CBSE Admit Cards 2026: സിബിഎസ്ഇ 10, 12 ക്ലാസ് ബോർഡ് പരീക്ഷ: അഡ്മിറ്റ് കാർഡുകൾ ഫെബ്രുവരി ആദ്യ ആഴ്ചയിൽ

CBSE Admit Cards 2026: ന്യൂഡൽഹി: 2026-ലെ സിബിഎസ്ഇ പത്താം ക്ലാസ്, പന്ത്രണ്ടാം ക്ലാസ് ബോർഡ് പരീക്ഷകൾക്കുള്ള അഡ്മിറ്റ് കാർഡുകൾ സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ ഉടൻ പുറത്തിറക്കും. പരീക്ഷ എഴുതുന്ന റഗുലർ വിദ്യാർത്ഥികൾക്ക് ഫെബ്രുവരി ആദ്യ വാരത്തോടെ അഡ്മിറ്റ് കാർഡുകൾ ലഭ്യമാകുമെന്നാണ് പ്രതീക്ഷിക്കുന്നത്.

Also Read: ആഗോള സാമ്പത്തിക മാന്ദ്യത്തിനിടയിലും എൻജിനീയറിങ്, എംബിബിഎസ് മോഹം കൈവിടാതെ വിദ്യാർത്ഥികൾ

ചില സ്കൂളുകളിൽ, സിബിഎസ്ഇ  10, 12 ക്ലാസുകളിലെ അഡ്മിറ്റ് കാർഡുകൾ അതത് സ്കൂൾ അധികൃതരാണ് വിതരണം ചെയ്യുന്നത്. കഴിഞ്ഞ വർഷം ഫെബ്രുവരി 3-നാണ് ഹാൾ ടിക്കറ്റുകൾ നൽകിയത്. അതിനാൽ, ഈ വർഷവും ഏകദേശം ഇതേ സമയത്തുതന്നെ ബോർഡ് ഹാൾ ടിക്കറ്റുകൾ പുറത്തിറക്കുമെന്ന് വിദ്യാർത്ഥികൾക്ക് പ്രതീക്ഷിക്കാം. പ്രൈവറ്റ് വിദ്യാർത്ഥികൾക്കുള്ള അഡ്മിറ്റ് കാർഡുകൾ ബോർഡ് ഇതിനകം തന്നെ പുറത്തിറക്കിയിട്ടുണ്ട്.

Also Read: കീം 2026: രജിസ്ട്രേഷൻ ആരംഭിച്ചു; ഏപ്രിൽ 17 മുതൽ പരീക്ഷ

സിബിഎസ്ഇ ബോർഡ് പരീക്ഷ 2026: അഡ്മിറ്റ് കാർഡ് ഡൗൺലോഡ് ചെയ്യേണ്ട വിധം

• ഔദ്യോഗിക വെബ്‌സൈറ്റായ cbse.gov.in സന്ദർശിക്കുക.
• ഹോം പേജിൽ നൽകിയിരിക്കുന്ന 'Admit Card' ലിങ്കിൽ ക്ലിക്ക് ചെയ്യുക.
• യൂസർ ഐഡി, പാസ്‌വേഡ് തുടങ്ങിയ നിങ്ങളുടെ വിവരങ്ങൾ നൽകുക.
• അഡ്മിറ്റ് കാർഡ് ഡൗൺലോഡ് ചെയ്യുക.

Also Read: കാനഡ സ്റ്റുഡന്റ് വിസ: അപേക്ഷാ രീതിയും പുതിയ നിയമങ്ങളും; അറിയേണ്ടതെല്ലാം

2026 സെഷനിലെ ബോർഡ് പരീക്ഷകൾ പത്താം ക്ലാസ് വിദ്യാർത്ഥികൾക്ക് ഒരു മാറ്റത്തിന്റെ തുടക്കമാണ്. ഒരു അധ്യയന വർഷത്തിൽ തന്നെ രണ്ട് തവണ ബോർഡ് പരീക്ഷകൾ നടത്താൻ സിബിഎസ്ഇ തീരുമാനിച്ചു. ഇതിൽ ആദ്യ ഘട്ടം 2026 ഫെബ്രുവരി 17 മുതൽ മാർച്ച് 10 വരെയും, താൽപ്പര്യമുള്ളവർക്ക് പങ്കെടുക്കാവുന്ന രണ്ടാമത്തെ ഘട്ടം മെയ് 15 മുതൽ ജൂൺ 1 വരെയും നടക്കും.

Read More: സിംഗപ്പൂരിൽ പഠിക്കണോ? വിസ, സർവകലാശാലകൾ, ജോലി സാധ്യതകൾ; അറിയേണ്ടതെല്ലാം