന്‍ ആരംഭിച്ചു. 150 രൂപ പിഴയോടെ ഫെബ്രുവരി 28 വരെയും 400 രൂപ പിഴയോടെ മാര്‍ച്ച് 2 വരെയും അപേക്ഷിക്കാം. വിശദവിവരങ്ങള്‍ വെബ്സൈറ്റില്.
പരീക്ഷാഫീസ് – തീയതി നീട്ടി
കേരളസര്‍വകലാശാല 2023 ഫെബ്രുവരി 23 ന് വിജ്ഞാപനം പുറപ്പെടുവിച്ച അഞ്ചാം സെമസ്റ്റര്‍ ബി.എ./ബി.എസ്സി./ബി.കോം. (ന്യൂ ജനറേഷന്‍ ഡബിള്‍ മെയിന്‍ പ്രോഗ്രാമുകള്‍), മാര്‍ച്ച് 2023 പരീക്ഷയ്ക്ക് ഓണ്‍ലൈനായി പിഴകൂടാതെ മാര്‍ച്ച് 9 വരെയും 150 രൂപ പിഴയോടെ മാര്‍ച്ച് 11 വരെയും 400 രൂപ പിഴയോടെ മാര്‍ച്ച് 13 വരെയും അപേക്ഷിക്കാം.
വൈവ വോസി
കേരളസര്‍വകലാശാല 2022 ഏപ്രിലില്‍ നടത്തിയ എം.എ. സംസ്കൃതം (വിദൂരവിദ്യാഭ്യാസം) ഫൈനല്‍ സപ്ലിമെന്ററി പരീക്ഷയുടെ വാചാ പരീക്ഷ മാര്‍ച്ച് 2 ന് കേരളസര്‍വകലാശാല പാളയം ക്യാമ്പസില്‍ വച്ച് രാവിലെ 11.30 ന് നടത്തുന്നതാണ്. വിശദവിവരങ്ങള്‍ വെബ്സൈറ്റില്.
MG University Announcements: എം ജി സര്‍വകലാശാല
പ്രാക്ടിക്കല്‍
നാലാം സെമസ്റ്റര്‍ ബിഎസ്സി കെമിസ്ട്രി(പ്യുവര്‍)/ഇന്‍ഡസ്ട്രിയല്‍ കെമിസ്ട്രി(സി.ബി.സി.എസ്.എസ് 20142016 അഡ്മിഷന്‍ റീഅപ്പിയറന്‍സ് പരീക്ഷ(മെയ് 2022) പ്രാക്ടിക്കല്‍ പരീക്ഷ ഫെബ്രുവരി 27ന് മാന്നാനം കെ.ഇ. കോളജില്‍ നടക്കും.
പരീക്ഷാ ഫലം
അവസാന വര്‍ഷ ബാച്ചിലര്‍ ഓഫ് ഫാര്‍മസി ഡിഗ്രി സപ്ലിമെന്ററി(ന്യൂ സ്കീം 2016 അഡ്മിഷന്‍ ജൂലൈ 2022) പരീക്ഷയുടെ ഫലം പ്രസിദ്ധീകരിച്ചു.
സൂക്ഷ്മ പരിശോധനയ്ക്ക് നിശ്ചിത ഫീസ് അടച്ച് മാര്‍ച്ച് 13 വരെ പരീക്ഷാ കണ്‍ട്രോളറുടെ കാര്യാലയത്തില്‍ അപേക്ഷ നല്‍കാം. വിശദ വിവരങ്ങള്‍ സര്‍വകലാശാലാ വെബ്സൈറ്റില്.
പരീക്ഷാ തീയതി
ഒന്നാം സെമസ്റ്റര്‍ എം.എസ്.സി ബയോ മെഡിക്കല്‍ ഇന്‍സ്ട്രുമെന്‍റേഷന്‍(2022 അഡ്മിഷന്‍ റെഗുലര്‍, 2021 അഡ്മിഷന്‍ സപ്ലിമെന്ററി, 2019 – 2021 അഡ്മിഷന്‍ സപ്ലിമെന്ററി, 2018 അഡ്മിഷന്‍ ആദ്യ മെഴ്സി ചാന്‍സ്, 2017 അഡ്മിഷന്‍ രണ്ടാം മെഴ്സി ചാന്‍സ്, 2016 അഡ്മിഷന്‍ മൂന്നാം മെഴ്സി ചാന്‍സ്) പരീക്ഷ മാര്‍ച്ച് 20ന് ആരംഭിക്കും. വിശദമായ ടൈം ടേബിള്‍ സര്‍വകലാശാലാ വെബ്സൈറ്റില്.
മാര്‍ച്ച് ആറുവരെ പിഴകൂടാതെ ഫീസ് അടച്ച് പരീക്ഷയ്ക്ക് അപേക്ഷിക്കാം. പിഴയോടു കൂടി മാര്‍ച്ച് ഏഴിനും സൂപ്പര്‍ ഫൈനോടെ മാര്‍ച്ച് എട്ടിനും അപേക്ഷ സ്വീകരിക്കും.
Calicut University Announcements: കാലിക്കറ്റ് സര്‍വകലാശാല
ഇലക്ട്രീഷ്യന്‍ നിയമനം
കാലിക്കറ്റ് സര്‍വകലാശാലാ എഞ്ചിനീയറിംഗ് വിഭാഗത്തില്‍ ഇല്ക്ട്രീഷ്യന്‍ തസ്തികയില്‍ 16.01.2023 തീയതിയിലെ വിജ്ഞാപനപ്രകാരം അപേക്ഷ സമര്‍പ്പിച്ചവരില്‍ യോഗ്യരായവര്‍ യോഗ്യത തെളിയിക്കുന്ന രേഖകളുടെ പകര്‍പ്പുകള്‍ പരിശോധനക്കായി മാര്‍ച്ച് 10-ന് മുമ്പായി രജിസ്ട്രാര്‍ക്ക് സമര്‍പ്പിക്കണം. യോഗ്യരായവരുടെ പേരുവിവരങ്ങളും അവര്‍ക്കുള്ള നിര്‍ദ്ദേശങ്ങളും വെബ്സൈറ്റില്.
പരിസ്ഥിതി പഠനവകുപ്പ് പൂര്‍വവിദ്യാര്‍ത്ഥി സംഗമം
കാലിക്കറ്റ് സര്‍വകലാശാലാ പരിസ്ഥിതി പഠനവകുപ്പ് പൂര്‍വവിദ്യാര്‍ത്ഥി സംഗമം നടത്തി. രജിസ്ട്രാര്‍ ഡോ. ഇ.കെ. സതീഷ് ഉദ്ഘാടനം ചെയ്തു. കോഴിക്കോട് ജില്ലാ എംപ്ലോയ്‌മെന്റ് ഓഫീസര്‍ പി. രാജീവന്‍ മുഖ്യാതിഥിയായി. പഠനവകുപ്പ് മേധാവി ഡോ. സി.സി. ഹരിലാല്‍, വി.കെ. ഷാമിലി എന്നിവര്‍ സംസാരിച്ചു. നെറ്റ്, ജെ.ആര്‍.എഫ്. കരസ്ഥമാക്കിയ പൂര്‍വ വിദ്യാര്‍ത്ഥികള്‍ക്കും മുന്‍ അദ്ധ്യാപകര്‍ക്കും ഉപഹാരങ്ങള്‍ നല്‍കി.
ഫോട്ടോ – കാലിക്കറ്റ് സര്‍വകലാശാലാ പരിസ്ഥിതി പഠനവകുപ്പ് പൂര്‍വവിദ്യാര്‍ത്ഥി സംഗമം രജിസ്ട്രാര്‍ ഡോ. ഇ.കെ. സതീഷ് ഉദ്ഘാടനം ചെയ്യുന്നു.
പ്രാക്ടിക്കല്‍ പരീക്ഷ
മൂന്ന്, നാല് സെമസ്റ്റര്‍ ബി.വോക്. ഫുഡ് സയന്‍സ് നവംബര്‍ 2021, ഏപ്രില്‍ 2022 പരീക്ഷകളുടെ പ്രാക്ടിക്കല്‍ ഫെബ്രുവരി 28, മാര്‍ച്ച് 1, 2 തീയതികളില്‍ നടക്കും.
ഒറ്റത്തവണ റഗുലര്‍ സപ്ലിമെന്ററി പരീക്ഷ
എസ്.ഡി.ഇ. 2017 പ്രവേശനം അവസാന വര്‍ഷ/മൂന്ന്, നാല് സെമസ്റ്റര്‍ എം.എ., എം.എസ് സി., എം.കോം. സപ്തംബര്‍ 2022 ഒറ്റത്തവണ റഗുലര്‍ സപ്ലിമെന്ററി പരീക്ഷ മാര്‍ച്ച് 1-ന് തുടങ്ങും. പി.ആര്‍. 239/2023
പരീക്ഷാ ഫലം
സര്‍വകലാശാലാ എഞ്ചിനീയറിംഗ് കോളേജിലെ ഒന്നാം സെമസ്റ്റര്‍ ബി.ടെക്. നവംബര്‍ 2021 റഗുലര്‍, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് മാര്‍ച്ച് 10 വരെ അപേക്ഷിക്കാം.
നാലാം സെമസ്റ്റര്‍ എം.എസ് സി. ഹ്യൂമന്‍ ഫിസിയോളജി ഏപ്രില്‍ 2022 പരീക്ഷയുടെ ഫലം പ്രസിദ്ധീകരിച്ചു.
പരീക്ഷാ അപേക്ഷ
എസ്.ഡി.ഇ.യില്‍ പുനഃപ്രവേശനം നേടിയവരും സ്ട്രീം മാറ്റിയവരുമായവര്‍ക്ക് നാലാം സെമസ്റ്റര്‍ യു.ജി. ഏപ്രില്‍ 2023 റഗുലര്‍ പരീക്ഷക്ക് പിഴ കൂടാതെ മാര്‍ച്ച് 7 വരെയും 170 രൂപ പിഴയോടെ 9 വരെയും 28 മുതല്‍ അപേക്ഷിക്കാം.
അദീബെ ഫാസില്‍ (ഉറുദു) പ്രിലിമിനറി ഒന്ന്, രണ്ട് വര്‍ഷ ഏപ്രില്‍ / മെയ് 2023 റഗുലര്‍, സപ്ലിമെന്ററി, ഇംപ്രൂവ്മെന്റ് പരീക്ഷകള്‍ക്ക് പിഴ കൂടാതെ മാര്‍ച്ച് 13 വരെയും 170 രൂപ പിഴയോടെ 16 വരെയും അവസാന വര്‍ഷ റഗുലര്‍, സപ്ലിമെന്ററി പരീക്ഷകള്‍ക്ക് പിഴ കൂടാതെ മാര്‍ച്ച് 13 വരെയും 170 രൂപ പിഴയോടെ 15 വരെയും 28 മുതല്‍ അപേക്ഷിക്കാം.
സര്‍വകാലാശാലാ എഞ്ചിനീയറിംഗ് കോളേജിലെ ഒന്നാം സെമസ്റ്റര്‍ ബി.ടെക്. നവംബര്‍ 2022 റഗുലര്‍, സപ്ലിമെന്ററി, ഇംപ്രൂവ്മെന്റ് പരീക്ഷകള്‍ക്ക് പിഴ കൂടാതെ മാര്‍ച്ച് 13 വരെയും 170 രൂപ പിഴയോടെ 15 വരെയും അപേക്ഷിക്കാം.
പുനര്‍മൂല്യനിര്‍ണയ ഫലം
എസ്.ഡി.ഇ. മൂന്നാം സെമസ്റ്റര്‍ ബി.കോം., ബി.ബി.എ. നവംബര്‍ 2021 റഗുലര്‍, സപ്ലിമെന്ററി പരീക്ഷകളുടെയും നവംബര്‍ 2020 സപ്ലിമെന്ററി പരീക്ഷയുടെയും പുനര്‍മൂല്യനിര്‍ണയ ഫലം പ്രസിദ്ധീകരിച്ചു.
Kannur University Announcements: കണ്ണൂർ സര്‍വകലാശാല
പ്രൈവറ്റ് രജിസ്ട്രേഷൻ – ഐഡന്റിറ്റി കാർഡ്
കണ്ണൂർ സർവകലാശാല 2022 – 23 അധ്യയന വർഷത്തെ പ്രൈവറ്റ് രജിസ്ട്രേഷൻ ബിരുദ പ്രോഗ്രാമുകൾക്ക് രജിസ്റ്റർ ചെയ്തവരുടെ ഐഡന്റിറ്റി കാർഡുകൾ സർവകലാശാല വെബ്സൈറ്റിൽ ലഭ്യമാണ്.
പ്രായോഗിക/ വാചാ പരീക്ഷകൾ
രണ്ടാം സെമസ്റ്റർ പോസ്റ്റ് ഗ്രാജ്വെറ്റ് ഡിപ്ലോമ ഇൻ കൗൺസിലിങ് സൈക്കോളജി (പി.ജി.ഡി.സി.പി.)( റഗുലർ / സപ്ലിമെന്ററി ), മെയ് 2022 പരീക്ഷയുടെ ഭാഗമായുള്ള പ്രയോഗിക/വാചാ പരീക്ഷകൾ ഫാപ്പിൻസ് കമ്മ്യൂണിറ്റി കോളേജ് ഓഫ് ബിഹേവിയറൽ മാനേജ്‌മെന്റ് , തൃക്കരിപ്പൂരിൽ 2023 മാർച്ച് 3 തിയ്യതിയിലും , ഹൃദയാരാം കമ്മ്യൂണിറ്റി കോളേജ് ഓഫ് കൗൺസിലിങ് , തളാപ്പിൽ 2023 മാർച്ച് 3,4 തിയ്യതികളിലും നടത്തുന്നതാണ്. രജിസ്റ്റർ ചെയ്ത വിദ്യാർഥികൾ കോളേജുമായി ബന്ധപ്പെടേണ്ടതാണ്.
പരീക്ഷാ ഫലം
അഫിലിയേറ്റഡ് കോളേജുകളിലെ അഞ്ചാം സെമസ്റ്റർ ബിരുദ (റെഗുലർ / സപ്ലിമെന്ററി / ഇംപ്രൂവ്മെന്റ് ) നവംബർ 2022 പരീക്ഷാ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനഃ പരിശോധന / സൂക്ഷ്മ പരിശോധന / ഫോട്ടോകോപ്പി എന്നിവക്കുള്ള അപേക്ഷകൾ 15 / 03 / 2023 വൈകുന്നേരം 5 മണി വരെ ഓൺലൈൻ ആയി സ്വീകരിക്കുന്നതാണ്.
