കാലിക്കറ്റ് സര്‍വകലാശാല മൂന്നാം സെമസ്റ്റര്‍ യുജി ഫീസടക്കാനുള്ള തീയതി നീട്ടി

കോഴിക്കോട്: കാലിക്കറ്റ് സര്‍വകലാശാല വിദൂരവിദ്യാഭ്യാസം/പ്രൈവറ്റ് രജിസ്‌ട്രേഷന്‍ മൂന്നാം സെമസ്റ്റര്‍ ബിഎ/ബികോം/ബിഎസ്‌സി/ബിബിഎ/ബിഎംഎംസി/ബിഎ അഫ്‌സല്‍-ഉല്‍-ഉലമ (സിയുസിബിസിഎസ്എസ്) റഗുലര്‍/സപ്ലിമെന്ററി/ഇംപ്രൂവ്‌മെന്റ് പരീക്ഷയ്ക്ക് പിഴകൂടാതെ ഫീസടക്കാനുള്ള തീയതി നവംബര്‍ ആറ് വരെ നീട്ടി. 170 രൂപ പിഴയോടെ നവംബര്‍ എട്ട് വരെയും ഫീസടച്ച് നവംബര്‍ 11 വരെയും രജിസ്റ്റര്‍ ചെയ്യാം. പരീക്ഷ നവംബര്‍ 27-ന് ആരംഭിക്കും.

ഹോര്‍ട്ടികള്‍ച്ചര്‍ സര്‍ട്ടിഫിക്കറ്റ് കോഴ്‌സ്: 11 വരെ അപേക്ഷിക്കാം

കാലിക്കറ്റ് സര്‍വകലാശാലാ ലൈഫ്‌ലോങ് ലേണിങ് ആൻഡ് എക്സ്റ്റന്‍ഷന്‍ വകുപ്പില്‍ നടത്തുന്ന സര്‍ട്ടിഫിക്കറ്റ് കോഴ്‌സ് ഇന്‍ ഹോര്‍ട്ടികള്‍ച്ചര്‍ കോഴ്‌സിന് അപേക്ഷിക്കേണ്ട അവസാന തീയതി നവംബര്‍ 11. കോഴ്‌സ് ഫീ: 6,000 രൂപ. പത്താം ക്ലാസ് വരെ പഠിച്ചവര്‍ക്ക് അപേക്ഷിക്കാം. വിലാസം: ഡയറക്ടര്‍, ഡിപ്പാര്‍ട്ട്‌മെന്റ് ഓഫ് ലൈഫ്‌ലോങ് ലേണിങ് ആൻഡ് എക്സ്റ്റന്‍ഷന്‍, യൂണിവേഴ്‌സിറ്റി ഓഫ് കാലിക്കറ്റ്, കാലിക്കറ്റ് യൂണിവേഴ്‌സിറ്റി പി.ഒ, 673635. വിവരങ്ങള്‍ക്ക്: 9496459276. പി.ആര്‍ 2027/2019

പരീക്ഷാ അപേക്ഷ

കാലിക്കറ്റ് സര്‍വകലാശാലയുടെ അഫിലിയേറ്റഡ് കോളേജുകളിലെ ഒന്നാം സെമസ്റ്റര്‍ എംഎ/എംഎസ്‌സി/എംകോം/എംഎസ്ഡബ്ല്യൂ/എംഎ-ജെഎംസി/എംടിടിഎം/എംബിഇ/എംടിഎച്ച്എം (സിബിസിഎസ്എസ്, 2019 സ്‌കീം-2019 പ്രവേശനം) റഗുലര്‍ പരീക്ഷയ്ക്ക് പിഴകൂടാതെ നവംബര്‍ 16 വരെയും 170 രൂപ പിഴയോടെ നവംബര്‍ 19 വരെയും ഫീസടച്ച് നവംബര്‍ 22 വരെ രജിസ്റ്റര്‍ ചെയ്യാം.

പരീക്ഷാഫലം

കാലിക്കറ്റ് സര്‍വകലാശാല ജൂണില്‍ നടത്തിയ നാലാം സെമസ്റ്റര്‍ എംഎ മ്യൂസിക് (സിസിഎസ്എസ്) പരീക്ഷാഫലം സർവകലാശാല വെബ്‌സൈറ്റില്‍.