University Announcements 11 June 2021: ഇന്നത്തെ യൂണിവേഴ്‌സിറ്റി അറിയിപ്പുകൾ

University Announcements 11 June 2021: കേരളത്തിലെ വിവിധ യൂണിവേഴ്‌സിറ്റികളുടെ അറിയിപ്പുകളും പ്രധാന വിദ്യാഭ്യാസ വാർത്തകളും.

Kerala University Announcements: കേരള സർവകലാശാല

ഉപകേന്ദ്രം അനുവദിച്ചു

കേരളസർവകലാശാല ആറാം സെമസ്റ്റർ (ത്രിവത്സര ), പത്താം സെമസ്റ്റർ (പഞ്ചവത്സര) പരീക്ഷകൾക്ക് UIM (യൂണിവേഴ്സിറ്റി ഇൻസ്റ്റിറ്റ്യൂട്ട് ഓഫ് മാനേജ്മെന്റ്) വാടയ്ക്കൽ, ആലപ്പുഴ കൂടി ഉപകേന്ദ്രമായി അനുവദിച്ചു. നേരത്തെ മറ്റു ഉപകേന്ദ്രം തിരഞ്ഞെടുത്തവർക്കും ആവശ്യമെങ്കിൽ അത് മാറ്റി ഈ ഉപകേന്ദ്രം തിരഞ്ഞെടുക്കാവുന്നതാണ്. ജൂൺ 13 വൈകുന്നേരം 5 മണിവരെ രജിസ്റ്റർ ചെയ്യാവുന്നതാണ്.

അന്താരാഷ്ട്ര വെബിനാർ

യൂണിവേഴ്സിറ്റി കോളേജ് ഓഫ് എഞ്ചിനീയറിംഗ് കാര്യവട്ടത്തെ ഐ.ടി ഡിപ്പാർട്ട്മെൻ്റിൻ്റെ ആഭിമുഖ്യത്തിൽ സംഘടിപ്പിക്കുന്ന അന്താരാഷ്ട്ര വെബിനാർ ജൂൺ 12 ന് ഉച്ചയ്ക്ക് 2 മണിക്ക് കേരള സർവ്വകലാശാല സിൻഡിക്കേറ്റ് മെമ്പറും  യു.സി.ഇ.കെ കൺവീനറുമായ പ്രൊഫ. ജയരാജ്.ജെ  ഉദ്ഘാടനം നിർവഹിക്കും. കോളേജ് പ്രിൻസിപ്പൽ പ്രൊഫ.(ഡോ.) ബിഷാരത്ത് ബീവി. എ അധ്യക്ഷത വഹിക്കും.

പി.എച്ച്.ഡി.നൽകി

ഷിംജിത്.എസ്.പി-യ്ക്ക് (മലയാളം) പി.എച്ച്.ഡി. നല്കാൻ ഇന്ന് ചേർന്ന സിൻഡിക്കേറ്റ് യോഗം തീരുമാനിച്ചു

MG University Announcements: എംജി സർവകലാശാല

പരീക്ഷകൾ ജൂൺ 28ന് ശേഷം

കോവിഡ് വ്യാപനം തടയുന്നതിന് സംസ്ഥാന സർക്കാർ പ്രഖ്യാപിച്ച ലോക്ക് ഡൗണിനെ തുടർന്നു മാറ്റി വച്ച അവസാന സെമസ്റ്റർ/ വർഷ പരീക്ഷകൾ എം.ജി സർവ്വകലാശാലയിൽ 2021 ജൂൺ 28 നു ശേഷം ആരംഭിക്കും. പുതുക്കിയ ടൈം ടേബിളും വിശദാംശങ്ങളും വെബ്സൈറ്റിൽ പ്രസിദ്ധീകരിക്കും.

പരീക്ഷഫലം

2020 നവംബറിൽ എറണാകുളം ഗവൺമെന്റ് ലോ കോളേജിൽ നടന്ന ഒൻപതാം സെമസ്റ്റർ എൽ.എൽ.ബി. (പഞ്ചവത്സരം) സപ്ലിമെന്ററി, മേഴ്സി ചാൻസ് (2010 അഡ്മിഷൻ സപ്ലിമെന്ററി/ 2009 അഡ്മിഷൻ ആദ്യ മേഴ്സി ചാൻസ്/ 2008 അഡ്മിഷൻ രണ്ടാം മേഴ്സി ചാൻസ്/ 2007ന് മുമ്പുള്ള അഡ്മിഷൻ മൂന്നാം മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂൺ 25 വരെ അപേക്ഷിക്കാം.

സീനിയർ സിസ്റ്റം അനലിസ്റ്റ് ഒഴിവ്

മഹാത്മാഗാന്ധി സർവകലാശാലയിൽ സീനിയർ സിസ്റ്റം അനലിസ്റ്റ് തസ്തികയിൽ താത്ക്കാലിക കരാർ അടിസ്ഥാനത്തിലുള്ള ഒരു ഒഴിവിലേക്ക് അപേക്ഷ ക്ഷണിച്ചു. യോഗ്യതയും മറ്റ് വിശദാംശങ്ങളും www.mgu.ac.in എന്ന വെബ് സൈറ്റിൽ ലഭിക്കും. ഫോൺ: 0481-2733303.

Calicut University Announcements: കാലിക്കറ്റ് സർവകലാശാല

പി.എച്ച്.ഡി. പ്രവേശനം അപേക്ഷ നീട്ടി

കാലിക്കറ്റ് സര്‍വകലാശാല 2021 അദ്ധ്യയന വര്‍ഷത്തെ പി.എച്ച്.ഡി. പ്രവേശനത്തിനുള്ള ഓണ്‍ലൈന്‍ അപേക്ഷ സമര്‍പ്പിക്കേണ്ട അവസാന തീയതി 20 വരെ നീട്ടിയിരിക്കുന്നു. വിശദവിവരങ്ങള്‍ക്ക് സര്‍വകലാശാല വെബ്സൈറ്റ് സന്ദര്‍ശിക്കുക.

പ്രവേശന പരീക്ഷാ അപേക്ഷ നീട്ടി

കാലിക്കറ്റ് സര്‍വകലാശാലയുടെ പഠനവകുപ്പുകള്‍, സ്വാശ്രയ സെന്ററുകള്‍, അഫിലിയേറ്റഡ് കോളേജുകള്‍ എന്നിവയിലേക്കുള്ള പ്രവേശന പരീക്ഷ വഴി പ്രവേശനം നടത്തുന്ന ബിരുദ, ബിരുദാനന്തര ബിരുദ കോഴ്സുകളിലേക്ക് ഓണ്‍ലൈന്‍ അപേക്ഷ സമര്‍പ്പിക്കാനുള്ള അവസാനതീയതി 20 വരെ നീട്ടി. പ്രവേശന വിജ്ഞാപനം, പ്രവേശന പരീക്ഷാ സമയക്രമം തുടങ്ങി വിശദവിവരങ്ങള്‍ക്ക് സര്‍വകലാശാല വെബ്സൈറ്റ് സന്ദര്‍ശിക്കുക.

Kannur University Announcements: കണ്ണൂർ സർവകലാശാല

പരീക്ഷാ സെന്റർ

കണ്ണൂർ സർവകലാശാല നാലാം സെമസ്റ്റർ PG April 2021 - റെഗുലർ / സപ്ലിമെന്ററി/ ഇംപ്രൂവ്മെന്റ്(അഫിലിയേറ്റഡ് കോളേജുകൾ) പരിക്ഷകളുടെ പരീക്ഷാ സെന്ററുകളിൽ ദൂര കൂടുതൽ(സ്വന്തം കോളേജിൽ നിന്നും 20 കിലോമീറ്ററിലധികം ദൂരത്തിൽ താമസിക്കുന്ന വിദ്യാർത്ഥികൾ ), മറ്റ് ന്യായമായ കാരണങ്ങളാൽ മാറ്റം( സർവകലാശാല നിർദേശിച്ചിരിക്കുന്ന പ്രത്യേക പരീക്ഷാ സെൻററുകൾ) ആവശ്യമുള്ള വിദ്യാർത്ഥികൾ 18.06.21 നു 5 മണിക്കകം അതാതു കോളെജു പ്രിൻസിപ്പൽ മാർക്ക് നൽകേണ്ടതാണ്. പ്രിൻസിപ്പൽ മാർ ശുപാർശ് ചെയ്യുന്ന അപേക്ഷകൾ മാത്രമെ സർവകലാശാല പരിഗണിക്കുകയുള്ളു പ്രിൻസിപ്പൽ മാർ കൃത്യമായ ശുപാർശ സഹിതം 19-06 2021 നു 5 മണിക്കു മുമ്പായി അപേക്ഷകൾ പരീക്ഷാ കൺട്രോളറുടെ email വിലാസത്തിൽ അയക്കേണ്ടതാണ്.