Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ

ഇരുചക്രവാഹന വിപണിയിൽ ‘ആക്ടീവ’ തന്നെ ആക്ടീവ്; ഓരോ അഞ്ചു മിനിറ്റിലും അഞ്ചു പുതിയ ഉപഭോക്താക്കൾ

ഏപ്രിൽ മുതൽ സെപ്റ്റംബർ വരെയുള്ള വിൽപ്പന കണക്കിലാണ് സ്‌പ്ലെണ്ടറിനെ മറികടന്ന് ആക്ടീവ കുതിക്കുന്നത്

Honda Activa, hero splendor, ഹോണ്ട ആക്ടീവ, ഹീറോ സ്‌പ്ലെണ്ടർ, two wheeler, record sale in two wheeler, two wheeler sale, ie malayalam, ഐഇ മലയാളം

ന്യൂഡൽഹി: ഇരുചക്രവാഹന വിപണിയിൽ ഹോണ്ടയുടെ ആക്ടീവയും ഹീറോയുടെ സ്‌പ്ലെണ്ടറുമാണ് പ്രധാന എതിരാളികൾ. ഏറ്റവും അധികം വിറ്റുപോകുന്നതും ഈ രണ്ടു വാഹനങ്ങൾ തന്നെയാണ്. പുതിയ സാമ്പത്തിക വർഷത്തിൽ ഹീറോ സ്‌പ്ലെണ്ടറിനേക്കാൾ ബഹുദൂരം മുന്നിലാണ് ഹോണ്ട ആക്ടീവ. ഏപ്രിൽ മുതൽ സെപ്റ്റംബർ വരെയുള്ള വിൽപ്പന കണക്കിലാണ് സ്‌പ്ലെണ്ടറിനെ മറികടന്ന് ആക്ടീവ കുതിക്കുന്നത്.

സാമ്പത്തിക വർഷത്തിന്റെ ആദ്യ ഭാഗത്തിൽ (എപ്രിൽ-സെപ്റ്റംബർ) 13,93,256 ആക്ടീവ ടൂ വീലറുകളാണ് വിറ്റുപോയത്. 13,70,138 യൂണിറ്റ് ഹീറോ സ്‌പ്ലെണ്ടറുകളും വിറ്റുപോയി. 23,118 ആക്ടീവ സ്കൂട്ടറുകൾ ഹീറോ സ്‌പ്ലെണ്ടറിനേക്കാൾ അധികമായി വിറ്റുപോയി. ഓരോ അഞ്ചു മിനിറ്റിലും അഞ്ചു പുതിയ ഉപഭോക്താക്കൾ ഹോണ്ട ആക്ടീവ വാങ്ങുന്നുവെന്നാണ് കമ്പനി അവകാശപ്പെടുന്നത്.

അതേസമയം ഈ വർഷം ഇതുവരെ ( ജനുവരി – സെപ്റ്റംബർ ) ഏറ്റവും കൂടുതൽ വിറ്റുപോയ ഇരുചക്ര വാഹനം ഹീറോ സ്‌പ്ലെണ്ടറാണ്. 20,84,944 സ്‌പ്ലെണ്ടർ ബൈക്കുകൾ കഴിഞ്ഞ ഒമ്പത് മാസത്തിനിടെ വിറ്റപ്പോൾ ആക്ടീവയുടെ 19,60,038 വാഹനങ്ങൾ വിറ്റുപോയി. 1,24,906 വാഹനങ്ങൾ ആക്ടീവയേക്കാൾ കൂടുതലായി സ്‌പ്ലെണ്ടർ പോയി.

നാല് വ്യത്യസ്ത മോഡലുകളിലാണ് നിലവിൽ ഹോണ്ട ആക്ടീവ ലഭ്യമാകുന്നത്. ആക്ടീവ 5G, ആക്ടീവ 5G ലിമിറ്റഡ് എഡിഷൻ, ആക്ടീവ 125, ആക്ടീവ ഐ. രാജ്യത്ത് ഗീയർരഹിത സ്കൂട്ടറുകൾക്ക് മേൽവിലാസം നേടിക്കൊടുത്ത ആക്ടീവയാണ് ഇന്ത്യൻ ഇരുചക്രവാഹന വിപണി കൈവരിക്കുന്ന വിൽപ്പനയിൽ 14 ശതമാനത്തോളം സംഭാവന ചെയ്യുന്നത്.

Get the latest Malayalam news and Auto news here. You can also read all the Auto news by following us on Twitter, Facebook and Telegram.

Web Title: Honda activa creates a new record in two wheeler world hero splendor

Next Story
വിപണി കീഴടക്കി ഹീറോയുടെ ഇ-സ്‌കൂട്ടറുകൾE scooter, ഇ സ്കൂട്ടർ, hero, Optima, optima ER, NYX, NYX ER, ഒപ്റ്റിമ, എൻവൈഎക്സ്, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express