Kerala Plus Two Result 2021 Date DHSE Kerala HSE 12th Exam Results: പ്ലസ് ടു, വിഎച്ച്എസ്ഇക്കാർക്ക് ഓഫ്‌സെറ്റ് പ്രിന്റിങ് ടെക്‌നോളജി കോഴ്‌സിന് അപേക്ഷിക്കാം

Kerala Plus Two Result 2021 Date DHSE Kerala HSE 12th Exam Results: ഈ കോഴ്സ് പാസാകുന്നവർക്ക്  പിഎസ്‌സി വഴിയുള്ള ഒന്നിലേറെ തസ്തികകളിലേക്ക് അപേക്ഷിക്കാൻ യോഗ്യതയുണ്ടാകും. ഓഗസ്റ്റ് 18 നാണ് അപേക്ഷ ലഭിക്കേണ്ട അവസാന തീയതി

education, students, ie malayalam

Kerala Plus Two Result 2021 Date DHSE Kerala HSE 12th Exam Results: തിരുവനന്തപുരം: സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിങ് ആൻഡ് ട്രെയിനിങ്ങും ചേർന്ന് നടത്തുന്ന സർട്ടിഫിക്കറ്റ് ഇൻ ഓഫ്‌സെറ്റ് പ്രിന്റിങ് ടെക്‌നോളജി കോഴ്‌സിലേക്ക് അപേക്ഷ ക്ഷണിച്ചു. ഒരു വർഷമാണ് കോഴ്സിന്റെ കാലയളവ്.  അപേക്ഷകർ പ്ലസ് ടു/വിഎച്ച്എസ്ഇ/ഡിപ്ലോമ അഥവാ തത്തുല്യ യോഗ്യതയോ പാസായിരിക്കണം.

പട്ടികജാതി/ പട്ടിക വർഗ്ഗ/ മറ്റർഹ വിഭാഗക്കാർക്ക് നിയമാനുസൃത ഫീസ് സൗജന്യം ലഭിക്കും. പഠനകാലയളവിൽ സ്റ്റൈപ്പന്റും ലഭിക്കും. ഒബിസി/എസ്ഇസി/മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്ന വിദ്യാർഥികൾക്ക് വരുമാന പരിധിക്ക് വിധേയമായി ഫീസ് സൗജന്യമായിരിക്കും.

ഈ സർട്ടിഫിക്കറ്റ് കോഴ്സ് പാസാകുന്നവർക്ക്  പ്രിന്റിങ് വകുപ്പിൽ  ഡിടിപി  ഓപ്പറേറ്റർ ഗ്രേഡ്-2, ഓഫ്‌സെറ്റ് പ്രിന്റിങ് മെഷീൻ ഓപ്പറേഷൻ ഗ്രേഡ്-2 പ്ലേറ്റ് മേക്കർ ഗ്രേഡ്-2 തസ്തികകളിലേയ്ക്ക് കേരള പബ്ലിക് സർവ്വീസ് കമ്മീഷൻ മുഖേന നിയമനത്തിന് സർക്കാർ അംഗീകരിച്ചിട്ടുണ്ട്.

Read More: Kerala Plus Two Result 2021 DHSE Kerala HSE 12th Exam Results Live Updates: പ്ലസ്ടു പരീക്ഷാ ഫലം ഇന്ന് പ്രഖ്യാപിക്കും

തിരുവനന്തപുരം (0471-2474720), എറണാകുളം (0484-2605322), കോഴിക്കോട് (0495-2356591) കേന്ദ്രങ്ങളിലാണ് കോഴ്‌സ് നടത്തുന്നത്. അപേക്ഷാ ഫോം 100 രൂപയ്ക്ക് അതാത് സെന്ററിൽ നിന്ന് നേരിട്ടും മാനേജിങ്  ഡയറക്ടർ, കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിങ് ആൻഡ് ട്രെയിനിങ്, ട്രെയിനിങ്  ഡിവിഷൻ, സിറ്റി സെന്റർ, പുന്നപുരം, പടിഞ്ഞാറേ കോട്ട, തിരുവനന്തപുരം- 695024 എന്ന വിലാസത്തിൽ 130 രൂപ മണിയോർഡറായി അയച്ചാലും ലഭിക്കും.

 വെബ്‌സൈറ്റിൽ നിന്നും ഡൗൺലോഡ് ചെയ്ത അപേക്ഷ ഉപയോഗിച്ച് മാനേജിങ് ഡയറക്ടർ, സി-ആപ്റ്റിന്റെ പേരിൽ തിരുവനന്തപുരത്ത് മാറാവുന്ന 100 രൂപയുടെ ഡിമാന്റ് ഡ്രാഫ്റ്റ് സഹിതവും അപേക്ഷിക്കാം.

വിശദ വിവരങ്ങൾക്ക് 0471-2474720, 0471-2467728 ഫോൺ നമ്പരുകളിൽ ബന്ധപ്പെടണം. വെബ്‌സൈറ്റ്:www.captkerala.com. പൂരിപ്പിച്ച അപേക്ഷ സാക്ഷ്യപ്പെടുത്തിയ സർട്ടിഫിക്കറ്റുകളുടെ (വിദ്യാഭ്യാസയോഗ്യത, ജാതി, വരുമാനം) കോപ്പികൾ സഹിതം ലഭിക്കേണ്ട അവസാന തീയതി ഓഗസ്റ്റ് 18.

Get the latest Malayalam news and Education news here. You can also read all the Education news by following us on Twitter, Facebook and Telegram.

Web Title: Kerala plus two result date 2021 dhse kerala hse 12th exam results course keralaresults nic in537185

Next Story
Kerala Plus Two Result 2021 DHSE Kerala HSE 12th Exam Results Highlights: പ്ലസ് ടു ഫലം പ്രഖ്യാപിച്ചു; വിജയശതമാനം 87.94; വിഎച്ച്എസ്‌ഇയിൽ 80.36plus two results, kerala plus two, ie malayalam
The moderation of comments is automated and not cleared manually by malayalam.indianexpress.com