DHSE Kerala Class 11 (+1, Plus One) supplementary exam 2020: സംസ്ഥാനത്തെ പ്ലസ് വൺ സപ്ലിമെന്ററി ഇംപ്രൂവ്മെന്റ് പരീക്ഷകളുടെ സമയക്രമം ഹയർ സെക്കൻഡറി വിദ്യാഭ്യാസ ഡയറക്ടറേറ്റ് (ഡിഎച്ച്എസ്ഇ) പ്രസിദ്ധീകരിച്ചു. സപ്ലിമെന്ററി പരീക്ഷകൾ ഡിസംബർ 18 മുതൽ 23 വരെയാണ് നടക്കുക.

കോവിഡ് -19 മാർഗ്ഗനിർദ്ദേശങ്ങൾ പ്രകാരം സാമൂഹ്യ അകലം, സുരക്ഷാ പ്രോട്ടോക്കോളുകൾ എന്നിവ പാലിച്ചാണ് പരീക്ഷകൾ നടക്കുക. പരീക്ഷയ്ക്ക് രജിസ്ട്രർ ചെയ്യാനുള്ള സൗകര്യം വിദ്യാഭ്യാസ വകുപ്പ് ആരംഭിച്ചിട്ടുണ്ട്. അപേക്ഷകർക്ക് dhsekerala.gov.in എന്ന വെബ്സൈറ്റ് വഴി നവംബർ 16 വരെ സപ്ലിമെന്ററി പരീക്ഷകൾക്ക് അപേക്ഷിക്കാം .

ജൂലൈ 29 നാണ് പ്ലസ് വൺ പരീക്ഷയുടെ ഫലം പ്രസിദ്ധീകരിച്ചത്. പരീക്ഷ പാസ് ആവാൻ കഴിയാത്തവർക്ക് സപ്ലിമെന്ററി പരീക്ഷ എഴുതാം. കൂടാതെ സ്കോർ മെച്ചപ്പെടുത്താൻ ആഗ്രഹിക്കുന്നവർക്ക് മൂന്ന് വിഷയങ്ങൾക്ക് വരെ ഇംപ്രൂവ്മെ്റ് പരീക്ഷ എഴുതാം.

പ്ലസ് വൺ പരീക്ഷ ജയിക്കാൻ ഒരു വിദ്യാർത്ഥി ഓരോ വിഷയത്തിലും കുറഞ്ഞത് 100 മാർക്കിൽ 35 ശതമാനം മാർക്ക് നേടണം. തിയറി, പ്രാക്ടിക്കൽ പരീക്ഷകൾ നടക്കുന്ന സയൻസ് വിഷയങ്ങളിൽ വിദ്യാർത്ഥികൾ തിയറിയിൽ ഏറ്റവും കുറഞ്ഞത് 75 ൽ 20 മാർക്കും പ്രാക്ടിക്കലിൽ ഏറ്റവും കുറഞ്ഞത് 25 ൽ 15 മാർക്കും നേടണം.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook