University Announcements 19 April 2023: കേരളത്തിലെ വിവിധ യൂണിവേഴ്‌സിറ്റികളുടെ അറിയിപ്പുകളും പ്രധാന വിദ്യാഭ്യാസ വാർത്തകളും ഒറ്റനോട്ടത്തിൽ.
Kerala University Announcements: കേരള സര്‍വകലാശാല
പരീക്ഷഫലം
കേരളസര്‍വകലാശാല ബി. വോക് ഫുഡ് പ്രോസസിംഗ് (359), ബി. വോക് ഫുഡ് പ്രോസസിംഗ് ആന്‍റ് മാനേജ്മെന്‍റ് (356) ഡിഗ്രി കോഴ്സുകളുടെ നവംബര്‍ 2022 ഒന്നാം സെമസ്റ്റര്‍, പരീക്ഷഫലം പ്രസിദ്ധീകരിച്ചു. പുന:ര്‍മൂല്യനിര്‍ണ്ണയത്തിനും സൂക്ഷ്മപരിശോധനയ്ക്കുമായി 2023 ഏപ്രില്‍ 29 വരെ ഓണ്‍ലൈനായി അപേക്ഷിക്കാവുന്നതാണ്. വിശദവിവരങ്ങള്‍ സര്‍വകലാശാല വെബ്സൈറ്റില് ലഭ്യമാണ്. കേരളസര്‍വകലാശാല ബി.ആര്‍ക്ക് ഇംപ്രൂവ്മെന്റ് (2008 സ്കീം) (2008 – 2012 അഡ്മിഷന്‍) പരീക്ഷ ഫലം പ്രസിദ്ധീകരിച്ചു.
MG University Announcements: എംജി സർവകലാശാല
ഗസ്റ്റ് അധ്യാപക നിയമനം; ഇൻറർവ്യു മാറ്റിവച്ചു
സർവകലാശാലയിലെ പഠനവകുപ്പുകളായ സ്‌കൂൾ ഓഫ് കെമിക്കൽ സയൻസസ്, സ്‌കൂൾ ഓഫ് എൻവയോൺമെൻറൽ സയൻസസ്, സ്‌കൂൾ ഓഫ് ബയോസയൻസസ് എന്നിവിടങ്ങളിൽ ഗസ്റ്റ് അധ്യാപക നിയമനത്തിന് ഏപ്രിൽ 25 ന് നടത്താൻ നിശ്ചയിച്ചിരുന്ന ഇൻറർവ്യു മെയ് നാലിലേക്ക് മാറ്റി വച്ചു.
വിശദവിവരങ്ങൾ സർവകലാശാലാ വെബ്‌സൈറ്റിൽ.
വൈവ വോസി
ആറാം സെമസ്റ്റർ ബി.എ ഹിസ്റ്ററി മോഡൽ 1,2 (സി.ബി.സി.എസ് 2020 അഡ്മിഷൻ റഗുലർ, 2017-2019 അഡ്മിഷനുകൾ സപ്ലിമെൻററി – മാർച്ച് 2023) പരീക്ഷയുടെ വൈവ വോസി പരീക്ഷകൾ ഈ മാസം 25 മുതൽ 28 വരെ നടക്കും.
പ്രാക്ടിക്കൽ
മൂന്നാം സെമസ്റ്റർ എം.എസ്.സി മോളിക്യുലർ ബയോളജി ആൻറ് ജനറ്റിക് എൻജിനീയറിംഗ് (സി.എസ്.എസ് – 2021 അഡ്മിഷൻ – റഗുലർ, 2020,2019 അഡ്മിഷനുകൾ സപ്ലിമെൻററി – മാർച്ച് 2023) പരീക്ഷയുടെ പ്രാക്ടിക്കൽ പരീക്ഷകൾ ഏപ്രിൽ 25ന് അതത് കോളജുകളിൽ നടക്കും.
ആറാം സെമസ്റ്റർ ബി.വോക് അഗ്രികൾച്ചർ ടെക്‌നോളജി(ന്യു സ്കീം – 2020 അഡ്മിഷൻ റഗുലർ – മാർച്ച് 2023) പരീക്ഷയുടെ പ്രാക്ടിക്കൽ പരീക്ഷ ഏപ്രിൽ 28ന് കാഞ്ഞിരപ്പള്ളി സെൻറ് ഡൊമിനിക്‌സ് കോളജിൽ നടക്കും.
ആറാം സെമസ്റ്റർ ബി.എ ഇക്കണോമിക്‌സ് (സി.ബി.സി.എസ് – 2020 അഡ്മിഷൻ റഗുലർ, 2017-2019 അഡ്മിഷനുകൾ സപ്ലിമെൻററി – മാർച്ച് 2023) പരീക്ഷയുടെ പ്രാക്ടിക്കൽ പരീക്ഷകൾ മെയ് രണ്ടിന് തുടങ്ങും.
ഒന്നാം സെമസ്റ്റർ ബി.എസ്.സി ഇൻഫർമേഷൻ ടെക്‌നോളജി (സി.ബി.സി.എസ്, ന്യു സ്കീം – 2022 അഡ്മിഷൻ റഗുലർ, 2021 അഡ്മിഷൻ ഇംപ്രൂവ്‌മെൻറ്, 2017,2018,2019,2020,2021 അഡ്മിഷനുകൾ റീ-അപ്പിയറൻസ് – ഫെബ്രുവരി 2023) ബിരുദ പരീക്ഷയുടെ പ്രാക്ടിക്കൽ പരീക്ഷകൾ ഈ മാസം 24,25 തീയതികളിൽ നടക്കും.
2023 മാർച്ചിൽ വിജ്ഞാപനം പുറപ്പെടുവിച്ച ആറാം സെമസ്റ്റർ ബി.എഫ്.റ്റി, ബി.എസ്.സി അപ്പാരൽ ആൻറ് ഫാഷൻ ഡിസൈൻ (സി.ബി.സി.എസ് – 2020 അഡ്മിഷൻ റഗുലർ, 2019,2018,2017 അഡ്മിഷനുകൾ സപ്ലിമെൻററി – മാർച്ച് 2023) പരീക്ഷയുടെ പ്രാക്ടിക്കൽ പരീക്ഷകൾ ഈ മാസം 24 മുതൽ നടക്കും.
പരീക്ഷാ ഫലം
2022 ഏപ്രിലിൽ നടന്ന മൂന്നാം സെമസ്റ്റർ എം.എ ഹിസ്റ്ററി (201218 അഡ്മിഷൻ സപ്ലിമെൻററി) പരീക്ഷയുടെ ഫലം പ്രസിദ്ധീകരിച്ചു.
പുനർ മൂല്യനിർണയത്തിനും സൂക്ഷ്മ പരിശോധനയ്ക്കും നിശ്ചിത ഫീസ് അടച്ച് മെയ് നാലു വരെ ഓൺലൈനിൽ അപേക്ഷിക്കാം.
മൂന്നാം സെമസ്റ്റർ എം.എ ഇക്കണോമിക്‌സ് (20122018 അഡ്മിഷനുകൾ സപ്ലിമെൻററി – ഏപ്രിൽ 2022) പരീക്ഷയുടെ ഫലം പ്രസിദ്ധീകരിച്ചു.
പുനർ മൂല്യനിർണയത്തിനും സൂക്ഷ്മ പരിശോധനയക്കും നിശ്ചിത ഫീസ് അടച്ച് മെയ് നാലു വരെ ഓൺലൈനിൽ അപേക്ഷിക്കാം.
Calicut University Announcements: കാലിക്കറ്റ് സർവകലാശാല
സര്‍വകലാശാലാ വിദ്യാര്‍ത്ഥി യൂണിയന്‍ സോണല്‍ കലോത്സവം
കാലിക്കറ്റ് സര്‍വകലാശാലാ വിദ്യാര്‍ത്ഥി യൂണിയന്‍ സോണല്‍ കലോത്സവങ്ങള്‍ മെയ് മാസത്തില്‍ നടക്കും. അഫിലിയേറ്റഡ് കോളേജുകളെ അഞ്ച് സോണുകളായി തരംതിരിച്ചാണ് മത്സരങ്ങള്‍ നടത്തുന്നത്. എ-പാലക്കാട്, ബി-കോഴിക്കോട്, സി-മലപ്പുറം, ഡി-തൃശൂര്‍, എഫ്-വയനാട് എന്നിവയാണ് സോണുകള്‍. കലോത്സവത്തിന് ആതിഥേയത്വം വഹിക്കാന്‍ താല്‍പര്യമുള്ള കോളേജുകള്‍ 25-നകം സര്‍വകലാശാലയുമായി ബന്ധപ്പെടണം.
കോണ്‍ടാക്ട് ക്ലാസ് മാറ്റി
കാലിക്കറ്റ് സര്‍വകലാശാലാ വിദൂരവിദ്യാഭ്യാസ വിഭാഗം മലപ്പുറം ഗവണ്‍മെന്റ് കോളേജ് സെന്ററില്‍ 23-ന് നടത്താനിരുന്ന പി.ജി. മൂന്നാം സെമസ്റ്റര്‍ കോണ്‍ടാക്ട് ക്ലാസ്സുകള്‍ മെയ് 6-ലേക്ക് മാറ്റിയിരിക്കുന്നു.
പരീക്ഷ
സര്‍വകലാശാലാ എഞ്ചിനീയറിംഗ് കോളേജിലെ ഏഴാം സെമസ്റ്റര്‍ ബി.ടെക്. പരീക്ഷകള്‍ മെയ് 8-ന് തുടങ്ങും. വിശദമായ ടൈംടേബിള്‍ വെബ്സൈറ്റില്.
പരീക്ഷാ അപേക്ഷ
എസ്.ഡി.ഇ. പുനഃപ്രവേശനം, സ്ട്രീം ചേഞ്ച് വിദ്യാര്‍ത്ഥികള്‍ക്ക് രണ്ടാം സെമസ്റ്റര്‍ ബി.എ., ബി.കോം., ബി.ബി.എ., ബി.എ. അഫ്‌സലുല്‍ ഉലമ ഏപ്രില്‍ 2022 റഗുലര്‍ പരീക്ഷക്ക് പിഴ കൂടാതെ 28 വരെയും 170 രൂപ പിഴയോടെ മെയ് 2 വരെയും അപേക്ഷിക്കാം.
പരീക്ഷാ ഫലം
രണ്ടാം സെമസ്റ്റര്‍ എം.ബി.എ. ജൂലൈ 2022 പരീക്ഷയുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് മെയ് 3 വരെ അപേക്ഷിക്കാം.
അഞ്ചാം സെമസ്റ്റര്‍ ബി.എസ് സി. മാത്തമറ്റിക്‌സ് നവംബര്‍ 2022 റഗുലര്‍, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 29 വരെ അപേക്ഷിക്കാം.
സൂക്ഷ്മപരിശോധനാ ഫലം
രണ്ടാം സെമസ്റ്റര്‍ എം.എസ് സി. അപ്ലൈഡ് ജിയോളജി, കമ്പ്യൂട്ടര്‍ സയന്‍സ്, ജനറല്‍ ബയോടെക്‌നോളജി, മൈക്രോബയോളജി, കെമിസ്ട്രി, മാത്തമറ്റിക്‌സ് ഏപ്രില്‍ 2022 പരീക്ഷകളുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.
പുനര്‍മൂല്യനിര്‍ണയ ഫലം
രണ്ടാം സെമസ്റ്റര്‍ എം.എസ് സി. മൈക്രോബയോളജി ഏപ്രില്‍ 2022 പരീക്ഷയുടെ പുനര്‍മൂല്യനിര്‍ണയ ഫലം പ്രസിദ്ധീകരിച്ചു.
എസ്.ഡി.ഇ. നാലാം സെമസ്റ്റര്‍ ബി.എ., ബി.എസ് സി., ബി.എ. അഫ്‌സലുല്‍ ഉലമ റഗുലര്‍, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു.
നാലാം സെമസ്റ്റര്‍ ബി.എസ് സി., ബി.സി.എ. ഏപ്രില്‍ 2022 റഗുലര്‍, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ പുനര്‍മൂല്യനിര്‍ണയ ഫലം പ്രസിദ്ധീകരിച്ചു.
