KEAM 2022 Result: കേരള എൻട്രൻസ് പരീക്ഷ ഫലം എപ്പോൾ, എങ്ങനെ ഫലമറിയാം?

KEAM 2022 Result: കേരള എൻജിനിയറിങ്, ആർക്കിടെക്ചർ, ഫാർമസി, മെഡിക്കൽ, പരീക്ഷ (കീം) 2022 ഫലം പ്രസിദ്ധീകരിക്കാൻ ഒരുങ്ങുകയാണ് ഉന്നത വിദ്യാഭ്യാസ വകുപ്പ്. ഫലം പ്രഖ്യാപിച്ച ശേഷം ഉദ്യോഗാർത്ഥികൾക്ക് അപ്ലികേഷൻ നമ്പറും പാസ്സ്‌വേർഡും നൽകി ഔദ്യോഗിക വെബ്സൈറ്റായ cee. kerala. gov.in. ൽ കീം 2022 ന്റെ ഫലം പരിശോധിക്കാവുന്നതാണ്.

പ്രവേശന പരീക്ഷാ കമ്മീഷണറുടെ ഓഫീസ് ഫലപ്രഖ്യാപനത്തിന്റെ ഔദ്യോഗിക തീയതി ഇതുവരെ പ്രഖ്യാപിച്ചിട്ടില്ല. എന്നാൽ വൈകാതെ ഫലപ്രഖ്യാപനം ഉണ്ടായേക്കുമെന്നാണ് വിവരം.

കീം 2022 ഫലം എവിടെ എങ്ങനെ പരിശോധിക്കാം?

• ഔദ്യോഗിക വെബ്സൈറ്റായ, cee. kerala. gov.in. സന്ദർശിക്കുക
• ഹോംപേജിലെ 'KEAM 2022 Result' എന്ന ലിങ്കിൽ ക്ലിക്ക് ചെയ്യുക.
• തുടർന്ന് വരുന്ന പേജിൽ ചോദിക്കുന്ന വിവരങ്ങൾ നൽകി സബ്മിറ്റ് ഓപ്ഷനിൽ ക്ലിക്ക് ചെയ്യുക.
• ഫലം സ്‌ക്രീനിൽ ദൃശ്യമാകും

ജൂലൈ നാലിനായിരുന്നു പരീക്ഷ. 1,22,083 പേരാണ് ഇത്തവണ രജിസ്റ്റര്‍ ചെയ്തത്. 346 കേന്ദ്രങ്ങളിലായിട്ടായിരുന്നു പരീക്ഷ നടന്നത്.