scorecardresearch
Latest News

ഇഗ്നോ ജനുവരി സെഷനിലേക്കുളള അഡ്മിഷൻ തുടങ്ങി, അപേക്ഷിക്കേണ്ട വിധം അറിയാം

ഓൺലൈനായി അപേക്ഷിക്കുന്നതിനുളള അവസാന തീയതി ഡിസംബർ 31, 2019

ഇഗ്നോ ജനുവരി സെഷനിലേക്കുളള അഡ്മിഷൻ തുടങ്ങി, അപേക്ഷിക്കേണ്ട വിധം അറിയാം

ന്യൂഡൽഹി: ഇന്ദിര ഗാന്ധി നാഷണൽ ഓപ്പൺ യൂണിവേഴ്സിറ്റി (ഇഗ്നോ) ജനുവരി 2020 അക്കാദമിക് സെഷനിലേക്ക് ഓൺലൈനായി അപേക്ഷകൾ സ്വീകരിച്ചു തുടങ്ങി. എംഎ, ബിഎ, പിജി ഡിപ്ലോമ, ഡിപ്ലോമ, പിജി സർട്ടിഫിക്കറ്റ്, സർട്ടിഫിക്കറ്റ് പ്രോഗ്രാംസ്, അപ്രീസിയേഷൻ/അവെയർനെസ് ലെവൽ പ്രോഗ്രാമുകളിലേക്കാണ് വിദ്യാർഥികൾക്ക് അപേക്ഷിക്കാനാവുക.

താൽപര്യമുളള വിദ്യാർഥികൾ ഔദ്യോഗിക വെബ്സൈറ്റിൽ രജിസ്റ്റേർഡ് ലോഗിൻ ഐഡിയും പാസ്‌വേഡും ഉപയോഗിച്ച് ലോഗിൻ ചെയ്തശേഷം അപേക്ഷ പൂരിപ്പിക്കാം. രജിസ്റ്റേർഡ് ഇ-മെയിൽ ഐഡി ഇല്ലാത്തവർ ആപ്ലിക്കേഷൻ ലോഗിൻ പേജിലെ new registration ക്ലിക്ക് ചെയ്ത് ആവശ്യമായ വിവരങ്ങൾ നൽകിയശേഷം അപേക്ഷ സമർപ്പിക്കാം. ഓൺലൈനായി അപേക്ഷിക്കുന്നതിനുളള അവസാന തീയതി ഡിസംബർ 31, 2019.

IGNOU admissions for January session 2020: അപേക്ഷിക്കേണ്ട വിധം

Step 1: ഔദ്യോഗിക വെബ്സൈറ്റായ ignouadmission.samarth.edu.in കാണുക

Step 2: ഹോംപേജിലെ ‘Online admission open for January 2020 session’ ലിങ്കിൽ ക്ലിക്ക് ചെയ്യുക

Step 3: സ്ക്രീനിൽ പുതിയൊരു പേജ് കാണാം

Step 4: യൂസർനെയിമും പാസ്‌വേഡും ഉപയോഗിച്ച് ലോഗിൻ ചെയ്യുക

Step 5: അപേക്ഷ ഫോം പൂരിപ്പിക്കുക, ആവശ്യമായ രേഖകൾ അപ്‌ലോഡ് ചെയ്തശേഷം സബ്മിറ്റിൽ ക്ലിക്ക് ചെയ്യുക

Step 6: അപേക്ഷയുടെ പ്രിന്റ്ഔട്ട് എടുത്ത് സൂക്ഷിക്കുക

IGNOU admissions for January session 2020: സ്കാൻ ചെയ്യേണ്ട രേഖകൾ

> സ്കാൻ ചെയ്ത ഫൊട്ടോ (100 KB യിൽ താഴെ)

> സ്കാൻ ചെയ്ത ഒപ്പ് (100 KB യിൽ താഴെ)

> പ്രായം തെളിയിക്കുന്നതിന്റെ സ്കാൻ ചെയ്ത പകർപ്പ് (200 KB യിൽ താഴെ)

> വിദ്യാഭ്യാസ യോഗ്യതയുടെ സ്കാൻ ചെയ്ത പകർപ്പ് (200 KB യിൽ താഴെ)

> എക്സ്പീരിയൻസിന്റെ സ്കാൻ ചെയ്ത പകർപ്പ് / എസ്‌സി / എസ്ടി / ഒബിസി / ദാരിദ്ര്യരേഖയ്ക്ക് താഴെയുള്ള സർട്ടിഫിക്കറ്റ് (എന്തെങ്കിലും ഉണ്ടെങ്കിൽ) (200 KB യിൽ താഴെ)

Stay updated with the latest news headlines and all the latest Education news download Indian Express Malayalam App.

Web Title: Ignou admissions for january session 2020 begins